][ صباح الخير ياقلبي ][

[عبدالعزيز الرقابي]

صباح الخير ياقلبي صباح الورد والكادي=صباحن مني معطر بأحلـى ورود جوريـه
صباح المسك والعنبر صباح الطير والشادي=صباح الخير ياعمري ياأحلى بنت حوريـه
أشوف البدر في عيونك وأشوفه كنه ينادي=بوده لو يجي عندك وياخذ وصفه سحريـه
سحرتي كل من حولك وحتى شلة النـادي=يشوفونك سحابة شوق مرت وقت عصريه
صباح إسمك يانواره ورسمك ماهو بعـادي=فسبحان الذي يرسم ملاك بسحـر قمريـه
بودي لو أشوفك يا سنـا للضـي برقـادي=وأسبح في تواصيفك من الحايـل لسوريـه
وأشوف الموج يغمرني وسط شلالك الهادي=وخليتي الخيال اللي جذبني واحـه بحريـه
انا مآخذ من الزينات الا العطـر والكـادي=فعشقي من صغر سني لوردة فـل عطريـه
صباحي ينتظر رؤياك ويمك سافر منـادي=ياليته يجمع الماضي ويرسم لوحه شعريـه
يترجم صدق احساسي بأنه مهـد ميـلادي=ويترجم لحظه بلحظه قصيدة وصف عذريه

أتمنى أن تنال إعجابكم ..
عبدالعزيز الرقابي ..

[مروان الشيخ]

صباحك ورد اخو ي عبدالعزيز

يشرفني ان اكون اول المصافحين لقصيدتك الجميلة

صباحي ينتظر رؤياك ويمك سافـر منـادي
ياليته يجمع الماضي ويرسم لوحه شعريـه
يترجم صدق احساسي بأنه مهـد ميـلادي
ويترجم لحظه بلحظه قصيدة وصف عذريه

[الطائر المهاجر]

صح لسانك وقلبك
جزلة من راس جزل حيث الجمال والقوة والإبداع
لاهان راسك
تحياتي الطيبة

جميلة أبياتك أخي الكريم

لك من كل الود

[سناعيس]

عبدالعزيز الرقابي
صح لسانك
قصيدة رائعه
بيض الله وجهك يالجزل

تحياتي

[الخنساء]

صح لسانك اخي الشاعر
ابيات رائعة لاهان راسك

دمت بخير

[منيع]

ابيات رائعه
شكرا لك اخي عبدالعزيز
تحياتي

[عبدالرحمن الصباح]

صح السانك جزله من شاعر جزل تقبل ودي اخوي

[ابومياس]

صح لسانك وبيض الله وجهك

قصيدة تعج بالجمال

دمت بخير

[عبدالعزيز العقيدي]

عبدالعزيز الرقباني
هلا وغلا ومليون ترحيبة
هنا ثناتر عذب البوح وأعذب الأبيات
فلملمت هذه الورود من باقتك الفواحة

صباح المسك والعنبر صباح الطير والشادي
صباح الخير ياعمري ياأحلى بنت حوريـه
أشوف البدر في عيونك وأشوفه كنه ينادي
بوده لو يجي عندك وياخذ وصفه سحريـه
سحرتي كل من حولك وحتى شلة النـادي
يشوفونك سحابة شوق مرت وقت عصريه
صباح إسمك يانواره ورسمك ماهو بعـادي
فسبحان الذي يرسم ملاك بسحـر قمريـه
بودي لو أشوفك يا سنـا للضـي برقـادي
وأسبح في تواصيفك من الحايـل لسوريـه

تحياتي لك ولأبداعك الراقي