يسعد صباحك

[عذبة الروح]

,

أهدي كلمات الشاعر الأمير عبدالرحمن بن مساعد ...لــِ أغلى الناس بـِ قلبي

,

يسعد صباحك يا حبيبي،، حالي طيب

كل شي مثل اللي كان

المدامع ،، والمواجع

والأمان اللي اختفى لحظة غيابك

والليالي اللي مضت

مثل الليالي اللي مضت

الهم عازف

والدمع نازف

والعمر في غيبتك ،، ! حاير وخايف

حتى جراحك وسط قلبي مثل ماهي

وفي شفاهي باقيٍ نفس الكلام اللي بقى،، آخر لقا

مثل مانت يا حبيب الروح شايف

كل شي مثل اللي كان

وحالي طيب

يسعد صباحك يا حبيبي


،،
هذا انت

كل ما ضاقت بي الدنيا ،، تغيب

وكل ما ضاقت بك الدنيا ،، تجيني

هذا انت

ان كساك الهم ،، صرت أوفى حبيب

وان نساك الهم،، تتباهى بـ أنيني

مثل منت ،، دايم تجي فـي وقتك حبيبي

بعد ما وقتك يروح

يا آخر دموعي وشجوني

وأول إحساسي جروح

ما بقالي من عذابي يا حبيبي الا انت

وهذا انت يا حبيب الروح شايف

كل شي ،، مثل اللي كان

وحالي طيب

يسعد صباحك يا حبيبي

,

هذا ضي الصبح ؟ أو هو بعض نورك ؟!

هذا همس الورد ؟ أو دافي شعورك ؟!

منهو مثلك ؟في غرورك ؟!

جيت متأكد بـ سامح

راسم الطيبة ،، ملامح

ماهو بدري ؟

انت تدري

ما قتلني غيابك ،، اكثر من حضورك

أيـــه كان العمر داكن

ايه كان الهم ساكن

وقتي بعدك

بس أنا يا ضيّ عمري

كنت عودت الأماكن تألف بعادك وصدك

ياللي ما يرضيني ضعفك

ما ادري انثر فوق كتفك أغلى دمعي ،، او أردك




,


تحيتي عذبة الروح

[أم ريما]

بارك الله فيك
ولاهنت
تحياتي

[الطامي]

عذبه
صح السان الشاعر الأمير
وشكرا لمن نقل
لاهنتي اختي

[داعي الشوق]

كلمات جميلة و معبرة

و شاعرها غني عن التعريف

يعطيك العافية عذبة الروح

و يا هلا بك و مسهلا

[صعبة المنال]

اختيار رائع عذبة الروح ..كمشاركة اولى
لشاعر غنى عن التعريف
ولمن يحب قلبك !!!!

تحيتى

صعووووب

[كظيم]

صح لسـان / عبدالرحمن بن مساعد
كلمات رائعـه وعذبة المشاعر والبوح
وسلمتي على نقلك ِ الرائـع عذبة البوح
تقبلي مروري المتواضع لاهنتي
ودي وتقديري

[حوريه]

يعطيك العافيه عذبه
جميله .. صح لسان الشاعر
ودي

[نفحات حساسة]

صح السانه

وسلمتي..وسلم نقلك

[الخنساء]

صح لسان الشاعر

ولاهنتى عذبه لاختيارك

دام طرحك

[نفحة الطيب]

طرحك لآمس آلكثير من المشآعرْ سٌطّرت بجميل الكلمآتكْ آحسستٌ...بصرخآتٌ تٌنآجي...وتٌنآديْ كم كآن لبٌوحــكْ صوتاُ مسموع ونبضاً يرنْ كم كآنت لطرحكْ جمآلاً عذباً بشفآفيتها...وعذوبتها دٌمت كمآ آردت وبقلب من آحببت لروحك خآلص إحترآمي تقبلي مروري أخــتكم ،،، نفحة الــطيب