لا لا لا لا ياحماس الغشيمه!

[فهد حنس العتيبي]

لا شك بأننا . كنا ومازلنا مع شعب غزه المغلوب على آمره ويشهد الله اانا في قنوتنا ومساعداتنا حسب استطاعتنا نجتهد حسب قدراتنا لنصرتهم انما
وانا اكتب هذه القصيده لامست حقيقه اجتهدت فيها قفز عنها المتعاطفين
وهي من او جد لبني صهيون المبرر لدمار غزه واهلها والقصيده تشرح ذلك

آي انتصار ٍ تدعونه على هــــــون ! = خـــــوفوا من الله فالنتيجه وخيمه
دمـرتوا الشعب ( العزل ) لاتقولون = بمغامرات ٍ ســــــــاذجات وعقيمه
أرقابكم ,, فيها من الشعب, مـــلــيون = من شعب غزه , ياحماس الغشيمه
الف وثلاثميه ( اشهيد ) ويـــزيدون = هزيمة ٍ يــــــــاكبرها من هزيمه
والآف جرحى بين طايح ومطعون = أنتم ( وباراك ) اخشرا بالجريمه
وش استفدتوا , غير هذا وهــــالدون = شعب ٍ على قتلاه نـــاحت حريمه
وش ذنبهم اطفال غـــــــزه يموتون = بــــأرقابكم ( حوبة ) يتيم ويتيمه
واليوم من فوق المـــنابر تبـــــــابون = وغزه دمار وكنها ,,, هورشيمه
عرضتوا ,, الايتام في وجه صهيون = ودفيتوا ( الشـــيبان ) مثل البهيمه
وحطيتوا الشعب العزل فوق ماعون = ادروع في وجـــه اليهود , ووليمه
حسبي عليكم ربنا ماتــــــــخافون = من عاقبة ربي وحـــــامي جحيمه
لو, أتبعتوا ( سنةالدين ) بالعون = ماجت , نتايجها ، عـــلينا مـضيمه
صلح ( الحديبيه ) بها الناس يدرون = فيـه اعــتبار وفيه حـــكمه وقـــيمه
رحتوا رهينة كل طامع ومدهون = وخليتوا أرباب النوآيـــــا الحكيمه
ماغير مع(هاك العمايم ) تنــآجون = وإيـــــــران تدفعكم يامال الحريمه
ابعيد عن نار المعارك تـــلالون = والشعب يــــذبح ,, والقنابل امقيمه
الله ... يفك الشعب منكم ويحيون = ابـــــــــــــعيد عنكم في مسره وديمه
وهذاك ,لاصاحي ولاهوب مجنون = مافك ( حيضانه ) من اللي يضيمه
خمسين عام ولاتحرك من الهون = وراه ,, مافك الــــــــوطن من غريمه
ونجاد , في قلبه من الغل غــليون = على الـــعرب يضرس ونفسه كظيمه
وشلون ؟ تتلونه على ويش؟ تتلون = وجزر , إمارات العرب في بريمه
تبون من ترسانة ( الشيعه ) العون = اللي يســــــبون ( الصحآبه ) ظليمه
خوفوا من الله خالق الفلك والكون = وسيروا مع افجوج , الخلا المستقيمه
أدري! لوانه فيكم اعقول واعيون = ما خنتوا الــــعهد بمقر ( العظيمه )
في بيت ربي تقسمون وتبــآكون = وعـادت حـليمه للـــــــــــعلوم القديمه
وياللي تدسون الدسايس وترمون = حــــــــنا , عذاب اهل الفتن والنميمه
حنا ( قبايلنا ) على العهد يـــــــافون = قـــبـايــل ,, فيها عقيده وشيمه
في واجــب ال سعود باللي يريدون = عـــــــهد علينا والولاء مانضيمه
حــكامنا , نبراس للمجد وحـــصون = بيت العروبه والذرا ,, والشكيمه
واللي يبي له ! دور مـن دور فـرعون = بين العرب تسمع ( لغاه ) ووشيمه
وده ! يجيب اصحون ويودي اصحون = والناس تعرف مال ( كوبان ) قيمه
ويبقون حكامي علــى الروس يبقون = غصب على هـــاك القلوب السقيمه
حنا سياستنا , بـها الـــناس ياعون = اسعود ابن فيصل مروض خصيمه
واعي, لما ينحاك من لمز , واظنون = ربي يــــــمـــــده , بالنجاح ويديمه
اسعود (سعد العين) من حيث ما أكون = في ذمتي ما ارجي وراها , غنيمه
لاشك دمي , حــــار وابليس ملعون = ومن لاحما ,, داره عساه الحريمه
ويبقا , وطنا رغم الاحداث مصيون = مـــــادام عبدالله , ذراه , وزعيمه
وماداموا, عتيبه على الارض يمشون = والله ليبطي هــــالوطن ,في نعيمه

