دعاني الشوق(بالصوت)

[الطائر المهاجر]

دعاني الشوق واسرجت الركايب وابتدى المشوار = احسب اني بخيصٍ بالدروب وتاهت ابعادي
ابي شرق وخذاني الدرب لـواد التيه والاخطار = بعز الظهر عطشانٍ بليّـا ماء ولا زادي
سألت الله يجيب المزن تحيي ميّت الاشجار = تطفي من لهيب الشوق في العسرات بابرادي
سحابه عجلةٍ تمطر تجيب العشب والأزهـار = مخايلها على ذيك التلاع ومهبط الوادي
وانا واليأس قـدّامي بفجـأة دونما إنــذار= ولا صوت يصوّت لي ينادي وين ياالغادي؟
نظـرت وشفت لي ريمٍ ولا تخطر على الأفكـار= اخاف اقـول حوريّه يشك البعض بالحادي
الا يا رمشها الـوارف تمهـل لا تـوجه نـار = فؤادي ما عرف للعشق وش لك بنت الاجوادي
خطتني الطلقة الاولى وقلت أصمد على الاقدار = رمتني الثانية حسّيت شيٍّ يطعن فـوادي
رفعت الرآية البيضا وقلت اللي حصل ما صار = خذتها وكتفت قلبي وقالت حبسك افرادي
وبدت تضحك وتتدلع وقامت تنشد الاشعــار = تهيّج خاطر المقهور ينادي وين الاجدادي
عليك الله وامـان الله من انتي خبّري المحتـار = وسرك في وسط بيرٍ ولا ياصل لحسادي
وفجأة رعد وبروقٍ ومطر هايج كما الاعصار = ابي ملجأ ، أبي مأوى ما بي وردٍ ولا كادي
ودورها ملاقيهــا خطفها الـبرد والتيّــار= غديت امشي واناديها وضاعت رغم انشادي
بكيت وقلت ياربي عليم الحـــال والاسرار= ترجّع من خذا قلبي معه ياخير مقصادي
الا يا حب حبيته وتـلاشى ما لقيت آثــار= متى تسمح وترجع لي تجدد عيد ميلادي

صح لسانك
رائعه جدا ً كل الشكر لك على هالجمال

دمت بخير

[ابراهيم عبدالحميد]

سيدى المبدع

كلمات رائعه
تتألق بالآداء المميز و بين سطورك المتألقه

دمت بخير و دام تألقك لنا

[الأموره]

يآ سلآم ..~

الله الله الله ..~

روعه يالمهآجر ..~

تبآرك الرحمن ..~

صح لسـآنك ملايين ..ئ

سلمت و سلم فكرك ..~

ألف شكر لك ..~

دمت برعآية الخالق ..~

[نفحات حساسة]

يعطيك العافيه يالطائر
وصح الله لسانك ولا هنت
ولى عودة..

[الطائر المهاجر]

شكرا الأمل
على كريم المتابعه
لاهنتي
اطيب التحيه

[الطائر المهاجر]

شكرا ابراهيم
على كريم المتابعه
لاهنت
اطيب التحيه

[منيع]

مبدع ورائع يادكتور
شكرا لك
تحياتي

[الطائر المهاجر]

شكرا الأموره
على كريم المتابعه
لاهنتي
اطيب التحيه

[الطائر المهاجر]

شكرا نفحات
على كريم المتابعه
لاهنتي
اطيب التحيه