الوقت دوار

[نهير النمش]

((الوقت دوار))

البـارحـة مـــر بـالــي كـــم طـرقـيـه=منـهـم مـصـدر ومـنـهـم كـــم وراده
تفرقـوا مـن خيـالـي وأخـلـوا النـيـه=وأخـتـارو الـصـد والعـربـان مـــداده
ما فيهـم اللـي وقـف وانمـدت أيديـه=وما منهم اللي يرد الصوت لأسيـاده
النـاس بالنـاس يالأصـحـاب معنـيـه=والطيب مـا ينحسـب لمكبـر وسـاده
كم واحـدٍ راح عمـره مـا لحـق غيـه=راحـت لياليـه مـا جابـت لـه أمـراده
الــوقــت دوار والـدنـيــا مـضـاويــه=أغنـم زمانـك قبـل لا يقبـس أزنــاده
الحـر يشـفـق عـلـى عـالـي مراقـيـه=والنـاس يـا صاحبـي بالحيـل نـقـاده
ســلام لـلــي يـســر الـبــال طـاريــه=ياوارثٍ طيب أبـوه وسطـوة أجـداده
يا صاحـب الخلـق مأمـوره ومنهيـه=بأمـر الكريـم العزيـز منجـي عـبـاده
نــارِ تلـضـى بـجـوفـي قـــل والـيــه=بيـن المعالـيـق نــار الـجـود وقــاده
لو مالرخاء فطـرة صـدورٍ شماليـه=كان أحتفل بالصدور الضيق بأعياده
ولو أن الأرزاق تأتي لك على النيـه=محـدٍ تكـبـد مــن الأتـعـاب واجـهـاده
يـا بعـض الأحـلام لا تبقيـن ورديــه=تـغـيّــر الــوقــت والأيــــام جــــلاده
والنـاس كـلـن بـجـوده دون عانـيـه=وعمـر البنـادم مـحـدد قـبـل مـيـلاده
مجموعـة أحــلام وأحـلامـه خيالـيـه=بنآله أمجاد وماطّول مـع أمجـاده
هـــذي حــيــاة الأوادم دوم مـقـفـيـه=طلابـهـا دوم واقـــف لـــه بمـعـيـاده
وهالحيـن لـو مـر بالـي كـم طرقـيـه=تـركــت كـــلٍ بـمـصـداره ومــيــراده

[الطائر المهاجر]

صح لسانك وقلبك
جزل ومبدع
لاهنت
تحياتي

[روح الشعر]

صح لسانك ولا هنت

جزله وطيبه

ودي واحترامي

[عبدالرحمن الصباح]

صح السانك قصيده جزله من شاعر جزل

[الـزلـزال]

نهير النمش

نص رائع ومميز وجميل
من شاعر متميز ورائع في كل مايقدمه لنا
أبدعت وأمتعت شاعرنا
دمت ودام لنا حرفك الراقي
صح لسانك ملايين ملايين
ولك فائق تحياتي وتقديري

[حي الضمير]

صح لسانك مدد شاعرنا نهير
ابدعت وامتعت يامميز

[منيع]

ياسلام
مبدع ورائع
شكرا لك
تحياتي

[وليدالبسطي]

صح لسانك وعتلا شانك

تسلم على الابداع

لاهنت

[حرف وشعر]

نص جميل لاهنت يالشاعر

[داعي الشوق]

صح لسانك مليوون

ابدعت

ولاهنت يالشاعر

مع تحياتي لك

،،،،،،