يا درب وش عذرك الليلة ..!

[رفيعة الشان]

:

:

عندما تغمرنا الطفولة
ونجد انفسنا نركض مع الأطفال
مستمتعين ..أو بالأحرى
نتصنع الاستمتااع
فجأة..
نتوقف ونصدم بواقعنا
الذي لم يعد كبساطته سابقاً
ولاننا لسنا
كــــ هم..!

يا دربي لوين ..؟ وقف ..! لا تعنيني=ماعاد انا قادر ولا عاد يمديني
خذيتني للمكان اللي برى حالي=حالت ظروف العمر .. مابينه وبيني
مالوم من قال ليتك يالزمن ترجع=ورى شويّه .. لوقتٍ فات وسنيني
آحن واشتاق لايام مضت واقفت=يوم ان عصريّتي بين البزاريني
طفلة..وابوي اشجع الفرسان واعظمهم =وامي مليكة جمال الكون في عيني
يا مااسهل اللي يفرّحني ويِضْحِكني=وياماسهل اللي يحزّني ويِبكيني
يا درب وقف ..! ورجعني لهالواقع=وارجوك من ذكريات الأمس تعفيني
ماعاد انا اللي ليا منها انعست نامت=ولاعاد انا الــ..اكبر همومي فساتيني
ارجع بي وعُود..لو ذكري له بينفع .!!؟=من ذكر تاريخنا ترجع فلسطيني ..!
أنا بوقتٍ ليا ماصرت به ذيبه=وش فكني امن الذيابة والــ (ـسكاكيني)
وقتٍ جعلني أخط بدفتري جملة =(بالله يا كثرة التفكير خليني)
يا درب .. وش عذرك الليلة ووش قولك=وذي مِرِّتِك يوم طعتك بالرضى فيني
ربي وكيلك .. تعذبني وتحزنني=ولمرتعي يومني طفلة موديني ..!
يالله ياعالمٍ بالغيب واسراره=دربٍ بيرضيك ياربي تقديني

[عدنان كريزم]

ارجع بي وعُود..لو ذكري له بينفع .!!؟

من ذكر تاريخنا ترجـع فلسطينـي ..!

......

هنا شدة الحيره .. التي حيرتني انا بعد

الله الله يا رفيعة الشان

صح لسانك ولا هنتي غلاي

[حي الضمير]

نص جميل ورائع
وابدعتي يارفيعة الشان
ومليااااااااااااااار صح لسااااااااانك

[سناعيس]

الله الله يارفيعة الشان
قصيدة رائعه ولاهي غريبه منك
لانك عودتينا على الجزاله
صح لسانك مليون ولا يكفون
لله درك
ولاهنتي



تحياتي

[داعي الشوق]

صح لسآآآآآنك يا رفيعة

قصيدة أعادت بنا للخلف

تلك الايام الجميلة و الحياة البسيطة

تصوير رائع يا رفيعة

أبدعت في الوصف كـ عادتك دائما

صح لسانك

مع التحية لك

[محمد عبدالله البدراني]

رفيعة الشان

سلمها الله


صح السانك يارفيعه


وعلا شانك


كلمات بسيطه وسلسه اوصلت الفكره المراده

بكل عذوبة ويسر


وكان ختامها مسك

نعم كان الختام او القفله هي الاروع لما حوت من قوةٍ وسلاسة ونفحةٍ ايمانيه يجب ان لا نحيد عنها

يالله ياعـالـمٍ بالغـيـب واســراره

دربٍ بيرضـيـك يـاربـي تقديـنـي

امين امين


لهذا البيت اقف اجلالا واحتراما


ولصاحبته كل التقدير والف الف الف الف مليووووون مليون صح السانك يارفيعه



تحيتي وتقديري

[ابو أنس]

الفاضله رفيعة الشأن....................
نص جميل ومتقن
وبه بوح عذب وتوجه للخالق يبهج النفس
دمت ودام عذب بوحك
تحيتي وودي

[الأموره]

رفيعه


ابدعتي يالغلا

تباارك الرحمن

هطول جميل جدا

و بوح خرج من القلب

صح لسانك ملايين

سلمتي و سلم فكرك

الف شكر لك

دمت برعاية الخالق

[سلطان العطاوي]

انا هنا لأتثقف شعرا


صح لسانك

صراحه
شعرررررر مليااااااان

رفيعه الشاان

صح صح صح الساااانك

قصيده بغايه الروعه والاتقاان

ابدااع وتسلسل وقدره على ايصال الفكره

استمتعت كثيرا بتواجدي هناا

سلمتي رفيعه