(( المال ليسا بالضروره يكون عز لصاحبه ))

[فهد الغنام]

بسم الله الرحمن الرحيم


مساء الخير للجميع ....


المواقف الماليه دائما ما تنتهي بالخذلان... كثير ما تتوقع من شخص الوقوف معك في هذه الامور ولكن تكتشف عندم تحتاجه عكس ذلك تماماً ...


(((... المال ...)))

الطـيـب فــي راع الـظـلايـم ظلـيـمـه=والطيب في راع النقاء يشرح البـال
والكذب سقم (ن) فالعقـول السقيمـه=والصدق منّجاة الفتـى يـوم الأهـوال
والكبـر هاجـوس النـفـوس اللئيـمـه=وألاّ التواضـع للفـتـى عــز واجــلال
وترا الحسد راس الصفـات الذميمـه=وراع الحسد دايم خبيث(ن) ومحتال
وبيع الشرف بالمـال ذنـب وجريمـه=منبـوذ مـن عصـر الجهـالـه ولا زال
ونـقـل الحـكـي بـيـن الأوادم نميـمـه=ولا ينقله يا كود خبـل (ن) و جهّـال
قول(ن) عظيم ومـن رجـال عظيمـه=مـا نيـب أقولـه قيـل قبلـي بالأمـثـال
الـمــال بـيـديـن النـشـامـا عـزيـمــه=والـمـال بـيـديـن الـــردي ذل واذلال
ومن لاعطـاه المـال عـز(ن) وقيمـه=ليـت الفقـر حـده علـى نايـف الجـال
مـا ينصـا رجـل (ن) يـذب الخريمـه=ولا ينـصـى بالـلازمـه غـيـر رجــال
وإن كان مـا تقضـى اللـوازم بهيمـه=أخير لك تضفي علـى راسـك الشـال
لا قلـت ســم ولا رفـضـت بحشيـمـه=ولا للمعـزه والـرجـاء فـيـك مـدخـال
لا وا حسايف عشرة (ن) لـك قديمـه=تبـي تبيعـه يـا اسـود الوجـه بريـال
انت تحسب الدنيا حياة (ن) مديمه=اذهن وراك المـوت قصـاف الاجيـال
العـمـر يـمـشـي واللـيـالـي مقـيـمـه=وعن منـزل الدنيـا لـك القبـر منـزال
ان كان مـا تاخـذ مـع النـاس شيمـه=لا مت مـا يدفـن معـك غيـر الاعمـال
فـي كـل يـوم (ن) ترتـجـي للغنيـمـه=المـال يذهـب والبقـى صحـت الحـال

فهد الغنام الشمري

[الـزلـزال]

فهد الغنام

بوح مميز ومتقن ورائع

من شاعر متميز ورائع فيما قدمه لنا

أبدعت غالينا في بوحك بكل تميز وروعه

سرني معانقة هذا البوح الراقي وطابت لي حروفه

صح لسانك ملايين ملايين

ولك فائق تحياتي وتقديري

[سناعيس]

صح لسانك يافهد
ولله درك
على هذه الرائعه
لاهنت

تحياتي

[عبير الورد]

صح لساااااااانك ولاهنت يعطيك الف عافيه

[عبدالرحمن الصباح]

ان كان ماتاخذ مع الناس شيمه===== لامت مايدفن معك غير الاعمال
ماقول غير صح السانك مليار ولاتكفي رائع من الروائع ووصف لحال الناس والاصدقاء في ذا الزمن اسجل اعجابي وتقديري ولي عوده

[داعي الشوق]

صح لسااااااااااانك يالشاعر فهد الغنام

و الحمدلله على السلامه

و عوداً حميداً

و اشهد بالله انك صادق في كل بيت

قصيدة مثل الثلج على الصدر

صح لساانك مدد

و حياك الله

**************

[بنت العز]

صح لساانك مع تقديري لك

سلمت ولاهنت

يعطيك العافيه

[عبدالإله]

قمة الجزالة و المعنى

حاضره هنا

صح لسانك و قلبك

و لاعدمناك يا فهد

@@@@@@@@@

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود
هذا الشطر افضل قراءته بطريقة اخرى
انت تحسب الدنيا حياة (من) مديمه
انتْ تْحَسِب دنياك هذي مديمه

[الخنساء]

والكبر هاجوس النفـوس اللئيمـهوألاّ التواضع للفتى عـز واجـلال

وترا الحسد راس الصفات الذميمهوراع الحسد دايم خبيث(ن) ومحتال

وبيع الشرف بالمال ذنب وجريمـهمنبوذ من عصر الجهالـه ولا زال

صح لسانك مليووون ولايكفوون
قصيدة جزلة من شاعر متمكن
سلمت ودام حرفك