اعلان نتيجة مسابقة رمضان1432 الشعريه...

[عبدالله الشويمان]

بسم الله الرحمن الرحيم
وبالله نستعين.على كل شيطان رجيم
وبعد:ايها الاخوه الشعراء والشاعرات في منتدى الفطاحله.الافاضل.
بناءاً على طلب ادارة المنتدى.ورغبتها في اجراء مسابقه يجري عليها السباق والتنافس..
للحصول على افضل قصيده تتحدث عن الشهر الكريم(شهر رمضان الكريم)وتتكون من اربعة عشر بيتاً..
بيتين البدع+اثني عشر بيتا من الشاعر او الشاعرة المشاركين في المسابقه..
على ان يشترط الآتي:
1-ان تكون ابيات المتسابق 12 بيتا+ 2 ابيات البدع=14 بيت.
2-التقيد بالبحر والوزن والقافيه بكل دقه واتقان.
3-ان لا يخرج مضمون القصيدة خارج نطاق شهر رمضان وفضائله.
4-آخر موعد لتسليم القصائد العاشر من شهر رمضان 1432 هـ.
5-يتم اعلان النتائج في الخامس العشر من شهر رمضان 1432 هـ(وللاداره حق تغيير المواعيد).
وإليكم ابيات البدع.للشاعر(عبدالله الشويمان-الرعد)
(((باب الشريف انفتح قدامنا وشرِّع=مدخال واسع يسع كل المسلمينا)))
(((يدخل معه من بقى له عمر متسرِّع=فرحان في شهر إليه الله يدعينا))).
--------
اعلان النتيجه لمسابقة رمضان الشعريه الإيمانيه.للعام 1432 هـ..
--------
بسم الله وعلى بركة الله..

أولاً..
قصيدة الاخ الشاعر..منصور المري(الطامي)في مسابقة رمضان..لعام 1432..
للاسف لم يتقيد فيها الشاعر بشروط المسابقه..حيث لم يدرج ابيات البدع في أول القصيده..
ولم يتقيد بالقافيه حسب شرط المسابقه..حيث اختلفت القافيه بقصيدته..
لذلك استبعدت من المسابقه..وصح السان الشاعر..وخيرها بغيرها..

وهذا نص قصيدة الشاعر...

جانا رمضانٍ وكل الخيرات به دٌرع=شهـر بـه الخيـر والخيـرات تاتيـنـا
يدخل معه من بقى له عمر متسرِّع=فرحـان فـي شهـر إليـه الله يدعينـا
فيه الحسانـي وفيـه النـاس تتبـرّع=وفيه الأخـوه بيـن افـراد وسلاطينـا
شهـر كريـم بـه الحسـنـات تتـفـرّع=اقلهـا الصمـت مـن قــالات تزريـنـا
شهـر يخلـي كثـيـر اجـبـاه تتـمـرع=طمعٍ وخوف ورجا من مالك الدينـا
شهرٍ بـه النـاس سٌجـادٍ وبـه خٌـرع=وبـــه لـيـلـة لاوجـدنـاهـا فتهـانـيـا
شهر به ابليس واعوانه منه صُرع=ومسلسله بالصفـد رجليـن وايدينـا
شهرٍ كريم تشوف النـاس بـه ورِع=تـرجـي مــن الله فــوزٍ بالبساتـيـنـا
في كل ليله تشوف الناس تتضـرع=ترجـو مـن الله غفـر الذنـب باكيـنـا
في كل وقتٍ بهذا الشهر بـه تُـزرع=كثيـر حسنـات لـيـومٍ فـيـه راجيـنـا
يوم به الناس كـل النـاس تتصـرّع=ياحض من مالت حسناته بموازينا
في كل سكة وكـل مجـرى ومتفـرع=من داعـي الخيـر اقبـل كـان تبغينـا
فـي اولـه تسمـع الرجليـن والقُـرّع=الــى المسـاجـد لـجـمـع المصلـيـنـا
وفي اوسطه رحمة من واحد شرَع=وجــعــل مـحـمــد امــــام للنـبـيـنـا
في اخره مغفره وحصدٍ لمن يـزرع=وعتق من النار ذا قـول بمضامينـا

--------
ثانياً...
قصيدة الاخ الشاعر..محمد بن عمار في مسابقة رمضان..لعام 1432..
لقد اتقن الشاعر البحر والقافيه بكل دقه..ولكنه للاسف لم يتقيد فيها الشاعر بشروط المسابقه..
حيث لم يذكر فيها فضائل شهر رمضان.وهو الهدف المنشود من المسابقه.
ولم يأتي في قصيدته ذكر الشهر الفضيل نهائياً..
ونصه خارج النطاق..
لذلك استبعدت من المسابقه..وصح السان الشاعر..وخيرها بغيرها..
وهذا نص قصيدة الشاعر...

باب الشريف انفتح قدامنا وشرِّع=مدخال واسع يسع كل المسلمينا
يدخل معه من بقى له عمر متسرِّع=فرحان في شهر إليه الله يدعينا

ابيات البدع+ابيات الشاعر

باب الشريف انفتح قدامنا وشرِّع=مدخال واسع يسع كل المسلمينا
يدخل معه من بقى له عمر متسرِّع=فرحان في شهر إليه الله يدعينا
يا حظ من هو سعى بالخير متبرّع=يرجي الجزاء من إله الخلق والينا
بكفوف مرفوعة ٍ ،، يدعيه متضرّع=لأخواننا في العراق وفي فلسطينا
عسى يلين الذي ، بالدّين ، متذرّع=طول السنة بالحجج والعذر مشقينا
دام الجشع ، شيمته ماهوب متورّع=عن كل فعل ٍ بغيض ، الله ينجينا
وصار البخل خصلة ٍ في الدم متفرع=وبدّل بدنياه عقبى الدار ، والدّينا
ينام ليله ، وهو شبعان ، ومتترّع=ويظن كل البشر، بالليل ، ممسينا
ماحس باللي ، لسّم الفقر ، متجرّع=ما يسأل أحد ٍ؟ يقول الله ، مغنينا
الحال ، يرثى لها ، والثوب متمرّع=والعيد ، ما قد فرح به ، مدة سنينا
بعض عياله بسيف الجوع متصرّع=ويقول رزقي على اللي معتني فينا
والبعض من جاير، اللوعات متخرّع=ويقول صبر ٍ على ربي ، شكاوينا
من يبذر الخير يلقى الخير متزرّع=ويحصد جنا ما زرع ، لوهو بعد حينا
ومن يطلب الآخرة ، يكون ، متدرّع=بأعماله الصالحة ، عند الموازينا

لذلك نعلن للجميع نتيجة المسابقه.على النحو التالي..
بما أنه لم يتقدم للمسابقه سوى قصيدتين.وتم استبعادهما..لعدم التقيد بشروط المسابقه..
لذا فالنتيجه ...(لم ينجح أحد).
وبالله التوفيق

اخوكم عبدالله الشويمان-الرعد

[الطائر المهاجر]

هههههههههههههههههههه
حلوه لم ينجح احد
يالله خيرها في غيرها
ما قصرت
والف شكر على جهودك
تحياتي

[محمد بن عمار]

ههههههههههههههههه
والله ضحكتنا يالمهاجر
يارجل قول له خل المسابقات
لأهلها الله يجيرك وتراني
والله ناسيها لين قريت العنوان
ههههههههه اجل رسبنا يالشويمان
لاتعلم امي بعدين بكرة ماتفطر عندي
هههههههههههههههههه