لو انا المسؤول او صاحب قرار

[الطائر المهاجر]

لو انا المسؤول او صاحب قرار= ماعطيت الخادمه فيزه تجي
لا ولا السواق يدخل أي دار = او يجينا خكريٍ او بلطجي
كل همه كيف يقحش بالقمار= لو فعل مهما فعل يصبح نجي
راكبٍ هذا وهذا له ستار = وجالبٍ ربعه من اعمى واعرجي
والبلد ينهب بليله والنهار= من عصابات بخبثٍ تنسجي
والمواطن ما عرف وين المسار= والبعض جايع ووضعه محرجي
ولو انا المسؤول في بعض الديار= من طلب فيزه جلدته بحججي
كلكم راعي ولا فيه اختيار = قوم في الواجب فلا لك مخرجي
وبيتك اللي صار منخوش الجدار= صلّحه كانك تبي علمٍ نجي
المره تكنس وتغسل بالبخار = وبنتها معها بطبخٍ منضجي
وتنتبه لاولادها داموا صغار= وتنشغل في البيت مافيه دوجي
وكانها في شغل واولادك كبار = ودها للشغل بحجاج ابلجي
وارجع وخذها ولو هي بالمطار = لا تخليها لرعاع وعربجي
ولا انتهى شغلك ترى بيتك وقار= اثن رجلك وانتبه لاتزعجي
ولا بغوا مشوار لاتدوّر عذار= انتهض كالصقر من دون لججي
تحفظ لنفسك وبيتك بإقتدار = وتنتج رجالٍ ولا هم خدجي

[النهر الخالد]

كلكم راعـي ولا فيـه اختيـار
قوم في الواجب فلا لك مخرجي

يسعد صباحك دكتورنا العزيز

الف صح لسانك على هذه النصيحه الغاليه على الصبح

تشرفت بحضوري المقعد الامامي

تقبل تحياتي وتقديري لك استاذي العزيز

[منيع]

انت مسئول ولافيها مطار=ولو هذي مابها خيرٍيجي
كلناراعي ولاتكثر هذار=والحلول الطيبة في المنهجي
منهج السنة ولافيها غبار=هو نجاة الكل كانك ترتجي

[الطامي]

استاذي الطائر المهاجر ابو عبد الله
صح السانك وعلا شانك وسلم بنانك
ولاهنت يالغالي
كلام بالصميم
ياليت بيدي شي كان اطبقه ولو بالعصى
هاهاهاههههههههههههههههههههههه

[الصنعاني]

احمد الله ذي كفاني باقتدار=قد كفا حتى عيال المقدشي
منه المخرج ومنه الانتصار=هو كريم كافي ولسني له هجي
كم من اموالن لناسن كالجدار=همهم ملها وللملعب يجي
كل شيئ يفنى ولله القرار=والجميل يبقى ونوره مسرجي

[مبارك أبوظهير]

الله الله


وين اللي يطبق هالقصيده .؟؟؟



الحين .. الخادمه والسايق .. شر لابد منه .. مو علشان المره .. لاوالله علشاننا حنا .. ماعاد لنا خلق نودي ونجيب ..




صح لسانك .. ولكنها غير مطبقه .. ولن تطبق في هذا الزمان ...




غلاااااااااااي




م ن

[محمد الأحمري]

ههههههههههههههههههههه
صح لسانك استاذنا الكريم
قصيدة جميلة ورائعه
في جزالتها وقوتها وفي معناها
وهدفها
تشرفنا بحضورنا هنا تحت جمال ماترسمه يداك
لاحرمنا الله من هذا القلم الراااااااااااااااائع
تقبل موروي وحترامي
وتسجيل تقديري

محمد الأحمري

[الطائر المهاجر]

قال ابونايف كلام باختصار = قال مالي خلق اودي او اجي
واضح انه عودعمره بانحدار= ماهو مثل الطير لامن دفلجي
واضع الورعان في جنحه يسار= والمره يمنا وطيّّر بعججي
منهو اللي صار عودٍ بختيار= ومن هو اللي في كلامه يفلجي
ههههههههههههه

[ماجد الزيد]

صح الله لسانك يابو عبدالله وجاد بنانك على هالفكر
ليت الامور تصير كذا

والله انّك صادق ورميك قرار0000ليت يشمله النظام ويدرجي

صح لسانك وعلا شانك
ابيات كالعاده في الصميم
لكن تبقى امنيات والواقع يفرض العكس
لك التحيه والتقدير