الذيب هزلات الغنم ما تعشيه

[احمد الجريفاني]

ماهو غريب انك تقولين شايب=ابوك قبلي يوم شيّب حقرتيه
قولي: ماني رجال ناقص وخايب=اما الشََعر مليون مره صبغتيه
من حطلك يا بنت شقر الذوايب=(كوفير)والا شخص متوحمه فيه
رخيص مكياجك مسوي مصايب=اكيد مع شغالتك واستلفتيه
والا برحله واعزموك القرايب=من (شاينا تاون)(برنقت) شريتيه
متخوفه يا بنت دفع الضرايب=مكياج لقطه ربنا يسعدك فيه
تبينه يغطي خدود(ن) خرايب=وجهك يبيله شد يابنت شديه
شايب : ولي في كل ديره حبايب=حظيظ منهو جملة الناس تغليه
من (شمّر )الي متعبين الركايب=الشمري حتى خصيمه يحييه
متعلم وشاعر..بوقت النوايب=آقف بجنب الي نخاني والبيه
ولي قلب(ن) ابيض من عنا الهم ذايب=يمكن لو انه في ضلوعك رميتيه
ترفقي يا بنت ماهي طلايب=لا طالبن يدك وشرواك ما بيه
ولا جيت عانن لك ولا بالغصايب=امرك ابوك وقال غصب اقبلي فيه
ولا صارت جروحي من اجلك عطايب=ولا خفوقي فز لك واتهمتيه
العقل نعمه من عظيم الوهايب=لو هو معك موجود قمتي لبستيه
لا من بغيت القرب اعرف النجايب=الخط عنوانه دليل(ن) لقاريه
ما روح ادور عن رخاص الجلايب=الذيب هزلات الغنم ما تعشيه

[مبروك بن ماضي]

لافض فوك شاعرنا القدير/ أحمد الجريفاني
كل الشكر لكَ على إتحَافِنا بكل هذا
الجمال....! والجزاله ،

من (شمّر )الـي متعبيـن الركايـب
----------------------الشمـري حتـى خصيمـه يحيـيـه
والسبعة أنعام بك وبلابتك شاعرنا الكبير
سَلمَت يداكَ .. ودام صداك
ودَام نَزفُك شَامخَاً ..
وفَقَكَ البَاري
وكل عام وانت والشعر بخير

[الطائر المهاجر]

الشمـري حتـى خصيمـه يحيـيـه
اجل وش بلاك ما حييتها ؟؟؟

صح لسانك وفكرك
ودام ابداعك
ولا هان راسك
تحياتي

[الخنساء]

ولي قلب(ن) ابيض من عنا الهم ذايب

يمكن لو انه فـي ضلوعـك رميتيـه

ترفقـي يـا بنـت ماهـي طلايـب

لا طالبن يـدك وشـرواك مـا بيـه

ولا جيت عانـن لـك ولا بالغصايـب

امرك ابوك وقال غصب اقبلـي فيـه

ولا صارت جروحي من اجلك عطايب

ولا خفوقـي فـز لـك واتهمتـيـه

العقل نعمـه مـن عظيـم الوهايـب

لو هو معك موجـود قمتـي لبستيـه

لا من بغيت القرب اعـرف النجايـب

الخـط عنوانـه دليـل(ن) لقـاريـه

ما روح ادور عن رخاص الجلايـب

الذيـب هـزلات الغنـم مـا

صح لسانك مليون ولايكفون

قصيدة جزلة من شاعر متمكن

مبدع شاعر نا لاهنت

وكل عام وانت بخير

[الطامي]

الجريفاني الشمري
صح السانك ملايين
والنعم قول وفعل يالسنعوسي
رائعة وجزلة وهادفة لافض فوك اخي
شكرا لك

[عمر ال شيبي]

والنعم منك لا هنت ابد

ابيات جزله من جزل
تصوير رائع

يا هلا بك

[منصور مشعل العدواني]

والله وسبعين مليااااااار نعم ياالشمري رجال تكلم عنهم التاريخ هذا أولا ثانيا القصيده فاقت الكلام أبداع بكل ماتحمله الكلمه من معنى صح لسانك وسجل مروري ومتابعتي الشديده لك فمثل هذا الشعر نبحث عنه ياالذيب...

[عيدالماجد]

صح لسانك قصيده تحمل بين ابياتها الحكمه دمت مبدعا

[سعود العضياني]

الله والله


وصح السانك وبيض الله وجهك

نص جزل من رأس جزل


لله درك

دمت بود

[هندي العتيبي]

أحمد

قصيده في قمت الجمال

وصح السانك

والله يعطيك العافيه