يا بنت !!! عفواً

[عبدالرحمن الغيثي]

يابنت عفواً كان قصدك تسلين = ماني على خبرك بي انكاد واحزان
ادري جمالك يستثير الكثيرين = وغيري منك لحظه تخليه طربان
وانا لو اني شفت مدعوجة العين = جازيتها عن غمزة العين نسيان
من العام وانا داخل القلب جرحين = اقاسي الحسرات وجروح الازمان
اسهر وكل الناس بالليل نيمين = واجامل اصحابي ولو كنت طفشان
اكتب غزل من شان مااجرح عزيزين = واقول للعشاق هايم وغرقان
ماهو على شان البنات المزايين = المترفات اللي لهن بالغلا شان
خذيت منهن في زماني مضامين = وقطفت من ورد البساتين بستان
وليالقيت العاصية بالميادين = واللي جماله للمخاليق فتان
روضتها ترويض مهرة سلاطين = حتى تطاوع لي بلا قيد وعنان
على الشرف ماهو على درب عاصين= وعلى العوايد مانتعدى وننهان
واليوم مالي بالعذارى عناوين = خذيت من كل العناوين عنوان
ورضيت واللي يعطي الله يرضين = ولاني على شي من الوقت ندمان

[كظيم]

الله الله الله
عبدالرحمن الغيثي
صح لسانك وفكرك على هالجزلــه
ابيـات طيبـه ووافيـــه
ابدعت في سبكهـا وحبكهـا يالغـــلا
والله يبعد عنك الجروح ويكتب لك القناعـه
تقبلني وتقبل مروري المتواضع لاهنت
ودي وتقديري

[حي الضمير]

ياسلام ابدعت وامتعت شاعرنا
ومدد صح لسانك

[الطامي]

وليـالـقـيـت الـعـاصـيــة بـالـمـيـاديـن
والـلــي جـمـالـه للمـخـالـيـق فــتــان
روضتهـا تـرويـض مـهـرة سلاطـيـن
حتـى تطـاوع لــي بــلا قـيـد وعـنـان
على الشرف ماهو على درب عاصين
وعـلـى العـوايـد مانـتـعـدى ونـنـهـان
والـيـوم مـالـي بـالـعـذارى عـنـاويـن
خـذيـت مــن كــل العنـاويـن عـنــوان
ورضيـت واللـي يعطـي الله يرضـيـن
ولانـي علـى شـي مـن الوقـت ندمـان

الغيثي
صح السانك ملايين
وعوداً حميدا
رائعة جدا لافض فوك اخي
شكرالك

[داعي الشوق]

صح لسااااااانك مليووووون يالشاعر

و الحمدلله على السلامه ،،

كلمات جدا جميلة و معبرة عن سمو النفس و قناعة الفكر

لله دررررك أخي عبدالرحمن

رائع دائما و شاعر جزل

تقديري لك

ولاهنت

[عمر ال شيبي]

الله الله
يا جمال الحبك والسبك والعنوان في كل مضمونك شاعرنا
ابدعت ومتعت
صح لسانك والحمد لله على السلامه

[منيع]

ياسلام عليك
ابداع وتميز
تقديري وودي

[حوريه]

ماشاء الله عليك كلها علي بعضها روعه

ربي يسعدك ويخليك

لك مني ارق تحيه واعذبها

0
0

[نجم الإبداع]

المشاركة الأصلية كتبت بواسطة عبدالرحمن الغيثي

يابنت عفواً كان قصدك تسلين = ماني على خبرك بي انكاد واحزان
ادري جمالك يستثير الكثيرين = (وغيري منك لحظه تخليه طربان)؟
وانا لو اني شفت مدعوجة العين = جازيتها عن غمزة العين نسيان
من العام وانا داخل القلب جرحين = اقاسي الحسرات وجروح الازمان
اسهر وكل الناس بالليل نيمين = واجامل اصحابي ولو كنت طفشان
اكتب غزل من شان مااجرح عزيزين = واقول للعشاق هايم وغرقان
ماهو على شان البنات المزايين = المترفات اللي لهن بالغلا شان
خذيت منهن في زماني مضامين = وقطفت من ورد البساتين بستان
وليالقيت العاصية بالميادين = واللي جماله للمخاليق فتان
روضتها ترويض مهرة سلاطين = حتى تطاوع لي بلا قيد وعنان
على الشرف ماهو على درب عاصين= وعلى العوايد مانتعدى وننهان
واليوم مالي بالعذارى عناوين = خذيت من كل العناوين عنوان
ورضيت واللي يعطي الله يرضين = ولاني على شي من الوقت ندمان

صح لسانك ياعبدالرحمن

مصافحه طيبه

لاهنت

تقبل مروري

وتقديري

[الـزلـزال]

عبدالرحمن الغيثي

بوح رائع وجميل
من شاعر رائع في كل حالاته
أبدعت شاعرنا رعاك الله
دمت ودام لنا حرفك
صح لسانك ملايين ملايين
ولك فائق تحياتي وتقديري