حسبي على اللي شدني بنظرة العين

[جلال ابراهيم الصبيح]

السلام عليكم ورحمة الله وبركاته

حسبي على اللي شدني بْنظرة العين = واشعل بصدري نار شوقن شديده
سلب فؤادي والنبض والشرايين = واصبحت اسيرٍ دون قيدٍ بإيده
ويلاه يا رمشن خطير السكاكين = وا شيب عيني من رموشن عنيده
قلت الحلو حيران يا زين يازين = واثر الحلو صياد بارع بصيده
يا قلبي المشتاق عايش بنارين = نار العيون و نار شوقن وقيده
عبـــــايتن سودا مثل حبة العين = والخصر ناحل والردايف زهيده
والحاجب المرسوم سيفن بحدين = والناهد المبروم والصدر سيده
تنوي عذابي يوم قالت لي اهلين = في لحن نايٍ ما تجيبه قصيده
قلت ارحميني ويش فيني تسوين = ما ترحمين اللي قطعتي وريده
ولهان وانتي في عذابي تزيدين = قالت لي الولهان الله يزيده
بين الدلع والغنج والمبسم الزين = أحلى مخاليق الإله و عبيده
شالت فؤادي والنبض والشرايين = وراحت معاها هالعنود الشريده

[نجم الإبداع]

الشرررررررررررررررررررررررريده

صح لسانك مليووووووووووووووووووووووون ياجلال

مبدع

لاهنت

تقبل مروري

وتقديري

[عبير الورد]

صح لسانك ملايين
سلمت وسلم منطوقك الجزل
ربي يعطيك العافية

[الطائر المهاجر]

صح لسانك وفكرك
ولا هان راسك
جزلة وطيبة من راس طيب
تحياتي

[عبدالله راشد الثويني]

جلال ابراهيم الصبيح

مبدع كعادتك وصاحب أطلاله راقيه
صح لسانك مليون ولا يكفون
طامعين بجديدك دائماً
تقبـّـل تحيتي

[زهرة اللوتس]

صح لسانك ونبضك
جزلة ورائعه
لاهنت
تحية طيبه

[عبدالرحمن الصباح]

تنوي عذابي يوم قالت لي اهلين === = في لحن ناي ماتجيبه قصيده
الله الله على الابداع صح السانك ملايين رائعه من شاعر مبدع

[حي الضمير]

ياسلام يابوبراهيم
قصيده كاااايفه وابدعت
ومدد صح لسانك

[عبدالعزيز العمار]

جلال الصبيح

صح لسانك وجاد بيانك

مبدع ومتجدد في كل ماتقدمه

تحياتي وتقديري

[سناعيس]

صح لسانك ياجلال
وبيض الله وجهك

تحياتي