بنات نعمة

[الـزلـزال]

بسم الله الرحمن الرحيم

أسعد الله أوقاتكم بالخير والسرور

بوح ترددت كثيرآ في طرحه ربما لخوفي من سوء فهم مقصده من قبل المتلقي

لا أعني بهذا البوح فئه معينه لأن الكثير في نعيم ولله الحمد

( بنات نعمة )

بنات نعمه والنعايم لها دور=زادت رطين القلب زادت عماكن
نعمه ولابه نعمةً مالهاجور=إلا نعيم الخالق الي رعاكن
كل وحده تفرض لها راي وتفور=وش السبب مدري وش الي شقاكن
وحده تحب أنسان مبلي ومخمور=ولاهمها لوقام يركض دعاكن
والثانيه تبحث عن اللهو ودور=وكل المنى ياكيف ترقد معاكن
والثالثه تهوى مغنج ومغرور=مغرور فالموضة تحدى سماكن
والرابعه تجمع وتبني لها قصور=ولا تكترث لوطاح معها بناكن
والخامسه طاحت من الضيق بحرور=تصيح ليه الرب خيره عطاكن
والسادسه تبحث تدور لها نور=والنور وسط البيت يرفض مشاكن
والسابعه راحت تراكض لدكتور=صور جسدها ثم زود بكاكن
والثامنه تبحث تزين لها سحور=ودها تفرق جمع منهو بغاكن
والتاسعه تهتف حبايب على الدور=تجر تبحث عن غنى من وراكن
والعاشره من غيضها كلها فجور=تبحث تفرفر كيف تلغي لقاكن
والي بعدها جسم للعرض بحرور =تمشي تغنج مالها في غطاكن
والتاليه بيضا تماشي لها سمور= ولا تفكر لو مشت في رغاكن
والي تليها ضحكها يعتلي الصور=ماهي رزينه مثل ضحكة حداكن
والي بعدها تلعب النت بسطور= تكتب وتعرض يسعد الله مساكن
وتكرم بنات العز والطيب والشور = ويكرم هواهن دام فاراق هواكن
جبنا بلاوي مالها شي مستور = والنصف الأخر مختبي في عناكن
نص المشاكل والمشاكل لها بحور=والبحر يصرخ وش على البحر جاكن
هذي المشاكل مالها غير تنور = يشب ثم يطرح بوسطه بلاكن
بنات نعمه والنعايم لها جور=لا زاد في كثر النعايم عماكن

[الطائر المهاجر]

الله يعينك عليهن
طبعا مانيب معك ، <<<< الخوف مليح

صح لسانك
ولا هنت
تحياتي

[يزيد النمي]

الله الله

كلام صحييييييييييييييح ولا فيه شك >>>>>>>> أترك عنك أبو عبد الله ههههههه
ولكن ما ذا عن عيال النعمة ...... أعتقد أن المشكلة أكبر

صح لسانك ياسامي ولا هنت .
أتفق مع أبو عبد الله ... الله يعينك .

[حرف وشعر]

سامي الله الله

صباح الشعر الذي يطرب الذائقه

كلام من الماس ياسااامي

عين الحقيقه ماخطت يمينك

تقديري واعجابي

[منيع]

رفقا باالقوارير ياسامي
تحياتي لكم

[حوريه]

لاحول ولا قوة الا بالله
تحمد وتشكر
وش عليك منهن الواحد يالله في نفسه
صح لسانك مدد
ولاهنت

[شجون القصيد]

ايه بعدي حوريه انتي ردي نثر وانا شعر

وينك يازعيم شف انه هو اللي بدا لاتصير بصفه لو رديت

صح لسانك سامي بس من العدل انك تكتب بالجنسين

يعني بيت علينا وبيت عليهم

بس كذا مايصير ههههههههه

تحياتي

[داعي الشوق]

صح لسانك يا سامي

و الله يعينك عليهن

أعلن الطواريء على نفسك يالزلزال

ولاهنت

************

[احمد القاسم]

صح لسانك يالزلزال واعتلى شانك .. والله يكون بعونك شكل الاخوات ناوينك ههه

[ابو أنس]

الفاضل سامي الحارثي...................
بوح من مشاهد آنية ومختزله
وكما ذكرت من شرائح بنات النعمه لها ما يقابلها من أولاد النعمة والذوات
ممن ترك رسالته وهدفه وتوجه لغيرذلك
والخير لازال موجودا ولله الحمد في الجنسين
أخي سامي...
بوحك عذب وتشخيصك أصاب الهدف
كل الشكر ووفر المنى