لا تعـايدوني فلسطين تخاطبكم

[الطائر المهاجر]

لا تعـايدوني ما بقى اليوم لي عيد = وش لون يتعيّد كسيرٍ ومسجون
خمسين عامٍ كل ما اسمعه ترديـد = بعضٍ يتاجر بي وبعضٍ يغنـّون
في غابـةٍ فيها سـلاح الرعاديـد = يامر وينهى ماحتـرم أي قانـون
ما دامكم في ضعف لو شفت تنهيد = ما ظنتي في يوم يمكن تسـرّون
أنتـم مثل حالي وبالسجن تأبيـد = سجن النفوس ولا بظني تعرفـون
أبكي عليكم بين ضفعة وصنديـد = كلٍ رضى بالوضع لو عاش مغبون
وابكي على وقتٍ مضى دون تجديد= كـلٍ لأجـل الكـل للمجد يبنـون
ما فيه أناني لاعبـاتٍ به الغيـد = او خـادعٍ غـدّار شيطان ملعـون
خلوني بحالي ولو عشت تنكيـد = ماحتاج منكم نقد لو الف مليـون
رجـواي بالله ثم طفـلٍ وواليـد = يرموا حجر في وجه انذال شـارون

[الطائر المهاجر]

قصيدة تحكي واقع فلسطين قبل 4 سنوات
اجل لو نطقت الآن ماذا تقول

[منيع]

ابيات جزلة ومعبرة يادكتور
تحياتي لكم

[الطائر المهاجر]

شكرا منيع
على كريم المتابعه
لاهنت
اطيب التحيه

[بنت النور]

كتبت فأبدعت واجزلت
صح لسانك ولا هنت
تحياتي الطيبة

[داعي الشوق]

صح لساانك واعتلا شانك
فلسطين بلاها منها وفيها الله يصلح الحال
اذكر لك قصيده ..
الجسد لاصار به عله او يشكي ..

. وصح لسانك مدد

[الطائر المهاجر]

شكرا بنت النور
على كريم المتابعه
لاهنتي
اطيب التحيه

[الطائر المهاجر]

شكرا داعي
على كريم المتابعه
لاهنت
اطيب التحيه

[الطامي]

صح السانك
ومن لايهمه امر المسلمين فليس منهم
ولاهنت

[الطائر المهاجر]

شكرا الطامي
على كريم المتابعه
لاهنت
اطيب التحيه