القلب من همّه تفحّم

[ماجد الزيد]

سلام يا ماجد عدد ما يرتفع طن الحديد=وإعداد ناس ٍ مفلسه عن المأجر أختبو
وإعداد ما تصرف تحية للعقيد وألا العميد=وأعداد أفواج الشباب اللي مع الجيش أكتبو
دنياك هذي صاحبي لهمومنا صارت تزيد=كيف المراجل ضامها يامسندي ملعون أبو
وكيف التجارة ضايعة بين الحثالة والبليد=وأغلب أهلها بالربا يا ما لعبو يا ما لعبو
آسف وآسف صاحبي غصب ٍ جبرني هالقصيد=ولاتصيرمن ناس ٍ على بعض القصايد يعتبو
كلّش طلع كلّش طلع بس الرويتب مايزيد=وأهل الهواتف عندنا يا ما أنهبو يا ما أنهبو

ابيات وصلتني من الاخ عبدالكريم بن خزيم على الخاص فكأنّها جاءت على هم
بهذه ِ الأبيات تقبلوها كما هيا

يا مرحبا باللي على قلبه من الوان الصديد=اعْداد ما اهل النّفاق ابْ أرض طيبه اكْذبوا
وعْداد ما رجل ٍ جزع من ذلّة الرّق العبيد=اللي عليهم جوخة السّادات يلعنهم هبوا
وش لك بتوصيف الوضع وآنا اخْبره مابه جديد=البس يزئر والاسد جازع من اقوام ٍ دبوا
وش لي ونا اللي ما خذى من دولته ايّة رصيد=لا زايد ٍ راتب ولا ني مْحاسب ٍ كان حْسبوا
لا كاش لا درهم ولا دينار ولا ريال ٍ بديد=لكنني رابي على العزّه مع اللي قد ربوا
يعني رصيدي عزّ في بنك الدّهر وآنا تليد=ماهمّني بنك الوليد او نوح من فيه اكْتبوا
مسلم قريشي من بني مخزوم والجدّ المجيد=سيف الله المسلول منّه ملّة الكفر اهْربوا
عبد الكريم ارجاك جنّب عاثر الحظّ البعيد=والله طبْت امْن القصيد ومن خبوا من لا خبوا
اعْمامتي اركزتها في راس رمح ٍ ما يحيد=متحرّيين البيعه امّا مْهرولين ٍ او حَبوا
ولا التجارة والرّواتب مع زيادات الحديد=ببليس يا عبدالكريم الروم غازين وسبوا
القلب من همّه تفحّم ونْفجر حبل الوريد=يالعنبوا وقت ٍ به الأنذال للعليا قبوا
وقت ٍ وربّ البيت ماني فاقد ٍ به من فقيد=خالي وجنّ الشّرق عندي كلّ جرح ٍ طببوا
الانس وهموم البشر ماهمّت القلب الشّديد=اللي عزل كل البشر ..كلللل البسيطة اذنبوا
عفْريْتتي تدهل شليل الهم تصرخ.. هل مزيد=لبيييه والف الْف ٍ سلالة مجد فيها ودْربوا
ازني بها تلقح شعر والله يفعل ما يُريد=راسي ولا شاله سوى من ركّبه. لا من جبوا
امّة عروبة مععععع فنه ترقص على مصرع شهيد=يعني تهزهز وسطها للي عليها وركبوا
آمر في قبر الفتى وتْمرّغ تْراب السّعيد=اللي فنا ولا شاف من بارض العروبة كبّبوا
موتي اموت ولا شربْت الدّم من قلب الضديد=امّا شربته من عدو ولاّ من اللي سبّبوا
يلعن ابو طنّ الحديد ويلعن اسعار الثّريد=السّالفة اكبر كثير ٍ من فقر قوم تْربوا
تدري ايا عبد الكريم.. البيت ذا بيت القصيد=يا لععععع نبوا وقتي ويلعن من بذل ٍ جببوا
يفداك يا عبد الكريم اللي يحرّكها هبيد=ملعون ابو هذاك انا من يعرفه ملعون ابو

[الطامي]

ماجد
صوت وصدى رائيعين لله دركما
وصح السنتكما جميعا
لاهنمتما وشكرا للجميع

[عبدالعزيز العمار]

الشاعر عبدالكريم والشاعر ماجد ...

صح الله لسانك ولسانه ...

صوت وصدى رائعان لاهنتو..

تقبلو اجمل تحيه وتقدير ...

[الأموره]

صح لسـآن بن خزيـم

و صح لسـآنك يالزيد

ابدعت و ربي

تبآرك الرحمن

سلمت و سلم فكرك

الف شكر لك

دمت برعاية الخالق

[الـزلـزال]

صوت به ونه وألم

والله يفرجها

وصح لسان عبدالكريم بن خزيم

ماجد حمد الزيد

يلعن ابو طنّ الحديـد ويلعـن اسعـار الثّريـد=السّالفة اكبـر كثيـر ٍ مـن فقـر قـوم تْربـوا

هذا البيت صداه غطى على كل شي

وأخبرنا بأن الوضع أكبر وأكبر مما نتخيل


صدى قوي ومدوي

صح لسانك ملايين ملايين

لك أرق حيه

[سناعيس]

صح لسانك ياماجد وصح لسان ابن خزيم
شاعرين نفتخر بكما
وصوت وصدى على الجرح فعلا
الله لايهينك ويبيض وجيهكم

تحياتي

[سعيد الصاعدي]

الاخ الفاضل / عبد الكريم بن خزيم
الاخ الفاضل / ماجد حمد الزيد
صحت السنتكم
صوت وصدى من شعراء كـــــــــبار
تسلمـوا
تحياتي للجميع
أخــــــــــوكم
س / ص

[مشاري بن محمد]

اعْمامتي اركزتها فـي راس رمـح ٍ مـا يحيـد
متحرّييـن البيعـه امّـا مْهروليـن ٍ او حَبـوا

كفو


صح كلك يا غالي


ابيات رائعه ومجاراه قد تغلب القصيده الام



صح لسانك يا غالي

[نجم الإبداع]

صح لسانك ياماجد
وصح لسان بن خزيم


صوت وصدى ناري

لاهنت


تقبل مروري

وودي

[ماجد الزيد]

الشّكر لجميع المرور الكرام