الطامي ×فلاح× موج ليلة الخميس 18-2-2009

[الطامي]

ياهل المشاعر عندي اليوم شرباك= والموج والطامي معي مربكينه(فلاح)
مادري عن اهل السحر واصحاب الافلاك=تكفي حروفي والقوافي المكينه(فلاح)
سلامتك ياخوك ومجار وش جاك = من التذاكر او تفاكير شينه( الطامي)
ان كنت مسحور فحضك تعداك = لانته بالاول وانت رحتنت يعينه( الطامي)
سلمت يامنصور ماغير الاسلاك = تشبك لنظم الصافيات الشجينه(فلاح)
ياموج ياموج البحر شيف سماك = طميه بالغبه والاهداف عينه( الطامي)
لي ساعتين اليوم وانا اتحراك = واشوف بعض الناس لزْم االسكينه(فلاح)
ماهي علينا بس خل التفرناك = اضرب حكم والصن خله بيدينه( الطامي)
انا لهم كافي وانا ماتعداك = منته بعطلان الكفر والكبينه( الطامي)
الشوق لو فيني فلاهوب يخفاك = والحب ناضب في خفوقي معينه(فلاح)
خل الوضع هادي ولافيه دكاك = مادمت سالم خل منك الدفينه( الطامي)
ياصاحبي لك مدة شفت غبراك = تقبل وتقفي بالتذاكر جهينه( الطامي)
ياصاح ماني بالجوى من تحداك = اشوف رقله فيك واسراف عينه(فلاح)
نسيت وش جالك مع الشخص هاذاك = قبل السفر قلت القصيده سمينه( الطامي)
مادري عن اسرارك ولاجيت ويلاك= وشبك تدير الهرج وتجيب شينه(فلاح)
تبيني افضح سركم وافرح اعداك = وش قلت يوم انا نكيفٍ بحينه( الطامي)
هذا قصيدك شاهد في محياك = انك تروم الزين عجفى ومتينه( الطامي)
لو قلت من حدسك فلالي بدعواك = يالكاهن انت اسرفت ياهي بدينه(فلاح)
لاكن تركد والعمر راح واقصاك = منته بالاول عود اقفت سنينه( الطامي)
قم صل واد اللي لربك وبرضاك = قبل القبر ويجيك منكر وسينه( الطامي)
وش تقصد ابقولك ومن عني اغواك=وشبك تهدد وانت بايدي رهينه(فلاح)
هاذاك لو اني قريب على اخطاك = وانا احمد الله ديرتي بالمدينه( الطامي)
فلاح يعشق والغواني تخطاك = الله وكبر يا الحياه الحزينه(موج)
لاترمي المقفي وتبدي خفاياك=يامنتهي في حب عجز المدينه(فلاح)
فلاح كب الهرج وحذراك حذراك =موج القصيد اقبل ويرطن رطينه( الطامي)
ياموج هذا قول من صنع افاك= ماله دليل ورميته جت عنينه(فلاح)
ياموج لو قربك حصاة بيمناك = ارميه رميه هون لاتفلعينه( الطامي)
يازنمبرك يازنبرك مين عباك= ترمي شرر وتقول رح غرغرينه(فلاح)
هذا بسيط وخبرتي فيه سفاك =ذيبٍ بجلد اللي تثاغي سمينه( الطامي)
ياصاح هد السرعه وش فيك ركاك = ساعه تلد وساعتينن بدينه(فلاح)
عزاه ياحالك الي راح بانهاك = تبغي المدى ماتدري انه عجينه( الطامي)
تزهم على بقعا وتزهم على ملاك= والكل منهم مايواري ضنينه(فلاح)
ياهوه لاتاتي بدربي اتوطاك = ومابك جهد تومي ولابه عوينه( الطامي)
مانته بابو هندل ولا موترك ماك=موتر مصدي والعرب خابرينه(فلاح)
ياسكس في طلعة كرى جاته ارباك = عاف الطلوع ودحدرت به يدينه( الطامي)
يالي البسيس عمتك والله اعماك= عودن بتالي العمر تسمع ونينه(فلاح)
قبلي انت تذكر جمعتك وانتو اشراك = في ماقع زرته وعفته ياشينه( الطامي)
واقول ياناس النجم عنده اسكات = اثريه حيه مرقطه بالدفينه( الطامي)
طعني وخل اللي وراهم بعلباك = اقفاية ٍ بحماية للظعينه( الطامي)
علباك ويش اغداك تطري التمكماك= رح كلم اهل المنتدى من كبينه(فلاح)
ابشر وانا جاهز وخل التصماك = ونروح انا وياك رجل وخدينه( الطامي)

[سناعيس]

الله الله
فلاح / الطامي / موج القصيد
شعراء جزلين
ومحاورة ولا اروع


تحياتي

[عالي مستواها]

الله عليكم

صح لسانكم جميع

وما قصرتوا

يعطيكم العافيه

[رفيعة الشان]

الله عليكم
ابدعتوا
صح الله السنتكم

ولاااهنتوا

[زهرة اللوتس]

شكرا الطامي على نقل المحاورة
وصحت السنتكم
محاورة ممتعة
تسلموووو
والله يعيطكم العافية
تحياتي

[محمد عبدالله البدراني]

ههههههههههههه


الله الله


صح الالسن



سلمتم ودمتم


تحيتي وتقديري

[نجم الإبداع]

شكرا للنقل ابو محمد

لاهنت

والشكر موصول لكل من مر

وسيمر من

هنا

[الطامي]

سناعيس
شكررا لمرورك
لاهنت اخي

[الطامي]

عالي مستواها
شكرا لمروركي
لاهنتي اختي

[الطامي]

رفيعة الشان
شكرا لمروركي
ولاهنتي