كلمتها قالت ترانا انتهينا(بالصوت)

[الطائر المهاجر]

كلمتهـا قالت ترانا انتهينـا=واللي مضى لابـد ياطير تنسـاه
كـل سلك دربه وحنا مشينـا=مافيه داعي تنبش الجـرح والآه
قلت الـذي قد صارغصبٍ علينا=ولوك سليتي كيف للجرح ذكـراه
جرح المحبة لو مضى له سنينا=ماظـن يشفى دام ما حصّل دواه
أنتي ونا في الحب متورطينا=وانتي ونا نشكي من الحب بلواه
قالت كبرنا وش تبي عاد فينا=عندي غـزال نفسي اجمعك وياه
مهرة أصيلة في جمال ودينـا=تعطيك حب ما تأملت تلقــاه
قلت المحبه سيـد العارفينـا=ما هي كتاب كلما اشفيت تقـراه
الحب مكتوب(ن) بعالي الجبينا=أمر مقدر لازم العبد يرضــاه
وغيرك فلا والله ابغى يقينــا=لو راسك أبيض قلت يازين محلاه
انتـي بعيني جنـة العاشقينـا=وانتي أمل قلبي وجرحه وشكواه
أنتي ونا والحب متلازمينـا=ونا وأنتي مثل قيس(ن) وليلاه

[الأموره]

الله على روعه هالهطول

و عذوبة هالكلمات

صح لسانك و دام نبضك

الف شكر لك

دمت برعاية الخالق

[ابراهيم عبدالحميد]

أبو عبدالله

كلمات تحوى من المعانى أجملها و أروعها
و معانى قمه فى الرقى و الإبداع سلمت و
دام لنا إبداعك الراقى