البيت فوقك تاج وانتي الجميله

[نجم الإبداع]

لاهيض الهاجوس في شهر الاحسان= وارتاح بالي للقوافي الجزيله
اصوغ طاروقي على نهج الايمان =من بحر زاخر بالمعاني الجليله
بحرن تعذر يغطسه كل طربان = مايعرف اصدافه سوى اهل الطويله
اطوي مسافات العناء بين الالحان=والوقت هذا مالنا من بديله
وقتن تحدى هامة الصقر غربان =يخفي الجزال ويبدي الي هزيله
ماني من الي ينبهر بين الاشجان=والوبْر وقت الصيد ماينغزي له
الحمد لله في ذرى عالي الشان=في دار عزّ وغيرنا انقص ذيله
ماني محسب للذي ماله اركان = الي يبي يشعل بحقده فتيله
شاعر ومن دون الوطن ثار بركان=في ساعت الملقى نعرْف النزيله
صداقنا لارض الحرم روح وايمان= يوم ان بعض الناس دايم ذليله
حكم الشريعه حكمنا فيه سلوان=في دار ابو متعب على كل طيله
ماعندنا بارات وخمور يافلان = ولا عندنا للغرب معبد وشيله
من عزنا بالكون ضاق ابن الاهوان=قاصر عن الرميه ومهدود حيله
عزٍّعسى راعي الحسدمنه عميان=مايقهر الا اهل النفوس الرزيله
حنا قبائل نجد والا اهل ناوان = نور الهدى منا ومنا دليله
شمر عتيبه وعنزه واهل زهران=وحرب واليامي وقحطان صيله
وان قلت بالحارث وغامد وجيزان=وعْسير مع شهران قوم الجميله
ومطير وان قلت التميمي ونجران=والا الرويلي والعطاوي هويله
عند الشراري والبلادي وقصمان=والا الحواطى والدواسر مخيله
شمران والشهري وبالاحمر اخوان=والخثعمي والاسمري من يفي له
والاحمدي والجحدلي حمر الاعيان=والحاشدي والا البكيلي سليله
عد البقوم وعد الاشراف برهان=اهل المحاجي والعلوم الاصيله
ذا مختصر والعذر من باقي الاعيان=ماقصدي الا سبر غور المنيله
ابحث في التاريخ ياكل حيران = تعرف ملوك الازد والا الجليله
منا جذيمه قبل الاسلام ماهان=ومنا امرؤ القيس الذي مات غيله
ومنا محمد جاء بنورن وفرقان=ماطبقوه اهل العقول القليله
حنا قيادات البشر ياهل لوزان =فوق البشر حنا على كل ميله
خالد وعمرو ابن الطفيل وزبرقان=منا ومنا سعد يابخت جيله
حنا في التاريخ والغير غيران =كلي معنى في غرام القبيله
قبائل الاسلام في كل الازمان = راس الشرف والغير يعرف سبيله
الله يعز الدين في كل ماكان=ويرد كيد الكفر واهل الرذيله
يادار لولا حبك اليوم مابان = نبض المشاعر يادوى كل عيله
يحميك رب البيت ياتاج الاوطان=البيت فوقك تاج وانتي الجميله

[محمد عبدالله البدراني]

العزيز الغالي فلاح بن منشار سلمه الله


لنحظى بالمقدمه ولعلنا حظينا بالمرور الاول هنا



الف مليون صح السانك يافلاح وعلا شانك


لاجديد متميز دائما


لاهنت وبيض الله وجهك

تحياتي
مع اسمى ايات الشكر فائق الاحترام واطيب المنى رعاك الاله

[ام العمده]

فلاح ابن منشار

صح لسانك واعتلى شانك
لله درك
مبدع كالعاده
دمت بخير

[عبدالمجيدالعنزي]

فلاح


بيض الله وجهك ياالذيب


ولله ررررك



وص لسانك مليون

[صعبة المنال]

جزلة وقوية يا فلاح

صح لسانك


صعووب

[الخنساء]

صح لسانك اخي الشاعر فلاح
لاهان راسك قصيدة رائعة
سلمت وسلم شعرك
دمت بخير

[عبدالعزيز العمار]

الغالي فلاح بن منشاااار..

صح لساانك وجاد بيانك ....

قصيدة وجدانية ايمانيه رائعه ...

تحياتي لك ..

[نجم الإبداع]

المشاركة الأصلية كتبت بواسطة محمد عبدالله البدراني

العزيز الغالي فلاح بن منشار سلمه الله


لنحظى بالمقدمه ولعلنا حظينا بالمرور الاول هنا



الف مليون صح السانك يافلاح وعلا شانك


لاجديد متميز دائما


لاهنت وبيض الله وجهك

تحياتي
مع اسمى ايات الشكر فائق الاحترام واطيب المنى رعاك الاله

ارحب يابو عبدالله

صح بدنك


وجزيل الشكر على مرورك الكريم


لاعدمتك

[رفيعة الشان]

الاخ فلاح

ابيات رائعه منشاعر مبدع

تحياتي

[ابومياس]

نص جزل من شاعر جزل

صح لسانك وبيض الله وجهك


دمت بخير