الصداقه وعصر العولمه

[عيظه الصيعري]

صحيح يا محسـن تراهـا تساهيـل=لاكنها مـا جـات حـد القطاعـه
الوعد يكبر فـي عيـون الرجاجيـل=في ذمةالرجـال مثـل الوداعـه
والرجل ما يقطع خيوط المواصيـل=يظهر ويكتب عن ظروف انقطاعه
لوكنت با الجوال سقـت المراسيـل=ابعذرك وتصيـر عنـدي قناعـه
ياراعي الوقفات والسيـف والخيـل=غيرك عصر العولمه والصناعـه
الاولــه عديتـهـا دون تعـديـل=والثانيه ما عـاد فيـه استطاعـه
ياصاحبي قد صار با الوضع تبديـل=والصبح قبل يبان يطلـع شعاعـه
قطعت غصن الصمت في ظلمة الليل=لاجل المـزارع ينتبـه لزراعـه
امـا يقـوم وينتبـه للمحاصـيـل=ولا انهايتهـا سنيـن المجـاعـه
ما قلت لك ان الزمن غيـر الجيـل=والخير هو والشر مبطي صراعـه
بعطيك عن بعض الحقائق تفاصيـل=منها يشيب الطفل سـن الرضاعـه
اليـوم لاتستغـرب القـال والقيـل=لوجاك حتي من شيـوخ الجماعـه
هذاك ابن طنـاف شيـخ المناهيـل=عيظه ولده ولاخـذا مـن طباعـه
الشيـخ يحكـم للرجـال الحلاحيـل=وهذا يغنـي لطـرب كـل ساعـه
صرنا في الدنيـا سـوات المهابيـل=كلن يحسـب قوتـه مـن ذراعـه
ولا النهايـه بـا السنيـن المقابيـل=امـا غـداء للوقـت ولا متاعـه
بنهي كلام القـاف والحـط والشيـل=لاصار قول الحق صعب انتزاعـه

[داعي الشوق]

صح لسانك يالشاعر عيضة

قصيدة طيبة و جزلة

رغم العتب في معانيها

و الله يصلح الحال ،

شاعر كبير يا عيضة و صاحب ابداع جميل

تقديري لك مع التحية

*************

[الراقي]

صح فكرك

ودام حرفك ..

و صح لسانك

كل الشكر لك

[نافع بن محمد البويت]

مبدع ياعيظه
صح لسانك
لاهنت
تحياتي لك

[محمد عبدالله البدراني]

عيضه الصيعري

سلمه الله


من ناحية القصيدة اقول صح السانك وعلا شانك

ولكن لي عتب عليك او قل رجاء بعدم ذكر اسماء فايجب ان نذكر الناس بما يحبون


فحتى ابن طناف لن يرضى بان يذكر ابنه بما لا يرضيه


الف مليون صح السانك
وعلا شانك

تحيتي وتقديري

[صعبة المنال]

صح لسانك
توجيه جميل من البدرانى


صعووووب

[مبروك بن ماضي]

اخوي المبدع :
الشاعر / عيظه الصيعري
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

ملاحظة :
توجية البدراني في محله
مع احترااااامي ،

[سعيد عوده الحويطي]

صح فكرك

ودام حرفك ..

و صح لسانك

[عمر ال شيبي]

صح لسانك لا هنت ابد

صدقت

موضوع جميل فكره وقالب

الله عليك

[منيع]

ابيات رائعه
تحياتي لكم