اخو تكفى...من هو؟؟؟

[عبدالرحمن بن زهير]

السلام عليكم ورحمة الله وبركاته...

اخواني فيه قصيده لشاعر لقب بأخو تكفى وهذا بيت منها:

تكفى ترى تكفى تهز الرجاجيل....لولا صروف الوقت ماقلت تكفى

وهي قصيده مشهوره وللأسف اضعتها من ملفاتي ياليت لو احدكم يساعدني بوضعها هنا مع اسم الشاعر والقصه اذا كانت لديه.

تحياتي ولاهنتواااا.......

[الطائر المهاجر]

بسيطة حطها قس قوقل
ويطلع لك اسم الشاعر

[الطامي]

لاهان من كفى يالطائر
شكرا لك دائما سباق للخير

[عبدالرحمن بن زهير]

صدقت يابوعبدالله القوقل مايخلي شي....

وهذه هي القصيده للفائده.... يسلموووووو

تكفى ترى تكفى تهز الرجاجيل )



بيت مشهور من أكثر القصائد التي كثر اللغط حولها وتداولها بعض الشعراء في بعض قصائدهم ونسبوها لهم والحقيقة تقال إنها للشاعر العذب :

محمد الدحيمي الشهري المعروف بــ ( أخو تكفى )


اليكم القصيدة بمحتوى البيت السابق.






اما لطمنا العيل والا ألطم العيــــــل .......... مادام شب النار مندوب الاطفا


من ذاق حر القايله يعشق الليـــــل .......... ومن شب ضوه ليلة البرد يدفـا


امسيت في جيلٍ ولاهوب ذا الجيل ......... واصبحت والا ديرتي شبه منفـا


واللي حما بيته بطيـرن ابابيـــــل ............ ماجيت ادور كل من صد واقفا


ولاجيت ابشحذ يانما دلّه وهيـــل ............ جيتك وجرح الظلم غاديه يشفا


جيتك بكلمه كنها صعقة الــويـل .............. ان قلت تكفا لاتهـاون بتكفـــا


تكفا تراها كلمةٍ تقطم الحيــــــل ............ لابالله الا تنسف الحيـل نسفــا


تكفا ترا تكفا لها هدرة السيــــل ........... في صدر حرٍ ينتف الطيب نتفـا


تكفا ترا تكفا لها تسّرج الخيـــل .......... ان كان لك في مجمع الخيل عسفا


تكفا تراني من قرومٍ مشاكيـــل ............ حماية الساقه بسيـفٍ وشلفــــــــا


تكفا وتكفا ماتسـاق لمهابيـــــل ........... تكفا تخلّي القرم لاشٍ وهطفـــــــا


تكفا ترى تكفا تهزّ الرجاجيـل ............ لولا صروف الوقت ماقلت تكفا

الله الله


رائعه ياعبدالرحمن


تسلم يمينك على النقل
الطيب ....




دمت بود

ياعيني شي رهيب يدعو للنخوة والله لو قيلت لأجبن اهل الارض لتحرك بدون شعور

عبدالرحمن بن زهير

الله يعافيك على المعلومه

والقصيده الرائعه

تحياتي

قصيدة رائعه لمحمد الدحيمي
وهو شاعر متمكن ومشهور
وله قصائد جميله

أذكر منها هالأبيات :

أنا ياالحزن ما خـــذت المراجــــل غــترةٍ وعقـال
وأنا عــون الخـــوي ومزبـــن ٍ للضــيف والعــــاني
أنا من صغــر سنّــي عشـــت يانزال يارحــال
أبوي مربّي إخـــــواني وأنا إللي الوقت ربـــاني
تقـــول أمي : ( قبل تــولد توفى لي ثلاث عيال)
لابو حــظٍ تكــــاثـر فيــني أصبح رآبع اخواني
ألا يالله تعجــلّ بالفرج يامفــرّج الأحـــوال
أخاف أمــوت وحـداني مثل ماعشــت وحــداني
على أيـّة حال ياعاشر سنه مرت على أيـّة حـال
تكــــاثــر فيــني الدنيا وطن من بين الآوطاني


كل الشكر لك
دمت بخير

[محمد بن عبدالله السلمان]

مشكور ياعبدالرحمن
على النقل المميز
وفقك الله

[حي الضمير]

لاهنت يابن الاجواد
قصه وقصيده اكثر من رائعه
تحياتي لك