الغاب ملكي ..نصيحة الثعلب لأولاده

[الطائر المهاجر]

الغاب ملكي وكل اللي يسكنونه= وانا من الظل احكمه واحكم اسياده
بالعقل لا الناب ادبر ما تجهْلونه = ولو شفتوا ان الأسد من يمسك قياده
ياعيالي اليوم ابوكم اقفت ظعونه =والموت حوله ويجهل وقت ميعاده
لابد ما تسمعوا نصحه ومكنونه = حتى تقوموا بدوره لا ارتخى شداده
من يحكم بظل ما يدرى عن ظنونه= وهو على الطول يفعل كل ماراده
ومحدٍ يحاسبه من فوقه ومن دونه= مهما سرق او نهب فالسرق له عاده
ومن قبل ياصل يدور من يهابونه= كل الخلايق ويقرب منه بركاده
ويستحمل الخنق مهما طلع عيونه= حتى يثق به ويكشف كل ابعاده
يوفر له اللي يبي بالعقل وجنونه= ويصير له عين في صحوه وبرقاده
ولا شاف حوله اسود يكتم شجونه= ويظهر غباءه وجبن لعين صياده
ويكسب حضوره بعزفٍ طابت لحونه= ويذل نفسه لهم لو كانوا ارفاده
ولا من تمكن بدا التوجيه بفنونه = بنصايح الحاكم الأسمي واسعاده
باخلاص ظاهر ولا يدرى بمدفونه= حتى يسيطر عليه بعذب انشاده
ينصحه يجوع لشعبه كي يتبْعونه = فالشعب لاشبع يتمرد على اسياده
يقطر عليهم فتات بفيض ماعونه = ويرفع فواتير مثل السوط جلاده
والقوت لازاد سعره هم يعذرونه= يلوموا المصدر اللي صدّر لزاده
وكلش تحت يده لكن ما يهمونه = دامه تحت اسم من حطه له وساده
ويكثر من وعود حتى انهم يحبونه= فالهرج ببلاش يسكت كل نقاده
واللي يطيعه يحطه دوم من دونه = بينه وبين الشعب بيبان وسداده
ولا من تمرد وخالف شي بظنونه= شاله وحط البديل وضبط اوتاده
ويخلي المرونه بمنهاجه وقانونه= تخدمه ما تخدم اللي يعلن عناده
وان صار عند المغني يظهر فنونه = ولا صار عند المطوع صوم وعباده
ولا وصل ديره يشيد افضل حصونه= ويكرم اهلها من التجار والقاده
ولا شاف بالدار منهم ما يودونه = خذ منّهم زوجة تحميه ولاده
ويفرق الخلق خفيه ما يعرفونه= بزرع الفتن بينهم نيران وقاده
وابعادهم عن بعض حتى يطيعونه= فالجار يجهل بجار دوم بوصاده
ولابد باشغالهم ليا يشغلونه = بتناحر حول ارض السهل ووهاده
ويصير صارم لاجل ناسه يهابونه = بطق الجعيري يهابه كل فهاده
وكلش بقانون حتى ما يلومونه = فالشعب امانه وهو من يظهر اسعاده
يبقى طوال العمر سلطان في كونه = ويورث اللي يجي بعده واحفاده
وانتم بسيفه تجيبوا ما تريدونه = فالختم بيدينكم للخير وراده
ولا من حصل شي مما لاتودونه= فأنتم بلا بصمة في الشر وابعاده
فالحكم في الظل ياعيالي له فنونه= فامشوا على نهج ابوكم تعلوا امجاده

[الطامي]

الطائر
صح السانك ملايين
ابداع في الحكمة والنصح لافض فوك
شكرال ك

[بنت النور]

صح لسانك مـلـيار
و صح بوحك و دام نزف قلمك
لاهنت

و دمت بخير

[داعي الشوق]

صح لساااااااااانك و اعتلا شانك و لاهنت

ابدعت و عساك سالم

[حي الضمير]

ابدعت وعوااايدك شاعر الحكمة
لافض فوك ومليااار صح لسانك

[ساهر الليل]

الله الله عليك

هذي من فعايل السطوح يطلع المكنون

انا اشهد انها فارعه من شاعر بارع

وحكيم يجيد وضع النقط على الحروف

سعدت بقرائتها ولايمل منهااا

لي عوده مره ومرات

صح لسانك وقلبك حتى ترضا

تقبل اجمل التحايا والتقدير

[منيع]

اكثر من رائعة
شكرا لك
تحياتي

[نفحات حساسة]

صح السانك ياعمده

ولاهنت يالجزل.

رائعه،،يعطيك االعاااافيه

سلمت

[عبدالله الشويمان]

قصيده شقيه..

يا حبك للمحارش..

الله يفكك من لسانك.

ابدعت يا دكتووور.سبك وحبك.

[الطائر المهاجر]

شكرا الطامي
على كريم المتابعه
لاهنت
تحياتي