السلام عليكم اخواني النقاد

[العاشق المحب]

السلام عليكم اشكركم جزيل الشكر واطلب كرم لاأمرا التوجيه والنقد
ويعطيكم العافيه
اتقبل النقد والتوجيه من الجميع الاساتذه لكن النظام لازم اختار اسماء
الاخوان الشعار الطاير المهاجر والشويمان والطامي


لاماثنيت العزم جيت الحفل عاني=لفيت وخليت ظرفي خلف ظهري خصيم
لفيت وكلي وله لديار جداني=الديرة اللي لها عشقآ بقلبي مديم
وماشغفنا الديارا حب وجداني=ولكن الحب للي ساكنبها مقيم
لفيت وكلي وله والبال حيراني=طول المسافه وانا مابين كاف وميم
الكاف كيف اوفي ربوعي بقيفاني=والميم مدري شقدم بالمقام العظيم
صرت اتخيل جبال طويق بحضاني=تردد امجادكم وانا افخربكم واهيم
وجزل الشعر ثار فيني ثور بركاني=جن وتلاقن في صدري على قاف آيم
سلامي في حلة" تنصاها الاعياني= سلامن احلا من الحالي وتمر القصيم
ودي وباقات وردي واعذب الحاني= تطوق اعناقكم في هالمقام الحشيم
وكل عام وانتم بخير وعيدكم هاني=يالله عسى افراحكم ياهل المواجب تديم
مهما ا بعدتنا المعيشه نلتقي ثاني=تلمنا ديار عرمه ياعساها النعيم
هذا يسولف لهذا وذاك طرباني=تمطر احاسيس شوقه مثل هطال غيم
وينشد عن فلان ويا فلاني وفلاني= حن لسنين الطفوله والزمان القديم

[العاشق المحب]

الاخوان المسئولين حاولت الارسال للاخوان الشعراء
لكن الارسال لايقبل

[داعي الشوق]

لا يقبل كيف ؟
من جهتك أو من جهة المرسل اليه ؟

[العاشق المحب]

شكرا لتجاوبك استاذي داعي الشوق
الشويمان لايستقبل رسايل
والاخ الطاير المهاجروالاخ الطامي ارسلت لكن لاادري هي وصلت لان عداد الرسايل ثابت

[الطائر المهاجر]

لفيت وكلي وله لديار جداني=الديرة اللي لها عشقآ بقلبي مديم
اشوف ان هذا سليم ويمكن اتخاذه كنموذج للبقيه
لو يكون وزن البقيه عليه يصير افضل
ولو ترجع للمواضيع المثبته عن الوزن تستفيد اكثر
صح لسانك
تحياتي

[الطامي]

اهلا العاشق
هاهي اقدمها لك حسب لغتنا المشتركه بعد التعديل لعلها تروق لك ولجميع
والمعذره على القصور

بالعزم لبيت وجيت الحفل عاني=لفيت وظرفي خلف ظهري خصيم
لفيت وكلي وله لديار جداني=الديرة اللي لها عشقٍ بقلبي مديم
ولاشغفتنا الديارا حبٍ ووجداني=لاكن الحب للي بوسطها مقيم
لفيت وكلي وله والبال حيراني=طول المسافه وانا مابين كاف وميم
الكاف كيف اوفي ربوعي بقيفاني=والميم مدري شقدم بالمقام العظيم
صرت اتخيل جبال طويق بحضاني=تردد امجادكم فخرٍ وقول سليم
وجزل الشعر ثار فيني ثور بركاني=جن تلاقن في صدري بقاف عظيم
سلامي في حلة" تنصاها الاعياني= سلامٍ احلا من الحالي وتمر القصيم
وردٍ وعودٍ معتق واعذب الحاني= تطوق اعناقكم في ذالمقام الحشيم
عساكم بخير دوم وعيدكم هاني= يالله عسى افراح اهل المواجب تديم
مهما بعدتنا المعيشه نلتقي ثاني=تلمنا ديار عرمه ياعساها النعيم
هذا يسولف لهذا وذاك طرباني=تمطر احاسيس شوقه مثل هطال غيم
يِنشد عن فلان ويا فلاني وفلاني= ذكرى سنين الطفوله والزمان القديم

[العاشق المحب]

لي رجعه يالنشاما

[العاشق المحب]

المشاركة الأصلية كتبت بواسطة الطائر المهاجر

لفيت وكلي وله لديار جداني=الديرة اللي لها عشقآ بقلبي مديم
اشوف ان هذا سليم ويمكن اتخاذه كنموذج للبقيه
لو يكون وزن البقيه عليه يصير افضل
ولو ترجع للمواضيع المثبته عن الوزن تستفيد اكثر
صح لسانك
تحياتي

مشيت على نفس لحن البيت النموذج مع باقي الابيات
وماشيه معي مضبوط هذا اقصى ماتعلمته
و يمكن يكون فيه زياده حروف اونقص بتوجيهكم
باذن الله اتدارك ذلك
مشكور اخوي الاستاذ الطاير المهاجر وبانتظار المزيد من النقد *

[الطائر المهاجر]

طيب مدام تأكدت
فهي من وجهة نظري تمشي على حالها ولو بعض الأشطر فيها شوي ثقل
صح لسانك
ولاهنت
تحياتي

[العاشق المحب]

المشاركة الأصلية كتبت بواسطة الطامي

اهلا العاشق
هاهي اقدمها لك حسب لغتنا المشتركه بعد التعديل لعلها تروق لك ولجميع
والمعذره على القصور

بالعزم لبيت وجيت الحفل عاني=لفيت وظرفي خلف ظهري خصيم
لفيت وكلي وله لديار جداني=الديرة اللي لها عشقٍ بقلبي مديم
ولاشغفتنا الديارا حبٍ ووجداني=لاكن الحب للي بوسطها مقيم
لفيت وكلي وله والبال حيراني=طول المسافه وانا مابين كاف وميم
الكاف كيف اوفي ربوعي بقيفاني=والميم مدري شقدم بالمقام العظيم
صرت اتخيل جبال طويق بحضاني=تردد امجادكم فخرٍ وقول سليم
وجزل الشعر ثار فيني ثور بركاني=جن تلاقن في صدري بقاف عظيم
سلامي في حلة" تنصاها الاعياني= سلامٍ احلا من الحالي وتمر القصيم
وردٍ وعودٍ معتق واعذب الحاني= تطوق اعناقكم في ذالمقام الحشيم
عساكم بخير دوم وعيدكم هاني= يالله عسى افراح اهل المواجب تديم
مهما بعدتنا المعيشه نلتقي ثاني=تلمنا ديار عرمه ياعساها النعيم
هذا يسولف لهذا وذاك طرباني=تمطر احاسيس شوقه مثل هطال غيم
يِنشد عن فلان ويا فلاني وفلاني= ذكرى سنين الطفوله والزمان القديم

اخوي الاستاذ الطامي اشعر ان اللحن تغير علي بعد التعديل حاولت امشي على اللحن اللي مشيت عليه انا ماجا معي لوقسناه بالبيت النموذجي اللي اشار له الطاير المهاجر
مشكور اخوي الاستاذ الطامي تعلمت منك الكثير بعد اعادة صياغة بعض الجمل اللي غابت عن بالي

*