فاض الوفاض

[نجم الإبداع]

فاض الوفاض ومابقى لي مناشي=الا جروح الوقت من زيد وعبيد
واليوم غاب الي يثير انتعاشي = قفّى وانا من عقب بعده كما الحيد
جفّت ينابيعي وضاق المعاشي = واظلم علي الكون بين الجلاميد
حبيبي الي غاب واخفى الغواشي=عني وروّح لاهل ذيك القراميد
اشرب دموعي وانتظر كل ماشي=علّه يجيب اخبار وش حالة الصيد
الي شوى قلبي وساق الجياشي = حسنه يغارن منه بالعالم الغيد
ماطاع فيني يوم بالناس واشي = ولاسمع فيني كلام المناكيد
اسقاني احلى شهد من نبع راشي=ماصدّق الي جاب في نفسه العيد
هذا الحبيب الي يطول النقاشي = في وصف روحه والعيون الغواميد
ماهو كما الي حل فيه ارتعاشي=يوم الوكون العوج غمّت على البيد
يحكم على العالم وانا اعطيه كاشي=اما حبيب الروح فوق المواريد
ياليل خبرني وجد بالحواشي = علّي على موالك انسى التناهيد
من عقب بعده طحت فوق الفراشي=مضنى جريح وعن هوى الخل ماحيد

[جلال ابراهيم الصبيح]

الله الله الله يا فلاح


أبيات أكثر بكثير من رائعة جزلة من جزل

الله عليك ما أروعك أمتعتنا براعتك صح لسانك

واعتلى شانك يالغالي....دمت بألف خير.



بائع الورد

[عبدالله مذكر العقيلي]

صح لسانك

وعلاشانك

ولاهان راسك


تحيتي

[الـزلـزال]

فلاح بن منشار
بوح مميز ومتقن ورائع
من شاعر متمكن ورائع في كل مايبوح به
مبدع فلاحنا وممتع دائمآ
أسعدني تواجدي أمام هذا البوح الراقي
صح لسانك ملايين ملايين
ولك فائق تحياتي وتقديري

[حي الضمير]

صح لسانك شاعرنا الكبير فلاح
قصيده رائعه وابدعت بارك الله فيك
أجزل التحايا والاحترام

ــــــــــــــــــــــــ

[الطائر المهاجر]

ادغام في اظهار اعرب بلاشي=ومن لاضبط غنه يحس بتجاعيد
انا اشهد ان الحب ملعون خاشي= كم هو سدح من ض... بين المقاريد
احسنت وفي الجمال ابدعت
صح لسانك قلبك الأخضر
ولاهان راسك الأبيض
تحياتي

[الخنساء]

المشاركة الأصلية كتبت بواسطة نجم الإبداع

فاض الوفاض ومابقى بالحشاشي=الا جروح الوقت من زيد وعبيد
واليوم غاب الي يثير انتعاشي = قفى وانا من عقب هجره كما الحيد
جفت ينابيعي وضاق المعاشي = واظلم علي الكون بين الجلاميد
حبيبي الي غاب واخفى الغواشي=عني وروح لاهل ذيك القراميد
اشرب دموعي وانتظر كل ماشي=عله يجيب اخبار وش حالة الصيد
الي شوى قلبي بجمر الهواشي = حسنه يغارن منه بالعالم الغيد
ماطاع فيني يوم بالناس واشي = ولاسمع فيني كلام المناكيد
اسقاني احلى شهد من نبع راشي=ماصدق الي جاب في نفسه العيد
هذا الحبيب الي يطول النقاشي = في وصف روحه والعيون المغاميد
ماهو كما الي حل فيه ارتعاشي=يوم الوكون العوج غمّت على البيد
يحكم على العالم وانا اعطيه كاشي=اما حبيب الروح فوق المواريد
ياليل خبرني وجد بالحواشي = علّي على موالك انسى التناهيد
من عقب بعده طحت فوق الفراشي=مضنى جريح وعن هوى الخل ماحيد

صح لسانك مليون ولايكفون

قصيدة جزلة من شاعرجزل

سلمت ودام حرفك

[صعبة المنال]

الله الله عليك
صح لسانك

صعووب

[داعي الشوق]

من عقب بعده طحت فوق الفراشـي =
مضنى جريح وعن هوى الخل ماحيد

**************

صح لسانك مليوووووون

يا نجم الابداع

فلاح بن منشار

شاعر متميز و رائع دائما

صح لسانك مع التقدير لك

و لاهنت

*************

[بنت العز]

صح لسانك

وعلاشانك

ولاهان راسك


تحيتي