الميدان ياحميدان...للجميع

[الطائر المهاجر]

اللي وده يلعب ... يطب ويبدع

[نجم الإبداع]

غنّى الربيع وفتّح الزهر بالروض=وانا على ليلاي ياعود غنيت
دام الهوى للقلب ياخوي مفروض=سجين مثلك ماقدر افارق البيت

[الطائر المهاجر]

العود مثلك واجب يؤدي فروض = ولا يترك المسجد ولو طرد بفليت
انا اشهد انك عاصي كلك نقوض= فاسجد لربك قايلٍ ربي اخطيت

[نجم الإبداع]

حلمك علينا مانبي شلة الخوض=ولا نبي نقرى صحفنا وجازيت
نقرى في المصحف ونطمع في الحوض=ونحب مثلك لو علينا تماديت

[الطائر المهاجر]

يعني تبي الهين ولا ترغب الشوض= تبي التغزل كلما اصبحت وامسيت
خبري تحب الزين لا سلهم النوض = وخبري تصيد الصيد لوما تحريت

[نجم الإبداع]

لاتتهمني تحسب القلب مرضوض=والله ماعمري على الحب عديت
اكتب خيالي في صدى شعر مقروض=مانا من الي بالهوى ذايع الصيت

[الطائر المهاجر]

ماهيب تهمه غير تقديم معروض = اتطبق المنحه اجاورك في هيت
ولك نصفها ماهي تجاره ولا عروض = واليا اثمرت اعطيك عد وتوقيت

[ابو زياد]

اللــــــــــــــــــــــــه اللـــــــــــــــــــــــــــ ـــه

[نجم الإبداع]

عرضك سخي لكن لي جيب منفوض= لولا الحيا بالعود للناس غنيت
هذا طلب والعرض ياعود مرفوض=ففاقد الشي كيف يعطيك كبريت

[نجم الإبداع]

المشاركة الأصلية كتبت بواسطة ابو زياد

اللــــــــــــــــــــــــه اللـــــــــــــــــــــــــــ ـــه

ارحب يابو زياد

شاركنا وساعدني على العود

هههههههههههه
لاعدمناك