مسافر اوروبا ؟؟؟؟؟؟؟؟؟؟؟؟ مع المري

[الطامي]

يامسافر اوروبا تريـد الدراسـه=تبغي تجيب العلم من عند لنقليـز
ياكثر مافي بلادنـا مـن فراسـه=علم الشريعه علم دينك وتركيـزّ
ومادمت ناوي العلم تبغي التماسه=بابلاد حمران العلابي هـل ابليـز
اخذ العلم منهم مقابـل سياسـه=ادعهم للأسلام بفكـرٍ وتركيـز
واسمع وصاة اللي كبيـرٍ وراسـه=غاشيه شيب وناظره ممتلـي ميـز
قد داج ببلاد الاجانب وحاسـه=يمشي بدربه سالك ومـرةٍ شيـز
اوصيك حاذر من دروب الخساسه=حيث ان بلاد القوم مليان تغريـز
وانصحك من خوة شبيه البساسه=يرديك بالهونـا وتصيرلـه بيـز
وانذرك من تبعة ذلـول الهياسـه=تغريك ّغَي ودينها ديـن بيريـز
واحذر شراب اللي يسمى وناسه=امجاملـه والا بمرقـص دهاليـز
ايخلي الرجـال يفقـد حواسـه=بعد السنام ومركبه يردفـه عيـز
ويروح عمره مخلف من اساسـه=مابين هيف وسيف ويموت ماجيز
تمسّك بدينك وحـاظ الغراسـه=تقطف ثمر حِفظك معزّه وتحريـز
تفوز بعلم ونعم وايضـا حماسـه=مع طيب ذكر وطيب خوه وتحفيز
ولاترافق الاّ من عنـده كياسـه=يغنيك من خوة كـذوبٍ ولمِيـز
وجمعى الربوع بعطلتك والأناسـه=والذيب ياكل كل مفرد وخزيـز
واياك تنسى شايبك ذوالرياسـه=وامك واخوك ودم جوفك بتمييز
يدعون لك في كل ليل ٍ دماسـه=علك تعود وترفع الراس بك ميز
واذا انتهيت فخل عندك حماسـه=تعود للديره علـى اول ايرويـز

[حرف وشعر]

الطامي والله انك صادق


ونصيحتك في محلها

وانا اخوك

دام ابداعك

[احمد حامد الزايدي]

الطامي

/

صح السانك وزان فالك يالغالي

قصيده رائعه من شاعر جزل ورائع

لك شكري وتقديري

[نفحات حساسة]

صح السانك,,اخوى
ولاهنت رائعه كما عودت
يعطيك العافيه
تحياتى

[فارس القوافي]

بالتوفيق انشاء الله



صح لسانك لاهنت



يعطيك العافية


دمت بخير

[منيع]

اوعظت واجدت وابدعت
بارك الله فيكم
تحياتي لكم

[همس الورد]

صح لساانك

و صح بدنك

بووح في غاية الروووعة

تحيتي و تقديري

[عدنان كريزم]

صح لسانك يالغالي ولا هنت

[الطائر المهاجر]

توجيهات في محلها
من فكر نير
صح لسانك
ولاهان راسك
تحياتي الطيبة

[عذب القوافي]

صح لسانك مليون ولايوفون

نص وافي نصح لأبنائنا المبتعثين

لبلاد الغرب

جزيت خيرا ً أستاذ الطامي

تقديري ,,,,,