دنياك يابن آدم طريق اتجاهين

[الطائر المهاجر]

دنياك يابن آدم طريق اتجاهين= اخذ وعطا مثلك مثل ساير الناس
واللي يبي ياخذ ولا يسدد الدين = اما اناني او من الفكر بافلاس
ولاّ يشوف انه غدا من السلاطين= وضرسٍ علا والغير من تحته اضراس
وحنا بهذا القصر نمشي بقوانين= الكل متساوي بعدلٍ ومقياس
بغض النظر منهو فلا فيه تخمين= قانون واحد ثابت الركن والساس
لاتقول انا مشهور عندي نياشين = ولا تقول انا مشغول بالفين هوجاس
من لايثمّن ما لقى اي تثمين= يهمل قصيده دام ماعنده احساس
فالشعر حس وذوق قبل الموازين = حتى ولو شعرك بنظراتك الماس
فمن لاشعر بالغير عايش بتكفين = تمثال واقف لو لبس اجمل لباس
هذي الفطاحل وكر حر الشياهين = اللي لهم بالفعل عزه ونبراس
الدرب واضح للرجال الميامين = ومن شاف غيره صايبه بعض الاعماس

[منيع]

اصبت يادكتور
ربي يرعاكم بلطفه
تحياتي

[همس الورد]

صح لساااااااااانك مليووووووون

و صح بدنك

بوووووح رائع يا دكتووووووووووووور

تحيتي و تقديري

[الـزلـزال]

الطائر المهاجر

نص متقن ومحكم وهادف

من شاعر تعودنا منه تقديم كل مميز

رائع رائع طائرنا في هذا النص بكل ماتحملة كلمة رائع

حلق وزد بتحليقك الشعري طائرنا ولنا الأستمتاع والأنصات

دمت ودام حرفك الراقي المميز

صح لسانك ملايين ملايين

ولك فائق تحياتي وتقديري

[عبدالله راشد الثويني]

صح لسانك شاعرنا المـُـميز ابو عبدالله
دُرر وروائع إعتدنا عليها من شاعر بحجمك مبدع مع كل أطلاله
تسلم يمناك ولا عدمناك يابعدي
طامعين بجديدك دائماً
تقبـّـل تحيتي

[الطائر المهاجر]

ترى اهل الأختام اللي ما يقرون ولا يدرون وش الموضوع
يبي لهم قصيدة مماثله او اشد لهجة ، لاتقولون ما قلته

[عبدالله الدخيل]

صح لسانك وبارك الله فيك وانار الله محياك يا شاعر الحكمه الدكتور عثمان

قصيده قويه وهدفها واضح ونيشانها بالصميم

فعلا فعلا

هذي الفطاحل وكـر حـر الشياهيـن
اللـي لهـم بالفعـل عـزه ونبـراس
الـدرب واضـح للرجـال الميامـيـن
ومن شاف غيره صايبه بعض الاعماس

ونعم مليون ولا يكفون لم تكذب يا دكتور


اصبت يا دكتور وهذا والله اللي شجعني وحببني اشارك مع الزملاء في هذا القصر

صح لسانك

وابارك للجميع حلول شهر رمضان المبارك
الله يعينينا على صيامه وقيامه
ودي وإحترامي

[داعي الشوق]

لاتقول انا مشهـور عنـدي نياشيـن= ولا تقول انا مشغول بالفين هوجـاس
مـن لايمّن مالقى اي تثمين = يهمل قصيـده دام ماعنـده احسـاس

^^^^^^^^^^^^^^

يا سلام عليك يا بو عبدالله

أجزت في الابداع و التصوير

و صدقت في ذلك

صح لسااانك مليوووووووون

قصيدة وافيه ولا عليها ملام

لاهنت

مع التحية لك

^^^^^^^^^^^^^^^^^^

[عبير الورد]

لاتقول انا مشهـور عنـدي نياشيـن
ولا تقول انا مشغول بالفين هوجـاس
مـن لايثمّن ما لقى اي تثمين
يهمل قصيـده دام ماعنـده احسـاس
فالشعر حـس وذوق قبـل الموازيـن
حتى ولو شعـرك بنظراتـك المـاس





الله عليك

ودك تكون هالابيات
مثبته في الاستايل تطلع بوجه
اللي يدخل المنتدى على طول




صح لسااااااانك ملايين
شاعرنا المتجدد
سلمت وسلم منطوقك الجزل
ربي يعطيك العافية

[الطائر المهاجر]

لا توصين حريص شوفي توقيعي