المكر لانكل سام في كل الاقطار

[الطائر المهاجر]

المكر لانكل سام في كل الاقطار = واللي يعارض ينتهي في سهوله
يلعب على كيفه بتحريك الاحجار = وينفّذ اللي بالجهر ما يقوله
مدفوع من صهيون في كل مشوار= ويخْدمه من يجهل نوايا فعوله
ويلعب على حبلين في سر وجهار= ويركض وراه اللي انخدع في طبوله
يخاف كل الخوف من شعب لاثار = ولا همه اللي ساعده في ختوله
من بعد ما هو يدعمه ..لابدا اعصار = يستبدله بآخر بلحظة وجوله
المصلحه تدفعه من غير انكار = ولا يعترف باللي خدم من خيوله
فالعاقل اللي من يقلّب للافكار = فمهما ارتفع لابد يومٍ نزوله
لكن اذا هو ذيب يدرك للاخطار= يعرف مصيره قبل يبدا وصوله
ويدرك شرار النار لو كانت صغار= لابد تكبر لو دعسها برجوله
ومن ينتقى من حوله ارجالٍ اخيار= يعطونه الواقع بعدل وميوله
يمشي بدربه صح مايوم يحتار = ويتبعه ذكر الطيب في كل جوله
ومن ينتقى بعض الحصاني والاشرار= يعموه عن دربٍ يحاول يطوله
ويشوهون لسمعته دون يختار = وكلٍ اناني كل همه ذلوله
وهو من يلام بكل تقصير وادبار= فالناس ما تبغى الحصاني الأكوله
ولاهي تقرّ الظلم من كل جبار = ممن يراهم ما يساووا نعوله
يستعبد ابطشه وهم خلقوا احرار= ولا يدري انه ينتهي في سهوله
يحرق مثل غيره مثل يبس الاشجار= ولا ينفعه من كان بالمكر حوله
ومن لا اعتبر بالغير يشرب للامرار = ومن لايخاف الله يرى ما يهوله

[صعبة المنال]

الله الله الله

لكن اذا هو ذيـب يـدرك للاخطـار
يعرف مصيره قبـل يبـدا وصولـه
ويدرك شرار النار لو كانت صغـار
لابد تكبـر لـو دعسهـا برجولـه

العبرة

جزلة يا ابو عبدالله ووافيه مجارية للواقع ولما يدور

انار الله قلوبنا وعقولنا

صح لساانك مدد بلا عدد

[الطامي]

المكر لانكل سام فـي كـل الاقطـار
واللي يعارض ينتهي فـي سهولـه
يلعب على كيفه بتحريـك الاحجـار
وينفّذ اللـي بالجهـر مـا يقولـه
،،،،،،،،،،،،،،،،،،،،،،،،،،،،،، ،،
الطائر
صح السانك ملايين
رائعة جدا وهادفه لافض فوك اخي
شكرا لك ولاهان راسك

[عبدالرحمن الغيثي]

ومن لا اعتبر بالغير يشرب للامرار

ومن لايخاف الله يرى مـا يهوله



تصوير رائع يبو عبدالله


يسلم قلمك وفكرك

[الخنساء]

صح لسانك مليوون

قصيدة جزلة من شاعر جزل

سلمت ودام حرفك

[كظيم]

الطائر المهـاجر
صح لسانك وفكرك
ابدعت في التصوير ومحاكاة الواقـع
هنا نص يحكي مايخفى
هنا حكم لمن اراد أن يتعظ
والايام دوارهـ
ابدعت لله درك
تقبل مروري المتواضع لاهنت
ودي وتقديري

[عرق الماس]

صح لسانك شاعرنا..
ابداع من ابداعاتك المؤئرة يا مهاجر..
تسلم يدك.

[حوريه]

طائرنااااا المهااااااجر
صح قلبك ..
قصيده جزله من شاعر جزل ومتمكن
تحيتي لك مع التقدير
0
0

[عبدالله راشد الثويني]

ويدرك شرار النار لو كانت صغـار

لابد تكبـر لـو دعسهـا برجولـه

دروس وحِكم تستحق الوقوف طويلاً

صح لسانك استاذي الغالي / عثمان العبدالله

مُبدع ومتألق دائماً

كل الشكر ولا هنت

وتقبـّـل تحيتي

[منيع]

ابدعت واجدت وافدت
شكرا لكم
تحياتي