البرادعي2 له ما يقوله

[الطائر المهاجر]

شر البلية ما يضحك.. مؤتمر التويجري

تررررررن .. تررررررن ..تررررن

البردعي: الو

ابو نشقة: الحق.. التويجري الىن على الاخبارية

البردعي: في ذمتك؟؟؟ ليه

ابو نشقة: يقولون فيه مؤتمر صحفي

البردعي: طيب وش اللي صاير الآن

ابو نشقة: التويجري جالس يضحك.... بإذن الله السوق اليوم نسبة....

البردعي: اذا يضحك... اجل فيه اخبار حلوووة

ابو نشقة: وجع وش دراك ان المذيعة حلوة؟؟

البردعي: انا قلت المذيعة؟؟؟ انا اقول الاخبار ان شاء الله حلوة

ابو نشقة: اشو ... احسبك شايفها

البردعي: هاه.....وش صار؟؟

ابو نشقة: ابد .. ما صار شي

البردعي: وشلون ما صار شي.. لازم تعطيني "اب ديتنج" لكل شي >>>> لازم الواحد يبين للناس انه يعرف لغات

ابو نشقة: اي تفاصيل... الرجال ناسك قلم ويشخبط على ورقة

البردعي: شفت انك ثور الله في برسيمه .... هذي رسائل مشفرة من التويجري لبعض المتداولين ... ماسك قلم وجالس يشخبط على ورقة .. معناه "جرير وتهامة نسبة" لانها شركات متخصصة في الادوات المكتبية....

ابو نشقة: بذمتك؟؟؟ لعنبوهم يلعبون علينا

البردعي: اجل.. وش اللي خل الثعلبة تلعب براسك الا انك اطرش في الزفة ..

ابو نشقة: لالا .. اجل بركز ..... شف التويجري طالع يمين, ثم يسار .. ثم قال "اقلطوا للغداء"

البردعي: وشو؟؟؟ وش تقول انت .. اخاف انك غيرت البرنامج للمسلسلة البدوية؟؟

ابو نشقة: لا والله .. هذا التويجري واللي معه راحوا يتغدون

البردعي: ولا قال شي؟؟

ابو نشقة: ابد ... يالله فك الشفرة يابو العريف؟ظ

البردعي: سهلة جدا.... بس قلي وش غداهم؟؟

ابو نشقة: غداهم؟؟؟ ما ادري... يمكن لحم

البردعي: يمكن؟؟ يمكن في عينك .... تأكد .. حاول تقرب الصورة

ابو نشقة: ليه؟؟

البردعي: انا اقول يا بلكة ... اذا كان غداهم لحم ... هذي توصية على المواشي.... واذا كان سمك .. "لا تفوك الاسماك"....... واذا كان في الغداء سلطة .. الحق على اسهم الزراعيات...

ابو نشقة: الله .... وش هالشفرة؟؟ اجل لو يكح وش يصير؟؟

البردعي: هذي توصية على الدوائية يا غبي؟؟

ابو نشقة: لعنبوهم .. ما خلو لجمس بوند شي

البردعي: وابغاك تشوف.. اذا التويجري ياكل بيده والا بالملاعق , واذاهو يشرب بالمصاص والا لا؟

ابو نشقة: وليه؟؟

البردعي: يا اخي انت تفقع القلب.. ودي انك تنفذ وتخل التفكير علي الزعيم.. انت كفو تفهم؟؟

ابو نشقة: وليه؟؟؟ الا لازم افهم ونص

البردعي: الشكوه لله .. بقولك ... اذا التويجري ياكل بالملاعق... لا تفوك معدنية .. واذا صار يشرب بالمصاص.. عندك انابيب... اعرفهم عيال الجن ... يراسلون بعضهم.. وحنا على نياتنا

ابو نشقة: يا انت ذكي.. ماشاء الله عليك ...

البردعي: ولمعلوميتك ... انا اعرف هالتويجري .. .. بس ابغاك تتاكد .. هو يشرب لبن مع الغداء والا لا؟؟

ابو نشقة: .. بس عرفتها .. نادك والمراعي؟؟

البردعي: ماشاء الله عليك .... انا كذا باطمئن على منفوحة اذا رحلت عنها ...

ابو نشقة: الحق.. التويجري رجع .. وتفل في وجه المذيعة

البردعي: افاا .. تفل؟؟؟ في ذمتك تفل؟؟.... اخاف سعبل؟؟

ابو نشقة: وش الفرق؟؟

البردعي: اذا كانت تفله .. فهذا تحذير .. السوق احتمال يزلق تحت العشرة الاف نقطة ... واذا كان سعبل.. فان شاء الله السوق يمر بمرحلة تجميع

ابو نشقة: . لالا .. اشوا ما تفل.. بس هو معصب؟؟

البردعي: معصب؟؟ اخاف الغدا ما عجبه

ابو نشقة: والله ما ادري.. بس المذيعة سألته عن آخر الاخبار .... وقال لها "هذا مؤتمر توقيع عقد تطوير تداول"... ولا توجد اخبار جديدة. .. وش رايك يا زعيم؟؟

البردعي: دقيقة خلني اكلم مصادري الموثوقة

اتصل ابو البرادع على مصادر الموثوقة ... ولكن ... تاكد لها ان السوق "في ايدي امينة".

(منقول نصاً)

خخخخخخخخخخخخخ
الاسهم ذي هبلت في الناس ..
مشكور مشرفي على النقل ..أما الزعيم (البردعي خخخخخ اسمه يضحك)هذا مسوي فيها ذكي ..

هههههههههههههههه

مهوب طبيعي ابدا هالبردعي

عقلية عظيمة تختفي تحت قناع السخريه


مشكور استاذي على النقل الموفق

وان شاء الله يزين السوق ويوفق الله القائمين

مادام في ايدي "أمينه"


مودتي وتقديري

[ابو زياد]

نقل فكاهي يقطع القلب ويدل على التدوده
المتمكن في مخيخات المحللين

[اصيل]

شكراً لما امتعتنا به
تحياتي

[الهميم]

شكرا لك
وبارك الله فيك
تحياتي

[اصيل]

شكراً لما امتعتنا به
تحياتي

[المورد]

مشكور
على المعلومه الجيده
تحياتي

[البديعي]

شكرا لك
على الجهد الطيب
تحياتي

[الهامس]

جزاك الله خيراً
على ما افدتنا به
ودي واحترامي