يا الله عبدك حظة اليوم منعاج

[عبدالمحسن الرحمه]

يا الله عبدك حظه اليوم منعاج
حارت به أفكاره وزاد انزعاجه
يا الله يسر له من الضيق مخراج
باسمك يناديكم تزيل انحراجه
كنه على نارٍ توهّج توهّاج
يشكي من الدنيا وقلت خراجه
همٍ بقلبه يصطفق مثل الأمواج
ضيّق على حاله وعكّر مزاجه
عنوانه ابدنيا الشقا دايمٍ داج
كاسٍ به أحلامه تكسّر زجاجه
في مرقده كنّه على حامي الصاج
حاروا دكاتر هالزمن في علاجه
في مشهده ينقص له إنتاج واخراج
من شان تكمل فرحته وابتهاجه
ياما مشى مع درب الأفكار دواج
ماشاف من كثر التفاكير حاجه
كثر التمني لبّسه فوقهم تاج
في عرشه الوهمي غدا بالعجاجه
ياالله طلبتك عني الضيق ينباج
خايف على عقلي يجيه ارتجاجه
ياالله تجعل لي من الدين معراج
عدل لوضع ن زايد الدين عاجه
قفل على الدين بابه بمزلاج
كبده من الضيقه على صلو صاجه
تايه بدربه مالقى اليوم منهاج
ماذاق عذب الماي يشرب هماجه
صار النهار ابعينه أسود من الزاج
الدين سبب له كثير اللجاجه
لو شاف من زين الغنادير مغناج
ما يلتفت تقول شايف خواجه
لا له مشاريع ن ولا عنده إنتاج
يزيد دينه لو شرى له دجاجه
كم سند محفوظ في وسط الأدراج
لو كل فج ن يطرد الرزق داجه
يا أهل الوفاء والجود لو فيني إحراج
محتاج فزعتكم تسهل فجاجه
فزعاتكم يا أهل الوفاء عندي إعلاج
خلوا ضعيف ن ضاق يضحك حجاجه
هم ن ملازمني مثل جور حجاج
أحلامي شتتها وطفى سراجه
أول وحظي ياعرب مثل الأبراج
في قربهم قلبي يزيد انبهاجه
والحين راح العمر ولا عاد نحتاج
غير الولي في ظلمة الليل ناجه
بإذنه يبدل شدة العبد بفراج
يزيل ضيقاته ويسعد مزاجه

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[عبدالمحسن الرحمه]

المشاركة الأصلية كتبت بواسطة الطائر المهاجر

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

ياهلا بسيدي الشاعر القدير
لك في قلبي محبه لا يعلمها إلا الله سبحانه
كل الشكر على هذا الحضور الراقي
صح الله ابدنك يالامير

[الطامي]

صح السانك
ابداع مميز من شاعر علم
لاهنت

[عبدالمحسن الرحمه]

المشاركة الأصلية كتبت بواسطة الطامي

صح السانك
ابداع مميز من شاعر علم
لاهنت

ياهلا وغلا في هذه الطله المباركة
ياسيدي الطامي أسعد الله قلبك
وصح الله ابدنك

[جهاد الشعلان]

ابيات من القلب

صح لسانك

والله يقضي دينا ودينك

ويفتح لك ابواب الرزق

تقبل مروري

[عبدالمحسن الرحمه]

جهاد الشعلان هذا الاسم
اذا حضر في متصفحي
يفز له قلبي غلا وحتراما

صح الله ابدنك

[منيع]

جزل ومبدع
ربي يرعاكم بلطفة وتوفيقة
تحياتي لكم

[عبدالمحسن الرحمه]

منيع ياهلا فيك مليون
الله يديم عليك نعمة الدين والصحة والعافية والله يسعدك بالدنيا وفي الآخرة وصح الله ابدنك

[داعي الشوق]

الله يزيل ضيقتك و يسعد مزاجك بكل خير

وصح لساانك يالشاعر

قصيده قويه بمعناها