الشادن اللي خزّني رمشها

[كظيم]

من قديمي للتواصل

انا ولد عزّ متربي على العزّ=ما ني بمثل اللي ربى عالمذله
وآنا جبل راسي ولا عمره اهتزّ=ياحرّ بركانه ويا ريف ظله
وآنا لضيفي لو لحم يدي آحزّ=اكرمه وآضيفه حشى ما امله
وآنا لحالي وحدي ابذاتي اعتزّ=اقدر اطيح سهيل وارقى محله
والشادن اللي خزّني رمشها خزّ=انا اشهد انه حطّ بالجوف علّه
اللي رموشه كنها الصقر لا فزّ=شاف القنص من عالي الجو وتله
وامجدلٌ من فوق الامتان للعجز=لاقام يمشي قام وركه وشلّه
رماني ابسهمه وفي صدري ارتزّ=يا وجد حالي غير شكواي لله
يا وجد روحي وجد من سيفه انجزّ=في وسط حربٌ دايره مشمعله
ابوه واخوانه وربعه تحفزّ=ولا في يده من سيفه يكون نصله
دارت دوايرها وله عينٌ اتخزّ=ودمه يفور وكرّ من غير سله
هذا وانا والنور من ثغره انشزّ=مدري احبّ الثغر والا أهله

[العصفور]

شكرا لإمتاعنا بإبداعك
لاهنت
تحياتي

[بحر الجنوب]

صح لسانك ولا هنت

[عبير الورد]

الله الله
صح لساااااانك ملايين
سلمت وسلم منطوقك الجزل
ربي يعطيك العافية

[بيدي رسنها]

اللي رموشه كنها الصقر لا فز .. شاف القنص من عالي الجو وتله ,
صح لسانك ولا هنت ياأبيض الوجه قصيده أكثر من رايعه ... ويسلم بوحك ومنطوقك ... تحياتي

[منصور العبدالله]

صح لسااااانك

ولا هنت

[منيع]

اكثر من رائعة
تسلم اخي الكريم
شكرا لك ولحضورك المميز
تحياتي

[مجدي صالح المبارك]

الشاعر القدير

( عبدالله الوقيدي )

صح لسانك واعتلى شانك على هذا النص الجميل

تقبل تحياتي القلبية

ودمت بكل خير وسلام

[عطر الياسمين]

صح لسانك
واعتلا شانك
جزله من جزل
تحيتي لك

[فارس القوافي]

هلا بالوقيدي ياهلا


صح لسانك

قافية وابداع


لاهنت


يعطيك العافية


دمت بخير