البنت والجمس

[عبدالرحمن بن زهير]

متواضعه ارجو ان تحوز على رضاكم وهي موجوده على اليوتيوب ضمن مجموعة الفطاحله لمن اراد ان يسمعها على اليوتيوب يبحث هكذا: ياعسكري عبدالرحمن بن زهير

ياعسكري لاجاك جمس ومعه بنت=اسود جديد ولوحته خمس ستات
خله يمر ولا تعطله لا هنت=حتى لو مهرب حشيش ومعه قات
دخن زقارة دوف وابعد عن الكنت=واعطه ظهرك وخل دربه سهالات
فيه الهنوف اللي تناظر وانا لنت=وامشي وراها في جميع المسارات
ادعي عسى يتعطل الجمس يابنت=والا يوقف في مكان استراحات
لينه توجه للحدود وتيقنت=انه مسافر بتجاه الإمارات
في وقتها خرب المزاج وتعكننت=وجلست افكر لين جيت الجوازات
لاعندي ابطاقه ولا عندي برنت=ولا بجيبي غير خمسة ريالات
وعاتبت وقتي ليه ياوقت مازنت=وليه الخليج يحط حد وسفارات
ورجيت صوتي من عذابي وهيجنت=من مابقلبي من بلاوي وحسرات
ورجعت في دربي على وين ماكنت=واخذت من وضعي دروس وشهادات
ضاقت بي الدنيا من اسبابه وشنت=خسران يوم اطل بين الغمارات
لوهو مظلل جمسهم ماتفرعنت=ولا شفتها تضحك وتعطي اشارات
ياعسكري لاجاك جمس ومعه بنت=اسود جديد ولوحته خمس ستات
خله يمر ولا تعطله لا هنت=حتى لو مهرب حشيش ومعه قات

[منيع]

ههههههه
ابيات رائعه وموقف لاتحسد عليه
تحياتي لكم

[الـزلـزال]

عبدالرحمن بن زهير
بوح في قمه الجمال
من شاعر متمكن وجزل في كل مايقدمه
أبدعت غالينا بكل المقاييس في هذا البوح
سررت بمعانقته وأستمتعت بحروفه
صح لسانك ملايين ملايين
ولك فائق تحياتي وتقديري

[عبدالرحمن بن زهير]

منيع صح الله بدنك يسعدلي هالضحكه ولاتدقق وانا خوك تراه موضوع تخيلته بس اما لوحصل عزالله بلشه.....لاهنت ومشكور على المرور

[عبدالرحمن بن زهير]

الزلزال ياهلا ويامسهلا صح الله بدنك وشكرا على ماكتبت وهذا من طيب اصلك يالحارثي..تحياتي

[عبدالله مذكر العقيلي]

صح لسانك

ولله درك

دمت مبدع


تحيتي

[صعبة المنال]

هههههههههه
حلوة
صح لسانك

صعوووب

[عبدالعزيز البليهد]

صح لسانك ولاهنت

خيال واسع ووصف واقعي

[طلال سويعد]

رائع

مبدع شاعرنا وممتع في بوحك
صح لسانك

[عمر ال شيبي]

اما خيال
هههههههههههههههههههههه
ورب انك جزل واحلى خيال
واحلى شاعر صح لسانك لا هنت