ردي على قصيدة الشاعر فلاح بن منشار

[ابومياس]

المشاركة الأصلية كتبت بواسطة فلاح بن منشار

ودوا لابو مياس الاخبار عنّي = قولوا له ان صويحبك بات محرور
من ساحرات الطرف ذا صوبنّي=كني غريق وبالفلاء صرت مسحور
بالسوق صدفه من ولع ناظرنّي = بعيون من فوق الوجن فاتنه حور
لولا الحياء من شوقهن كلمنّي=وانا يالولا الخوف من منزل الطور
قلّبتها بالفكر وامست تغني = وتقول لاياقلب لا مانت معذور
والقلب في حب الجمال امتحني= وامسى من اللوعه كما عش دبور
ياعود بان اخضر بديع التثني=من نبع في ذي عين بالفن مشهور
بعدك عن عيوني بروحي مكني=اذكرك في نومي ومع فجّة النور
طال الغياب وحزن قلبي سكني=عقبك فلا لي بالهوى شعرة الثور
هذا الزمان اودى بشيعي وسني=والخوف من زلة قدم بين محضور
قالوا لي المسيار واثره تجني = كم من فضائح به وكم به من الزور
واليوم شوف الشات ناره تقني=تاه الشباب وشايل العود طنبور
الخوف لو جاك الهوى دون مني=تطرد سراب وتسري الليل مقهور
هذي اسامي انس واسماء جني = انثى ذكر يمكن صقر صار شحرور
ياصاحبي منّك صفى لي ومني =يجلى الصواب ويبتدي عقبه الدور
احترت بالحاله ومن حسن ضني=جيتك على حرف الجَزّل وانت دكتور
جاوب حروفي وانت لاشك فني=تعرف علوّ الموج في بحر مسجور

وهذا ردي على شاعرنا القدير

والاخ العزيز فلاح بن منشار ومع الاعتذار عن القصور

لان الحرف لايرتقي الى سمو حرفك 0

يامرحبا ترحيبةٍ جتك مني=عد الحروف اللي على الطرس منشور
تاصل فلاح اللي شكالي وفني=امرٍ خطر بالقلب والقلب مخطور
ياصاحبي شوف العذارى تجني= احذر من عيونٍ تصيبك بثابور
قبلك طريحٍ بالهوى ومتعني=حبيب ليلى قيس ويقبل الدور
اصبح هبيلٍ بالصحاري يوني= فاقد وكنه واحدٍ صار مخمور
قلبك خضر والخوف ياخوي سني= اني اقدم لك نصيحة على الفور
ابعد بعيد وخل عنك التمني=لاصرت يالصنديد منته بمجبور
لاتقول غاراتٍ علي تشني= واسهام تنصى القلب والقلب معذور
لاطالعتك عيون منا ومني=مافيها شي انك الى الخلف بتدور
ابيك ذيبٍ(ن) امعطٍ (ن) مايحني=لحب الشوارع مايلقيه منظور
واللي على الجوال دايم ترني= عطها جلى وانته على تبدي الشور
مسيار مدري عرف والضن ضني=انه خراب لدار من قبل معمور
اشره على اللي باللمسير يهني=دام المسير زارع البذر في بور
والشات فيه من الغثى والتدني= مافيه خيرٍ يافتى الجود مذكور
هذي نصيحة وردها دوم عني=لاتنجرف ياطيب الذكر للحور
جود على جنيك لايجيك جني= يقلب حياتك وتصفق الكف مقهور
وكلٍ على ليلاه قالوا يغني = خل البلى في داخل الصدر مستور

[سناعيس]

المشاركة الأصلية كتبت بواسطة ابومياس

وهذا ردي على شاعرنا القدير

والاخ العزيز فلاح بن منشار ومع الاعتذار عن القصور

لان الحرف لايرتقي الى سمو حرفك 0

يامرحبا ترحيبةٍ جتك مني=عد الحروف اللي على الطرس منشور
تاصل فلاح اللي شكالي وفني=امرٍ خطر بالقلب والقلب مخطور
ياصاحبي شوف العذارى تجني= احذر من عيونٍ تصيبك بثابور
قبلك طريحٍ بالهوى ومتعني=حبيب ليلى قيس ويقبل الدور
اصبح هبيلٍ بالصحاري يوني= فاقد وكنه واحدٍ صار مخمور
قلبك خضر والخوف ياخوي سني= اني اقدم لك نصيحة على الفور
ابعد بعيد وخل عنك التمني=لاصرت يالصنديد منته بمجبور
لاتقول غاراتٍ علي تشني= واسهام تنصى القلب والقلب معذور
لاطالعتك عيون منا ومني=مافيها شي انك الى الخلف بتدور
ابيك ذيبٍ(ن) امعطٍ (ن) مايحني=لحب الشوارع مايلقيه منظور
واللي على الجوال دايم ترني= عطها جلى وانته على تبدي الشور
مسيار مدري عرف والضن ضني=انه خراب لدار من قبل معمور
اشره على اللي باللمسير يهني=دام المسير زارع البذر في بور
والشات فيه من الغثى والتدني= مافيه خيرٍ يافتى الجود مذكور
هذي نصيحة وردها دوم عني=لاتنجرف ياطيب الذكر للحور
جود على جنيك لايجيك جني= يقلب حياتك وتصفق الكف مقهور
وكلٍ على ليلاه قالوا يغني = خل البلى في داخل الصدر مستور

فلاح بن منشار / ابو مياس
الكل منكم صح لسانه
صوت وصدى رائعان ولهما أثر في القلب ودوي رائع
أمتعتونا الله بيض وجيهكم

تحياتي

[مبارك أبوظهير]

الله الله



رديه رائعه جدا ..




أبدعتوا .. صوت وصدى .. لاهنتوا الجميع .. وصحت ارواحكم




تحياتي ..




مبارك

[عبدالرحمن الصباح]

صوت وصدى رائعين لعلمين من اعلام الشعر تقبلوا تقديري

[الأموره]

الله ،، الله

جد روعه يا ابومياس
سلمت و سلم فكرك ،،

الف شكر لك ،،

دمت برعاية الخالق ،

[ســُلاف]

قبلـك طريـحٍ بالهـوى ومتعنـي
حبيب ليلى قيـس ويقبـل الـدور
..
امرُ على الديارِ ديارُ ليلى
واُقبلُ ذالجدارِ وذالجدارِِ
فما حبُ الديارُ شغفنا قلبي
ولكن حُبُ من سكن الديارُ
..
ابو مياس
كتبت لصديقك ما تحبه لنفسك كنت حكيماً صادقاً مخلصاً في كل حرف هنا
صح لسانك ولسانه

[حوريه]

أبدعت بالرد يا بو ميااااااس

بكلماتك العذبه ورد ك يؤكد روعتك

بس ماكنك قسيت عليه شوي وهو على ذا الحال؟؟

أسجل اعجابي بهذه القصيه الراااائعه

صح كلك ونبض قلمك

[عبدالله راشد الثويني]

الله عليكم
لا يسنتج سوى الإبداع
سوى المتعه
سوى الحماس
سوى المتابعه الصامته
عندما يلتقيان امثال أبو مياس وفلاح بن منشار
كل الشكر لكما على هذه الدرر
تحيتي للجميع

وكلٍ علـى ليـلاه قالـوا يغنــــي
خل البلى في داخل الصدر مستـور


الله الله
صح لسانك
روعه بصراحه
أبدعت في الرد ووفيت
يعطيك ألفـ عافيه
دمت بخير

[نجم الإبداع]

صح لسانك اخي ابو مياس

وافي ومبدع


لاعدمتك

فائق الاحترام