شعر فهد العتيبي

[الطامي]

بن حنس
صح السانك ملايين
وافية وجزلة من جزل
والله يعز الأسلام والمسلمين
وينصر اهل غزه على اعدائهم

[عذب القوافي]

صح لسانك أخي فهد

نص وافي

ولو لم أوافقك أن حماس

غشيمه

حماس هم من لبو ندى الرحمن في جهادهم الذي

أقلل الغرب وكانت الحرب مدروسة بعناية إلا أن الله يزيدهم

قوة ونصر

وجة نظري آمل ان لاتضايقك أستاذي الكريم

دمت بخير حال












تقديري ,,,,,,,,,

[حوريه]

فــ@ـــد

صح قلبك واحسااسك

قصيده راائعه و وافيه من شاعر وافي

عسى ربي ينصر الإسلام والمسلمين في كل مكان

دااام حرفك ونبضك

ولاهنتــــــــ..........

[سعيد الصاعدي]

الاخ الفاضل / فهد بن حنس
صح لسانك لاهنت
نص شعري راقي جداااااا
من شاعر جزل
تسلم ويسلم فكرك يالغالي
تحياتي
أخــــــوك
س / ص

[ياسر عبدالرحمن الخالدي]

ماهو الانتصار الذي يخلو من اية خسائر؟!

هي لم تكن حماس فحسب لا تنسى ان جميع الفصائل الوطنية مشتركة

خبرة خذيناها من يوم حنا بزران اذا صملت لحالك قدام شله فانت وضعت لك قدم في صناعة الحياة,,

نصيحة لا تطلبون من المريض ان يكف عن التأوه بل عالجوه!

[الـزلـزال]

دمرتوا الشعب ( العزل ) لاتقولـون=بمغامـرات ٍ سـاذجـات وعقيـمـه
أرقابكم ,, فيها من الشعب, مليـون=من شعب غزه , ياحماس الغشيمـه
الف وثلاثميه ( اشهيـد ) ويزيـدون=هزيمـة ٍ ياكبرهـا مـن هزيـمـه

فهد بن حنس


قصيده متقنه ووضعت النقاط فوق الحروف


من شاعر جزل ومتمكن ويعي ماحوله


لا مست الجرح أخي العزيز أكثرمن غيرك

بهذة القصيده الصائبه في جميع ماحوته


مبدع شاعرنا ومتميز ورائع


صح لسانك ملايين ملايين


ولك فائق تحياتي

[نجم الإبداع]

الله الله

ونعم بك وبربعك يافهد

صح لسانك

جزل

لاهنت

تقبل مروري

وتقديري

[الطائر المهاجر]

أنتم ( وباراك ) اخشـرا بالجريمـه
ماغير مع(هاك العمايـم ) تنآجـون
صلح ( الحديبيه ) بها الناس يدرون
فيه اعتبـار وفيـه حكمـه وقيمـه

تجار والتجار يبغوا يكسبون= ولا اظن فيهم من نوايا سليمه
مخطط ينفذ من قرون وقرون= وحنا مع التيار نحسبه ديمه
يبون تطويق الجزيره بشارون=واللي معه في السر لو هو خصيمه


صح لسانك واعتلا شأنك
فبالفعل المدرك لما يجري قله
لاهنت
تحياتي

[سناعيس]

صح لسانك اخوي فهد
وبيض الله وجهك
ولو أنني أخالفك الرأي فيما قلت عن حماس بالذات
وكيف لها ان تنتصر حماس الانتصار المطلوب؟!!
و الاغلبية الساحقة من العرب والعالم ضدها بتأليب من أمريكا وأكاذيب الاعلام الصهيوني والغربي
ولكن ومع هذا كله حققوا نصرا ولو جزئيا بفضل الله بالرغم من الاسلحة المحرمة التي استخدمت ضدهم برا وبحرا وجوا اما قضية علاقتهم بايران فهذه سياستهم عندما تخلا عنهم الجميع
وعلى ما اذكر أن الجميع يقول عندما ارادو الحرب على العراق لو استطعنا ان نستعين بالشيطان على العراق فلن نتردد وتحالفت الدول بما فيها اسرائيل ودمرت العراق لصالح من؟!! ومن يحكمها الآن ؟!!!
اسف على الاسهاب بالتعليق
تحياتي