السلسبيل

[حسين العنسي]

لو يفتقدني الشعر مانيب فاقده=لنه بوجداني وساكن كياني
يركد شهور يثور فيني واعاوده=من سلسبيل أنهل جزيل المعاني
لاضاق صدري قمت أشاهد شواهده=واختار منه محكمات البياني
عزي لشاعر هاجسه مايراوده=مثل اليتيم اليا فقد قلب حاني
يمسي طوال الليل والليل ضاهده=عايش وحيد وطول عمره يعاني
ذاق الشقا والويل محدن مساعده=غير الكريم اللي له الراس داني
لاجار وقته في زمان ٍ يكابده=مد الكفوف لرب سبع المثاني
باني الشداد السبع مَّن شد ساعده=يجزاه كل الحمد عد الثواني

[حوريه]

صح لسانك وعتلى شانك


راائعه بروووووعة حضوووورك


دمت وسلمت

[حي الضمير]

جزل ياحسن والحقيقه ابدعت بالحيل
والف صح لسااااانك على هالقصيده الراقيه

[مبروك بن ماضي]

الاخ الفاضل الشاعر العذب / حسين العنسي
لا تزال محلقا في سماء الابداع و بين غيوم الروعه
لاخلا و لا عدم و صح الله لسانك مليون ولايكفوون
سجل اعجابي القديم وتفضل بقبول تحياتي واحترامي
أخوك / بن ماضي

[سناعيس]

صح لسانك ياحسين
قصيدة طيبه من شاعر طيب
لاهنت

تحياتي

[الـزلـزال]

حسين العنسي

عزي لشاعر هاجسـه مايـراوده=مثل اليتيم اليا فقـد قلـب حانـي

لا فقدك الله من الشعر ولا أفتقدك


صح لسانك ملايين



تقبل تحياتي

[الخنساء]

صح لسانك الشاعر حسن
لاهان راسك قصيدة رائعة
سلمت وسلم شعرك
دمت بخير

[صوت الإحساس]

الله الله الله

صح لسانك مليون ولااا يسدون

لله درك


حضور يملأ المكان جمال وعذوبه ونور

رااائع


لك صاااادق الود

[داعي الشوق]

يا هلا بالشاعر حسين العنسي

والحمدلله على السلامه

من طوّل الغيبات جاب الغنايم

صح لسانك يالغالي

رائع كعادتك ،،

تحيتي لك ،،،

[سعيد الصاعدي]

الاخ الفاضل / حسين العنسي
صح لسانك لاهنت
نص شعري راقي جدااااااا
من شاعر متمكن
تحياتي
أخـــوك
س / ص