محاورات ملفي المورقي

[الطائر المهاجر]

محاورات ملفي المورقي

ملفي مع منيف المنقره

=منيف منقره
بحفلة ربعي اهل الطيب والنوماس والهمه=هلا يامرحبا وضيوفنا يالله تحييها
حليل اللي فطين ويعرف القانون والذمه=ولا يستعجل الأحكام لين يشوف مافيها
=ملفي المورقي
الا يالي تغن القاف والعربان ملتمه=يدوم الك البقاء والطيبه من حظ راعيها
ليا شفناالحياء ياصاحبي سقنا الضعن يمه=وبه ديره نصبحها وبه ديره نمسيها
=منيف منقره
تهرج يالعتيبي كل واحد مشغله همه=ولكن ربك اللي يقتل العالم ويحييها
حليل اللي ليامنه تولم يطوي العمه=يخبر بضاعته مابين بايعها وشاريها
=ملفي المورقي
ترا دايم وسيع المعرفه مايحترق دمه=يساير هجرته بالهون لين الله يسويها
كثير الناس مثل اللي كبر وانكر حليب أمه=وهذا الوصف مثل اللي يكحلها ويعميها
=منيف منقره
إذا عم الولد خاله وإذا خال الولد عمه=يحفظ البندق اللي نومسته بفعل ماضيها
الا يالأجودي لابد ماتنزاح هالغمه=عيون الناس اضحكها ولني ردت ابكيها
=ملفي المورقي
الا ياصاحبي يا ابو الولد سم الولد سمه=ترا دايم رجال المعرفه تعرف با ساميها
ترا ساري ضلام الليل يخطي الدرب ويخمه=وانا احب الليال البيض واما السود مابيها
ترا إن اسم الولد ملفي ولا سمه ولا نمه=ندور ذاهبتنا لين صرنا في محاريها
يعرف الذيب ريح الملح لامنه عوى وشمه=ذيابت ليل يمكن ان العشى باللي يخاويها
=ملفي المورقي
مادام انك عرفته زين عد بعالي القمه=ترى كل الرجال الحاضره تسمع بذانيها
ولا يابغضني لزيدي اللي ياكل الشمه=اعرف أهل اليمن دايم يديها في مخابيها
=منيف منقره
ليا جن الضوامي عقب غب وّردن الجمه=يعيش اللي يميح الدلو واللي فوق يسقيها
اهب الداب الاسود توه اللي مندفق سمه=عساك بخير والديبان انا مالي غرض فيها
=ملفي المورقي
طبيب القلب بالعاده يحفظ العلم ويضمه=ولاكن الغشيم يسند التلعه وينحيها
نبا البندق على الأهداف لا قصره ةلا زمه=ترى بعض الجماعه يرمي الشاره ويخطيها

[الطائر المهاجر]

ملفي وتركي

=تركي الميزاني
وين ملفي وين ملفي لا يروح =جاه دكتور المفاصل والجروح
قالو انه من سلايل قوم نوح=والقناعه كنز ثابت فالحياه
قوم يالروقي وصلناك صف عيال روق = مثل صف مطير والنار من شبابها
.....................................=............................
=ملفي المورقي
المواقف كلبوها ناد ناد =مايخوفنا صباح ولاهجاد
وانت قالو لحقتن من قوم عاد=والقناعه كنز ثابت فالحياة
من قديم الوقت وصفوفنا منكم وفوق = يالله التيسير والنار من شبابها
الهروج الضايعه ماله قيمه وذوق = يابن عم العير والنار من شبابها
=تركي الميزاني
المواقف مالها غير الرجال =الرجال اللي ترسي كالجبال
وانت مابين العرب روح وتعال =والقناعه كنز ثابت فالحياة
والله انك ماتعرف الغروب من الشروق = مثل ذاك الطير والنار من شبابها
وانت راعي شجرتن لاغصون ولاعروق = جعلها الجنزير والنار من شبابها
=ملفي المورقي
المواقف لرجال الطيبيين =مثل ابووافي ومتعب هالحين
اكتسح كل الرجال الحاظرين=والقناعه كنز ثابت فالحياة
مثل صاحبنا نبا نحط له فالسوق سوق = شوف وش يصير والنار من شبابها
شجرتن مامن تحته صبوح ولاغبوق = مالها تأثير والنار من شبابها
=تركي الميزاني
خلي متعب عنك يامال الغناه =المطيري رافع الله مستواه
وانت مالك لامفر ولانجاه=القناعه كنز ثابت فالحياة
من يصاحبكم يعود على ربعه سروق = طيح ولا طيروالنار من شبابها
والله نروقك بالمشعاب لين انك تروق = شر ولا خير والنار من شبابها
=ملفي المورقي
المطيري مرتفع واخشى يطير =ثم يصير الصبح شي مايصير
وقعوفوق البسيطه يامطير=القناعه كنز ثابت فالحياة
نحمدالله طبعنا لانخون ولانبوق = وانتم اهل البير والنار من شبابها
العرب تردعك وانت علىشان السبوق= وين رحت مغير والنار من شبابها
=تركي الميزاني
الله اللي عزنا بين الشعوب =بالشجاعه فالشمال وفالجنوب
وانت دوب انسترتك بك بثوب=والقناعه كنز ثابت فالحياة
اول العلم عيا ...فالمنطق صدوق = غير فالتزوير والنار من شبابها

[الطائر المهاجر]

