تعودت اعز النفس فالذل ما اريده

[الطائر المهاجر]

تعودت اعز النفس فالذل ما اريده= واقاوم زمانٍ في شموخي تحداني
يبي شبه انسانٍ يراكض ورى سيده= ويركع ويسجد دام في الذل غرقاني
لاجل يجمع الدنيا ولا حس في قيده=وهو راحلٍ عنها حقيرٍ ومنهاني
خلقني الهي حر يؤمن بتوحيده= لغيره فلا يركع ولو نام جوعاني
اقاوم قدر ما اقدر فلاخفت تهديده= وامد الرجل في مستوى لحاف غطاني
اعيش بكفاف العيش ما همني رْغيده= ولا همني من مظهره عالي الشاني
فلا نيب من يشري المظاهر بتقصيده= لاجل يخدع اللي يجهله باعد او داني
وانجّز لأمري لو اواجه بتعقيده= بلا ظهر وإلا واسطة واحد داني
حياة الرجل عزه يعلّي بها رْصيده= ومن عاش في ذله فلا هوب انساني
فكوخ على عزه ولا قصر تشييده= على ذل مهما كان عالي بالاركاني

[نجم الإبداع]

الله الله

وافي ووجهك ابيض

وصح لسانك يادكتور

ولاهنت

تقبل مروري

وتقديري

[عبدالله مذكر العقيلي]

كفووووووووووو يادكتور

بيض الله وجهك

جزله من راس جزل

صح لسانك وفكرك


تحيتي

[عيدالماجد]

شاعرنا القدير ودكتورنا الفاضل مليون صح لسانك وفكرك الراقي تقبل اصدق واعذب التحيات ودمت كما انت مبدعا

[زهرة اللوتس]

كتبت
فأرغمت الشموخ للرضوخ .. بذكاء
قلم قوي .. وفكر يقض.. ونص بالغ الروعة
الطائر المهاجر
سلمت وسلمت يمناك
دمت بهذا الابداع
ولاحرمنا الله هذا الهطول

تحية موده


زهرة

[نفحات حساسة]

حياة الرجل عزه يعلّي بهـا رْصيـده

ومن عاش في ذله فلا هوب انساني

فكوخ على عزه ولا قصـر تشييـده

على ذل مهما كان عالي بالاركانـي

الله عليك ..

صح السانك..مدد

نص رائع,,سلمت

تحياتى

[عبدالله راشد الثويني]

كفووو يابو عبدالله وصح لسانك يابعدي
أبدعت وامتعت وهذي عوايدك
تسلم يمناك على ماخطت طامعين دائماً بكل جديد
تقبـّـل تحيتي

[نمرالعوين العتيبي]

دكتور عثمااان العبدالله


الله يسعد قلبك ولله درك من شاااعر رااااااااااااااقي وجزل وحضوورك
ممميز صح لبك ملياراااااااات

[صنداح الزلامى]

كفووووووووووو يادكتور بيض الله وجهك جزله من راس جزل صح لسانك وفكرك تحيتي

[بنت العز]

صح لسانك

تميز يستحق العوده

تحياتي