نظرات شهلا

[محمد بن عمار]

السلام عليكم ،،،
مشاعر تتحول بعد الإقلاع ...!!!
إلى طيران منخفض وذلك تمهيدا ً
لعملية الهبوط الإضطراري في
مطار الفطاحلة ،،، شكرا ً

نظرات شهلا

على نار اللقاء خذني القدم في شوق للميعاد= أحلّّق مع بقايا جروح قلب ٍ فيك هيماني
أسابق شوقي اللي به لهيب مصافحك وقّاد= يمنيني مع الأحلام ويآمرني وينهاني
وقفت ! بجانبك جسم ٍ وعقلي للخيال إنقاد= وتهت بغمرة الفرحة وعشت بعالم ٍ ثاني
أمد الكف يرجف من هيام الخافق الرعّاد = شفاهي خانها التعبير وهرجيٍ مات بلساني
ومن شدّة هيامي نبض قلبي بالحشا يزداد = رجف مستشعر ٍ دافي الكفوف لنجل الأعياني
تضيع علومي بنظرات شهلا ًرمشها لداّد = ونشوة داخل أعماقي سرت وإهتزت أركاني
يذوب القلب وضلوعي على ماصار به شهّاد = ويموت من الغبن حسرة وعندي فيه برهاني
أنا البرهان عندي ! حالي المعلول يالأجواد = وجلد ٍ فوق عظم ٍ عايش ٍ في صورة إنساني
سجنتيني رهين الحب و حطيتي لي الأصفاد = وقيّدتي المشاعر في خفوق ٍ منك حيراني
منحتك للوفاء فرصة على مااظن ما تنعاد = أبي إثبات حبك ! كان قلبك ما تناساني
على زايد غرامك صار لك وسط الحشا مقعاد = وبيت ٍ من وحي فكري بنيته وسط وجداني
نحّت من الصخر بيت ٍ أنافس به ثمود وعاد = و بنيت أهرام ٍ تنافس بناء فرعون وهاماني
وخلدّت إسمك بخارج مدار الكون بالأرصاد = محطة بالحشا تستقبل إرسالك إذا جاني
عليم الله كم ليل ٍ قضيته وقفة ٍ وقعاد = وكفي يحتضن راسي ودمعي غرّق أوجاني
أهدّي ثاير العبرة بدمع ٍ لا مسحته زاد = وأقنّع نفسي إني في غرامك كنت خسراني
وجع ! معقولة إحساسك توفى في حشاك وكاد = عليك الله اكبر ما تجمّلتي على شاني
ولالي في هواكم عقب هذا غاية ٍ ومراد = أبا امشي في طريقي وأترك القاصين والداني
عزيز ٍ ما أنحني إلا بفرضي راكع ٍ سجّاد= أخضع الراس للي خالقه ، وأرجيه غفراني

مودتي لشموخكم العذب

محمد بن عمار

[منيع]

ياسلام
دائما مميز وجدير بالمتابعة ياابن عمار
ربي يرعاكم
ودي وتقديري
تحياتي

[سعد السحيمي]

صح لسانك و لاهنت ياخوي

تحياتي

[الطائر المهاجر]

صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

[ماجد الراشد الهيري]

صح لسانك ابو عمار على هذه الباذخه والشامخه على حروفك التى دائما هي مصدر للابداع والتميز
ماشاء الله عليك

[داعي الشوق]

الله الله يا بو عبدالعزيز

وش ذا الزين كله

لاهنت يا جريح القصيد

قصيدة تجرح

و صح لسانك حتى ترضى يا مبدع

مع تحياتي لك

[فايز بن جبيل]

جزل جزل جزل يا ابن عمار

حظور ولي عودة


تقديري لك ولنبضك

[عبير الورد]

الله عليك


صح لساااانك ملايين

سلمت وسلم منطوقك الجزل

ربي يعطيك العافية

[السبتي]

شكراً على هذه الباسقه
صح لسانك
ولاهنت
تحياتي

[الـزلـزال]

محمد بن عمار

نص رائع ومميز
من شاعر متميز ورائع في كل مايقدمه لنا
أبدعت وأمتعت شاعرنا الجزل
دمت ودام لنا حرفك
صح لسانك ملايين ملايين
ولك فائق تحياتي وتقديري