من تأمل بواقعنا بفكرٍ حيادي

[الطائر المهاجر]

من تأمل بواقعنا بفكرٍ حيادي= وكيف صرنا بعدما النفط جاب الفلوس
يدرك انا نهيم بكل صحرا ووداي= في طموحات تمرض للعقل والنفوس
نطرد الوهم في وقتٍ به الكل مادي= كل فكره على الاموال اصبح مهوس
كل واحد يبي يسبق جميع الجيادي= والنتيجه يعاني بين هم وهجوس
وشان ياصل طموحه اصبح الذل عادي= بعد ماهم رجالٍ اصبحوا كالتيوس
فالكرامه تلاشت من نفوس العبادي= وكل واحد يبيع لصاحبه او يدوس
من قشور الحضاره نشتري في تمادي= لا حضاره كسبنا ولا غدينا ضروس
مطمع لكل واوي من اوباما لنجادي= وكل ثرواتنا صارت علينا نحوس
صار هذا يرقد وذا يشوت بركادي = والعرب في المذله للغرب والمجوس
ومن تخلف بعضنا والمٍ بالزنادي= لكل رأي مخالف يحرقه بالقبوس
يصنفه كيف يبغى دون عقل ورشادي= بين ملحد وعلماني ولو بالحدوس
لين زاد التطرف في جميع البلادي= وكل واحد امام وعالمٍ بالطقوس
وزاد فينا التشتت انبسط يالمعادي= خطتك ناجحه مهما تغيّر لبوس

[هترل]

صدقت وللاسف هذا الواقع !
صح لسانك يادكتور حتى ترضى
شاعر حكيم ومخضرم وترمي على الجرح

تحياتي وتقديي

[داعي الشوق]

صح لسانك يا بو عبدالله

تصوير جميل لواقع مريب

الله يصلح احوال المسلمين

وصح لسانك مليوون

ولاهنت

[محمد بن عمار]

أخوي المهااااجر
صح نبضك وكل جوارحك
وصح لسانك وجاد بيانك
لشموخك الفاخر ود ّ لا ينتهي
أخوك / محمد بن عمار

[منيع]

اجدت واوسعت ضربا على الواقع العبوس
شكرا لك
تحياتي

[مشعل التريباني]

اخوي الطائر المهاجر
صح لسانك وجادبيانك ولافظ فوك على هذه الرائعه
عزالله انك قلت الصحيح الله يعين صراحه الوضع مزري
لكن نشكو لله سبحانه هو حسبنا ونعم الوكيل حنا خذينا
من حضارة الغرب الشي الفاسد ولا قدرنا نتعلم منهم الصناعات
والشي الصالح هم يعلموننا المنافي للدين ويبخلون علينا بالعلم
النافع الله واكبر عليهم كيف جيرونا لحسابهم تلقا عيالنا يقلدونهم
باللبس والشعر والقصات الخليعه الشكوى لله

[الفردوس]

حروفك العذبة الراقيه
صنعت درة نفيسه
صح لسانك
ولاهنت
اجلالي وتقديري

[ساهر الليل]

صح لسانك يابو عبد الله

قصيده رائعه وقضيه ,,

ابدعت في سبكها

وحبكها بفكرك النير

لاهنت شاعرنا ,,,,


صادق الود والتقدير

[حي الضمير]

صح لسانك ياشاعر الحكمة
ابدعت وعوايدك

[ابراهيم غضيان الشراري]

صح الله لسانك.

يالطائر.

على هذه اللوحة الرائعة.

تحياتي وتقديري.