يا بنات العرب اشوف النت أثر

[الطائر المهاجر]

يا بنات العرب اشوف النت أثر= في حياة البنت في عصر الهنا
وقتها تقضيه ما ظنته يسحر= من تساهل به على نفسه جنا
تحسبّنـه آمنٍ تبـدا وتنشـر= ما تبـي من كل همٍ أو عنـا
وتجتهد دام الردود اكثر واكثر= خاصة ممن تشوف لهم ثنـا
مثلما الغزلان تسرح ما تحذّر= بالمفالي راكضة خلف الجنـا
يوم شافت ذيب يضحك ماتأخر= تتجه نحـوه وهو منها دنـا
قالت المسكين ماله ناب يحذر= مدرّب في السرك والف طبعنا
وابتدا اللعبـة كلام بالمسنجر= وفتّح الأبواب وجروح العنـا
قـال فيني مثلما بك لكن اخطر= روحي وروحك تلاقن هاهنـا
تكبـري في العين أكبر ثم أكبر= آمري وانهي على كيفـك أنا
يستمر الحكـي لين الله أكـبر = ترقـد الأشعار معها والغنـا
تجتلد تجتر حكيه لين تفطـر = وتحمد الله كيف جابلها المنا
تنتظر منه الرساله شي يقهـر= ليش يتـأخر وينسى وعـدنا
وتعطي الجـوّال حتى ميتأخر = تسمع لصوته فلا عنّه غنـا
وهكذا تمشي ابدربه لين يظفر= ياخذ المطلوب دون أية عنـا
ما درت به داشـرٍ ذيبٍ تنكّـر= ضاري بالسير في درب الخنا
ياحصاني نجد ولا البحر الاحمر= وياحصاني كل بقعه بارضنا
امركم مكشوف ما يحتاج مجهر= كل واحد له خوات وله ضنا
العقـوبة واردة لو هي تأخـر = ومن تهاون ينتظر نوع الجنا

[الطائر المهاجر]

ترفع لعل فيها بعض الفائده

[منيع]

العقـوبـة واردة لــو هــي تـأخـر=ومـن تهـاون ينتظـر نــوع الجـنـا

ابيات رائعة ومعبره
شكرا لك
تحياتي

[بنت النور]

صح لسانك وعتلى شانك
كلماتلها وزن رائع
لاهنت

[الطامي]

صدقت يادكتور
وصح السانك
ولاهنت