....... عيــــــون الغلااااا ........

[شجون القصيد]

متواضعه ارجو ان تعجبكم

عيون الغلا كفي عن مناظري بالله = ولاتناظرين اللي مولع بليتيني
أنا وين ماصديت عن ناظره القاه = ابعّد ولكن ياعيونه فضحتيني
وانا لا فقدته ياعرب لاعدمت شفاه = احس المنايا داخل الروح تطويني
وقلبي يفوق بضربته لا سمعت خطاه = صواريخ حربيه تبيد الملاييني
دموعي على خدي ليا من طرت فرقاه = كأن المداوي داخل حشاي يكويني
والى من زعل مني وصد وطلبت رضاه = كرهت الدقايق كلها صارت سنيني
وان لد يمي وابتسم قلت انا ويلاه = ورفعت الكفوف لخالق الكون يشفيني
ترا سعد عمري مع هنا خاطري ومناه = ولو قلت وينك ؟ قال آمر على عيني
تغل وتمن واطلب الروح لك مهداه = ابعطيك عمري دام عمرك عطيتيني
انا وين مثلي بالعذارى لقت شرواه = أصد اتغلا ابعد اخطاي ويجيني
انا وين مثله بالبشر ياعرب بالقاه = ووالله مثله ماخلق ربي اثنيني
حكيم وحبيب ولين القلب يا ماحلاه = وروحه خفيفه كم بهالروح مغريني
وريح العطر والورد الى اقبل يفوح شذاه = وحضنه زهور الفل وسط البساتيني
يقولوا مدحتي فيه حيلٍ ولا شفناه = وانا اخاف يبلاهم مثل ما مشقيني
وخوفي ليا منه ظهر للبشر حلياااه = نساهم تقطع مع يديها الشراييني

[عدنان كريزم]

شجوووووووووووووووووووووون




انتي من مدرسة الدهشه



مدهشه فعلا


لا هنتي

[الطائر المهاجر]

كتبت فأبدعتي

جزلة من راس جزل وشاعرة متمكنه

صح لسانك ولا هنتي

تحياتي الطيبة

[منيع]

في منتهى الجمال والابداع
شكرا لك ولهذا البوح الراقي
تحياتي وتقديري

[نجم الإبداع]

الله الله

صح لسانك ياشجون

شاعره متمكنه وقصيده رائعه

ووصف يستحق الوقوف كثيرا

لاهنتي شاعرتنا

لاهنتي

تقبلي مروري

وتقديري

[زهرة اللوتس]

سلمتي وصح لسانك
جزلة من شاعرة جزلة
لاهنتي
يعطيك العافية
تحياتي

[عبدالعزيز البليهد]

الله عليك ياشجون ابداع حد الغرق بالرومنسيه

تسلمين وصح قلبك

تذوقنا هذا المساء جزالة الشعر

[عايد ربيع الحويطي]

نص يستجق التصفيق
كنت اتمنى اني اعزف لكنت لحنتها!
كما عهدتك فوق هام السحب

[الطامي]

شجون
الله عليش ماروع ماطرحتي
صح الاسانش ملايين
دزلة ووافية وااااااااااااااااااااااااااااا ااااااااااا عزاه
اللي باقي له قلب لايقراها يالربع
شكرا شجون

[ابو تواف]

شجون
سلم بوحك وصح لسانك
وقفت كثيرا اتامل جزالة الشعر
ونظم الفكره

مبدعه الى مالا نهايه

تقبلي اعجابي