مساجلة التحدي بحرفين فأكثر ومن بدعك

[نجم الإبداع]

السلام عليكم ورحمة الله

إخواني الشعراء الفطاحله

هنا منازله للغوص في اعماق الكلمه

وهي ملحمه يبداء الشاعر فيها بــــ (الثلاثة أحرف ) الأخيره

من ابيات الشاعر الذي سبقه

وبحرية الوزن والقافيه

هنا للفطاحل ملحمه كنها ذي قار = بها كل فطحل صاغ بالقاف عنوانه
قلوبٍ نقيه نهجها سامي الأفكار = بها الطائر الي يطرب الصب ميزانه

يعني الي بعدي يبداء بــــــــ( أ ن هـ )

تحياتي للجميع
منقول فكرة أخونا(حمد الشرعان)

[الطائر المهاجر]

الفكره جيد ن لكن الطاروق رايح يختلف

انهى النفس عن كل دربٍ به العار = ولا تساهل تحسب إنّك لحالك
الله رقيبك عالم السر وجهار = والناس تشنى لوهم اقرب خوالك

[نجم الإبداع]

الكيف من فنجال قهوه على النار = والبال خالي بين زهر ورياحين
خصوص لامن جات في ليل سمار = والود يسري بينهم بالموازين

[الطائر المهاجر]

الثلاثة حروف اختلفت يافلاح : حين ، زين ، اختر وعدل

[منيع]

زين الطبايع والغلا والتعاجيب=الله طبعها في جنابك طباعه
ياسيدالخفرات وكل الرعابيب=سلمت لك روحي وقلبي وداعه

[الطائر المهاجر]

الثلاثة الأحرف الأخيره : اعه

اعهر الناس صار اليوم سيد الرجال = في زمانٍ عطى للخايبه ما تبي
يالله إني دخيلك تبدل الحال حال = او تطربقها على من ضيع المذهبي

[سناعيس]

فكره رائعه جدا أخوي فلاح
خذوذو محاولتي

(اعه بمط كمو) كلام مافهمته=واظن انه كلام قالته لي بنت (حبيلك)
غجريه ولاتعرف لغه لكنها فلته=تفاهمنا باشارة وقلت يازينك وياحليلك

[الطائر المهاجر]

اعتقد الإكتفاء بالحرفين الأخيرين شريطة أن يكونا أصليين سيسهل المهمة ، والمقصود لاتكون النهاية همزة او ياء
يمكن الإستغناء عنهما بفتحة او كسره .

لك الله يا الزمان اللي تدوس المسلمين خطاه = يمرّ العام والثاني ويكشف عن مضامينه
قهر في قهر مما تنشر الأخبار او نقراه = مشاهد دوم تتكرر توضح وضع ناسينه

[نجم الإبداع]

ماعليش اخوي سناعيس
اخر ابيات ابو عبدالله (هبي)

هبيل من يعشق صغيره وهو شيخ = لو جاء الطلوع يخر زيت المكينه
خلك على اعجيزك لاتشوف مريخ = وسهيل في عز الظهر والغبينه

( ينه)

[الطائر المهاجر]

ينهى المطوع لانقرب تداول = وهو يديّنا وفينا يرابي
العشر بالعشرين مهما نحاول= ماخاف من ربه بيوم الحسابي