/.. عشقي الفاخر ../

[عبدالله خالد البكر]

السلام عليكم ورحمة الله
اليكم هذه المتواضعه والتي اتمنى ان ترتقي لذائقتكم

كتبتك في سما فكري وهلّ من الشعر ابيات = غرستك في مدى عمري وزانت كلّ ايامي
وانا في (عشقك الفاخر) حياتي كلها لذّات = رويت افراح من بحرك بعد ماكنت انا ضامي
ازحت الهم عن بالي محيت اوجاعي العسرات = إلين بسبّتك يازين انا فارقت آلامي
وانا ماغير اشاهد من فعولك مايسرّ الذات = تحقق ماتمنيته وكنّك تدرك احلامي
ولكن لو تناشدني عن اللي في زماني فات = لكان الحزن يغشيني ويشعل جرحي الدامي
زمانٍ فيه قادتني من صدوف الزمن علاّت = تراودني بحين اصبح وفي ممساي إلزامي
رح انشد ليلي الداجي وكم من أسهره اوقات = او انشد دفتر اشعاري الا جاه الحبر حامي
زمانٍ راحت ايامه وذكره في خيالي مات = مدامك عندي متواجد ومثلك شامخٍ سامي
وخذ مني مكاتيبٍ نظمته من غلاي ابيات = عن احساسي تعبر لك فحيثك مصدر الهامي

[الأموره]

الله الله يالبكر ..~

هطول جميل ..~

تبارك الرحمن ..~

صح لسانك ملايين ..~

سلمت و سلم فكرك ..~

ألف شكر لك ..~

دمت برعاية الخالق ..~

[منيع]

ابيات رائعة
واحساس مرهف
بارك الله فيك
تحياتي لكم

[حمود السكراني]

عبدالله البكر صح لساااااااااانك

قصيدة عذبة من شاعر عذب

سلمت وسلم نبضك

[مبروك بن ماضي]

حضور متميز ..
لشاعر متميز ..

القدير / عبدالله البكر
سلمت يمينك ..
ودمت رائعاً متألقاً .
تحياتي واحترامي ،

[داعي الشوق]

صح لسانك يالشاعر عبدالله

معاني عاطفية شمالية

سلمت و صح لسانك

مدد بلا عدد

تحيتي لك

،،،،،،،،،،،،،،،،،،،،

[الخنساء]

صح لسانك ولاهنت

ابيات رائعة وبوح جميل

سلمت ودمت بخير

[عذب القوافي]

صح لسانك : أخي عبدالله

أجدت في المعنى والمبنى

تقديري,,,,,,,,,,,,,,,

[محمد الأحمري]

صح لساااااااااااااااااااانك شاعرنا
الرائع والمبدع
جزله من راس جزل.

ولاهنت ياغالي
ونتمنى ان نرى لك الكثير والكثير
ونطمع لذلك
تحياتي لكـ

[زهرة اللوتس]

عبد الله خالد البكر
سلمت وسلم منطوقك
جزلة من شاعر جزل
تحياتي
وتقديري