-(من شفت المها ضاعت علومي)-

[جلال ابراهيم الصبيح]

السلام عليكم ورحمة الله وبركاته

عرفت الحزن من يومي صغيري = ولا ذقت الهنا حتى بنومي
وشفت الريم تلعب بالغديري = ومن شفت المها ضاعت علومي
انا وش جابني وقت العصيري = وش اللي شد قلبي للريومي
هنوفٍ شعرها مثل الحريري= لزوم اظفر بها وحدي لزومي
ألا يا ريم حني للكسيري = يجر الآه من كثر الهمومي
أبقفي بس يردعني ضميري = ولا ادري وش جرى لي وويش قومي
الا بالله عني لا تسيري= ابي قربك فلا عني تقومي
انا الضايع ولا ادري وش مصيري = فلا غيرك بعد ربي رحومي
قبل شوفك ونا بحر الهجيري= واشوف السعد من بعدك يحومي
أمانه شوفي اْلجرح الخطيري = وداوي عاشقٍ ذاق السمومي
أبيك البرد من عقب السعيري = وابيك العيد في عين مْحرومي
ترى طول الجفى مافيه خيري = وانا ظميان يا قطر الغيومي
لفيتي أو غديتي بالمسيري = تقطعني رماحك والسهومي
وحتى لو لقيتي شخص غيري = أنا حبي لضحكاتك يدومي

[الطائر المهاجر]

سلمت
وصح لسانك وفكرك
جزلة زجميله
لاهنت
تحياتي

[حرف وشعر]

الصباح

جزله من شاعر جزل

[داعي الشوق]

يا سلام عليك يالشاعر جلال

هذا الجمال و الا فلا

صح لسااااااااااانك

*************

[عبير الورد]

الله الله
صح لسانك ملايين
سلمت وسلم منطوقك الجزل
ربي يعطيك العافية

[الـزلـزال]

جلال الصبيح

بوح رائع وجميل ومميز

من شاعر متميز ورائع في كل مايقدمه

ابدعت وأمتعت شاعرنا رعاك الله

دمت بسلام ودام لنا حرفك الراقي

صح لسانك ملايين ملايين

ولك فائق تحياتي وتقديري

[ماجد المهدي]

قصيدة جزله يالشاعر

صح لسانك وابدعت بالقافية والمعنى

لا هنت

تحياتي

ماجد المهدي

[نجم الإبداع]

صح لسانك ياجلال

مصافحه راقيه

لاهنت

تقبل مروري

وتقديري

[منيع]

تقليدية جميلة
شكرا لكم
تحياتي

[عبدالعزيز العمار]

جلال الصبيح

صح لسانك وجاد بيانك

قصيدة طيبة وجزله لاهنت

تحياتي وتقديري