بالله منهو بالمحبه يالفطاحل مستفيد !!

[عادل العتيبي]

الجادل أللي تهتوي نظم القوافي والقصيد=غنّت على المسحوب والدنيا على مسحوبها
مجمولتن تبغى الحياة ورمّعة الحظ السعيد=وتسيل دمعتها حزن أليا ذكرت محبوبها
تعيش ليلتها حزن وتصبّر القلب البليد=وأليا أنقضى ليل العنا راحت تحسب ذنوبها
وكل ما أتعبها الحزن ودموعها صارت تزيد=لو أنها تبغى الصبر ما كان شقت ثوبها
تقول وجدي وجد من غنّت على خضر الجريد=وياوجد حالي وجدها يوم العرب قفوبها
زرعتها في داخلي وأستوطنت وسط الوريد=هنيتها بأسلوبها حتى عشقت أسلوبها
في خدها كلمة هلا وفي عينها شي(ن) فريد=والناس من كلمة هلا تقدر تخطف قلوبها
وفيها جمال(ن) يجّعلك تقفي من الدنيا زهيد=كانّك تناضر للقمر / والشمس وقت غروبها
أتلى رسايلها لعادل وسط صندوق البريد=غابت وغاب أللي حضر معها ومع مندوبها
لو قيدتني بالغلا ما قيدتني بالحديد=وأن كان عيبي قيدها انا عشقت عيوبها
من بعدها عايش لحالي وسط هالعالم وحيد=كني لحالي بين سكان البلد وشعوبها
وترى المحبة جرحها لو طاب لا يمكن يبيد=من هازها لازم يضيع ولو يدل دروبها
بالله منهو بالمحبه يالفطاحل مستفيد=من المحبة كل خلق الله تحك جنوبها

[الطامي]

عادل
صح السانك وسلم بنانك
ولاهنت

[مبروك بن ماضي]

اخوي المبدع :
الشاعر / عادل العتيبي
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[الطائر المهاجر]

بالله منهـو بالمحبـه يالفطاحـل مستفـيـد
من المحبـة كـل خلـق الله تحـك جنوبهـا

صاصارت هذي محبه ..الخلق تحك جنوبها
اذا دباها دابي هههههههه

صح لسانك وقلبك
جزلة من راس جزل
لاهان راسك
تحياتي الطيبة

[داعي الشوق]

لـو قيدتنـي بالغــــــلا مـا قيدتنـي بالحديـد
وأن كان عيبي قيـــــــــــدها انـا عشقـت عيوبهـا

*********************

الشاعر الرائع / عادل العتيبي

صح لسانك .. قصيدة رائعه وبها ما يتحدث عن روعة ومدى البعد الثقافي

والفكري عند شاعرها وشاعريته الغزيره .. فمشالله عليك أخي عادل

ومتأكد أن لازال لديك الكثير والكثير ..

دمت برعاية الله ،،،

تعيش ليلتها حـزن وتصبّـر القلـب البليـد
وأليا أنقضى ليل العنا راحت تحسب ذنوبهـا

صح لسانك ياعادل

قصيده مميزه

اتحفتنا بها لاهنت

تحياتي

[ابومياس]

بالله منهـو بالمحبـه يالفطاحـل مستفـيـد
000000000من المحبـة كـل خلـق الله تحـك جنوبهـا

عادل العتيبي

انت رائع بكل ماتعنيه الكلمة

اسلوب سلس

وجمال في التصوير

وجزالة في المعنى

صح لسانك وبيض الله وجهك

اعجابي

دمت بخير

[نجم الإبداع]

ارحب ياعادل


صح لسانك على المصافحه الراقيه


ابدعت

لاهنت

فائق الاحترام

لاهنت ياعادل

صح لسانك وسلم فكرك

تقبل مروري واعجابي

دمت بخير

[الخنساء]

صح لسانك اخي الشاعر عادل

لاهان راسك قصيدة رااائعة

ترجمت روعة المشاعر

سلمت وسلم شعرك

دمت بخير