غــلاء الــمــهـــور ،، في ثــلاث أبــيــات

[داعي الشوق]

يـــظــن الــبــعــض زود الــمــهــر فــيــه تــشــريــف = كــنــز وتــجـــارة مــــا ل يـــلـــزم قـــطـــافـــه
ا لـــشـــرع لـــه مـــوقـــف عـــلــى أهـــــل ا لــتــكــا لـــيــف= وكـــلـــن قـــــراء الـــمــضــمــون والــكــل شــافــه
مــــن حــــدد مـــهـــور الــقـــلـــوب الــمـــوالـــيــف = ســـلـــــم عـــلـــيــــه ولــــو تـــطـــول الــمــســافـــه

[الطائر المهاجر]

من حدد مهـور القلـوب المواليـف
سلـم عليـه ولـو تطـول المسافـه

قصدك :
من خفض مهور القلوب المواليف

طيب خذ

المشكلة ماهيب مهر وسواليف = المشكلة وين الرجال العرافه
شباب في التشليح من غير توليف= نادر تلاقي رجل فيه الحسافه
ولا من لقيته عاطل بدون توظيف = عاله على اهله في اللبس والضيافه

[سناعيس]

يامرحبا ياسعود من دون تكليف=جبت المفيد بدون أية كلافه
من باع بنته بيع والله ياحيف=ضيع دروب المرجله ياحسافه

[سناعيس]

آسف قطعت عليكم ابداعكم
بس ودي أدري وش لون نقز علينا هالشايب وصار بيننا
هههههههههههههههه
واصلو وحنا صفوف

[سياف القحطاني]

ترى النسب عند الرجال المشاريف = اهل البيوت مشرعه للضيافه
تشري النسب ماهي تحسب المصاريف =تشيل حمل اللي حنتبه كتافه
ولاش مايقرب ولابه تحاسيف = لودارت الايام لازم تعافه
يجي ولدها مايقلط له الضيف=ضعيف قوم ضاري بالضعافه

[داعي الشوق]

المشاركة الأصلية كتبت بواسطة سناعيس

يامرحبا ياسعود من دون تكليف=جبت المفيد بدون أية كلافه
من باع بنته بيع والله ياحيف=ضيع دروب المرجله ياحسافه

أهلا هلا باللي حروفه مراديف = فيها المعاني مثل نقد الصرافه
نسمع بطرياه وسناعيس ما شيف = أنشهد انه رجل ما به لفافه

[داعي الشوق]

المشاركة الأصلية كتبت بواسطة الطائر المهاجر

من حدد مهـور القلـوب المواليـف
سلـم عليـه ولـو تطـول المسافـه

قصدك :
من خفض مهور القلوب المواليف

طيب خذ

المشكلة ماهيب مهر وسواليف = المشكلة وين الرجال العرافه
شباب في التشليح من غير توليف= نادر تلاقي رجل فيه الحسافه
ولا من لقيته عاطل بدون توظيف = عاله على اهله في اللبس والضيافه

هذا بلا بوك أنت جبت المضاريف = اللي بها كل الأمور بحرافه
هذا شباب ضاع يومه محاذيف = أحلامهم ضاعت وزاد انجرافه
بأسباب طماعه تريد المصاريف = أهل الشروط اللي تجيب النحافه

[داعي الشوق]

حياك الله يا سياف القحطاني ..

وصح لسانك

[الطائر المهاجر]

المشاركة الأصلية كتبت بواسطة سعود بن سعد الحافي

هذا بلا بوك أنت جبت المضاريف = اللي بها كل الأمور بحرافه
هذا شباب ضاع يومه محاذيف = أحلامهم ضاعت وزاد انجرافه
بأسباب طماعه تريد المصاريف = أهل الشروط اللي تجيب النحافه

حياك الله يا سياف

سياف قال الحق من غير تحريف = عطني رجل واعطيه ظرف بغلافه
فاللي نشوفه من شباب(ن) غطاريف = يجعل ولي الامر يرفض مخافه
من راعي الكيسان وإلا التلافيف= امضيّع(ن) راسه وعقله خفافه

[داعي الشوق]

لا عاد ترجي من جرا به صواديف = حيث انهم منتوج فعل الجلافه
مثل الذي مبحر بليا مجاديف = من عاتي الامواج صابه رجافه
لو كان للغالين راي و تلطيف = ما شفت يالشاعر ردود وخلافه