فلاح مع تركي 2000

=فلاح
سلام مني على المطران وعتيبه=واثني سلامي على اهل الجود والطيبه
مادام تركي معي ما عاد به خيبه =والراس مرفوع والرايات مرفوعه
يا سلامي على اهل الحفل والحاضرين=ردتن تنثني من راسها الساسها
قوم يا صاحبي كانك رزينن فطين = المعاني نطبلها بمرواسها
=تركي الميزاني
الله يحييك عد اخطاك يالغالي =انيابة عن مطير وكل رجالي
لكن يا كثر ما يطري على بالي=والراس مرفوع والرايات مرفوعه
يا هلا مرحبا حيالله الزايرين=عد ما تقبس النيره بمقباسها
ودي انشدك يابن الناس جاين منين=العرب تعرف الاجواد واجناسها
=فلاح المورقي
دام البقا يامرحب واستمع هرجي =يا فارسن له فرس لكن بلا سرجي
انصحك يا صاحبي لا تفتح الدرجي =والراس مرفوع والرايات مرفوعه
انصحك لا تعود من يسار اليمين=وانشدك عن ديارن صرت عساسها

ولم يكمل فلاح المورقي المحاوره

[الطائر المهاجر]

ملفي وسعيد الفهري

=ملفي
فلاح دوره قضا ما باقي الا سعيد = اسمه ولا ادريسعيد الحظ والاّ شقي
انته جنوبي وجاذبك البحر من بعيد = لكنّ من دون موجه ملفي المورقي
=سعيد
فلاح باقي هنا في يده سيف حديد= وانا ليا شبت النيران ما بتّقي
انا جنوبي وعندي فالخزينه رصيد =وليا رقيت ارتقيوليا نزلت ارتقي
=ملفي
النار يا صاحبي تسرج وهل من مزيد =لاتحرقك وانت رجال شريف ونقي
اعرفك من منطقك شاعر وراسك عنيد=لكن انا فالمواقف رافع مطرقي
=سعيد
النار برد وسلام وجايكم فالوعيد =والناس تعرف مقامي وتعرف منطقي
وانا اعرفك شاعر صامل ولا انت بتهيد=لكن انا رافع سيفي معا بيرقي
=ملفي
ما جيتكم غير افيد بهرجتي واستفيد =ياليل كم راح منك وكم هو اللي بقي
الله رزقني بهيبة خالد ابن الوليد =لو جيت قدام كسرى ما يبشّ عرقي
=سعيد
ما جيتكم غير اوقف دمك وسط الوريد = واللي بقي محزمي المليان مع بندقي
ما دام ذي هيبتك فاسمك صلاح الجديد =ابكتب النصر والامجاد فوق ورقي

[الطائر المهاجر]

محاورة بين المورقي والقرقاح

فلاح

على المطرف والموالي من نظيفين القلوب=اثني سلامي عد ماهز الهواء غصن شجره
الشمس تغرب فالبحر وسهيل يبدي من جنوب=والسيف وسم العز في انصابه وبطنه وظهره

ملفي

يالشاعر اللي جيتنا من شرق تدفعك الهبوب=يامرحبا مالاح برق الصيف وانهل امطره
الشمس تطلع مير تاليها تعود للغروب=والسيف وقع في صفىً قاسي وعاجه وكسره

فلاح

بيني وبين عيال مفلح كلهم سيلٍ جذوب=لولا غلاهم طال عمرك ماحجزت التذكره
لا تحسب ان تفريق خلق الله مثل جمع الذنوب=والموت متقفيك والمسجد بجنب المقبره

ملفي

يابو محمد مانقول انك صدوق ولا كذوب=الله يبارك بالشراب اللي يبل الحنجره
ياصاحبي لا ترشد الشعار لين انك تتوب=دايم تحدث وانت بين الميمنه والميسره

فلاح

يازينها لا جات علمٍ غانم ومشلح وثوب=وان عًدمت فالميت اصله كلب والناعي مره
انته تجاهلنا وتطعن بالقبايل والشعوب=ماتدري انا لا كسرنا العظم محدٍ جبره

ملفي

جاين على رغبتك يالقرقاح منته بمغصوب=واللي ورد عد الروى ربك يسمح مصدره
انتم بني قحطان لا شمر ولا انتم بالحروب=واللي حدر هاك السنين الماضيه في محدره

فلاح

ماني ببيها طال عمرك لا غسول ولا شروب=الخير واجد ياعتيبه وابرد الثلج اكبره
حنى بني قحطان تاج المدح والنار الشبوب=وارماحنا في محزم الرجال والا منحره

ملفي

ركبو ثنين الطايره واثنين مالقيو ركوب=الله يعين الحاجزين وقاطعين التذكره
حنى عتيبه من وحمنا يالع الضلع ويذوب=تحمد الله ياعبيدي يوم منته بحجره

فلاح

انته صحيبك خزن الارقام في بطن الحاسوب=اثره يحاول يقهر العالم عسى الله يقهره
الحمد لله هيبتي في كل فج وكل صوب=وانته تحاول تقلب الدنيا على قرن بقره

ملفي

يامدفع الاعياد ليه اهل الحسا سموك طوب=مافيه غير الملح ياجعل القنابل تفجره
عدونا ينحاش يالقرقاح وصياحه طنوب=حنى عمود الدين والمسلم يبا الله ينصره

فلاح

اللي تزعله البياله ربما يرضيه كوب=والمدفع اللي قلت مايقدر يحركه اعشره

[ابراهيم عبدالحميد]

الطائر المهاجر

إيفاد بديع و راقى لمحاوره رائعه و متميزه
دمت أخى و سلم لنا ذوقك الرفيع

[عبدالله المسعودي]

الطاائر المهاجر ..؛
جهد واافي ..؛
شكر1 لك ..؛

يجب أن نستفيد من هكذا محاورة
والشكر موصول لأخي الطاير المهاجر الجهد الواضح

[حي الضمير]

اختيار رائع
شكرا على المجهود والنقل يابوعبدالله

سلمت يمناك

نقل ومحاورات راائعه

لا هنت

موج القصيد