لاهنت يادمعٍ

لاهنت يادمعٍ من العين هلي=دمعٍ تقل من ضيقة الصدر هارب
لاطاح لولا عزتي طحت كلي=والدمع بعض احيان مافيه ذارب
قاسي علي أقسى من فراق خلي=وأحر من لدغة خبيث العقارب
إحتجت له يوم اقرب الناس . زلي=ومشارق الهقوه طوتها المغارب
زله . وتلتني من أقصاي تلي=لين إرتخى حبلٍ من الطيب كارب
لوهي من أقصى الناس قلنا تحلي=لاشك هذي بين لحيه وشارب
كنت أحسب إنه لي عن الشمس ظلي=وعن الظمأ عدٍ عذي المشارب
لكن لقيته بالردى واقفٍ لي=ولقيت وجهه حزة الضيق غارب
واليوم للفرقا تركته يولي=والحر لامنه جزع . مايقارب
ورآى العوج من يتبعه مايدلي=والناس مختلفه شعور ومئارب
أحدٍ على الدنيا خدعه التسلي=وأحدٍ حريص وعلمته التجارب
تبرى جروح الوقت وتموت غلي=لاشك ماتبرى جروح الأقارب

للشاعر

زعل الرشيدي

[الطامي]

لاهنت غربة الروح
وشكرا لك
على النقل المميز

[ابراهيم عبدالحميد]

نقل راقى و رائع دمت أخى و دام ذوقك الرفيع

[حي الضمير]

منقول رائع لشاعر جزل وصح لسانه ولسانك
والف شكر على النقل

[الجارح]

سلمت اخوي على النقل الرائع

[صعبة المنال]

نقل متميز
صعووب

يعطيك الف عافيه

اختياار موفق للغايه

سلمت

[زهرة اللوتس]

شكرا لك
نقل رائع تسلم ايدك
تحياتي

[حي الضمير]

منقول رائع وصح لسان الشاعر
والف شكر ع النقل

[عالي مستواها]

ورآى العوج من يتبعه مايدلي
والناس مختلفه شعور ومئارب
أحدٍ على الدنيا خدعه التسلي
وأحدٍ حريص وعلمته التجارب
تبرى جروح الوقت وتموت غلي
لاشك ماتبرى جروح الأقارب



الله الله صح لسانه

غربة الروح نقل رائع لاهنت

يعطيك العافيه