وحيـــــد الـــــدار

[عادل بوبدر]

بسم الله أبدأ
::::

يا بو حمد بعض الروابع باسها باس ٍ شديد=تضيّع الرجال بين اخماسها و اسداسها
بادت بي الحيله و عـيّـت لا تهيد ولا تبيد=دعوى تمادت ما عرفت شبورها و قياسها
ايام أصامدها وأفلّ أم الحديده بالحديد=وايام أسالمها وأحب خشيمها مع راسها
الله من بعض الهجوس اللي تـدفــّــق بالوريد=تعذب الأجواد خصّ اللي رهيف إحساسها
خلقت في الدنيا وحيد وتالي ايامي وحيد=ومن المراره ذقت طعم الحنظله في كاسها
عيني على نجم الجدي والتاج في كتف العميد=والجوهره ما أعلم بـ فضتها ولا بـ ألماسها
بين البشر متبـلـّــد إحساسي ولو ماني بليد=إذني صمم لو هي تدقّ طبولها و أجراسها
صبرت غير الصبر بعض احيان طبـّـه ما يفيد=يلاحي جروح ٍ تـعــدّى راسها كرياسها
أبغى الجمايل والظروف تـلــيّــن الراس العنيد=كم من صليب ٍ طـوّعت باسه بـقـوّة باسها
والناس ما تقبل عذر لو جيت بالعذر الوكيد=واللي نصاك يفـنــّـد أعذارك وينقض ساسها

أخوكم ـ عادل بوبدر
وحيـــــد الـــــدار

[داعي الشوق]

صح لسانك عادل

ولاهنت

تحياتي

[الطائر المهاجر]

صح لسانك
طيبه من طيب
لاهنت
تحياتي

[ساهر الليل]

صح لسانك وحيد الدار

وسلامة قلبك

نص جميل بجمال حضورك

لاهنت يا شاعر

[منيع]

مبدع ورائع
ربي يرعاكم
تحياتي لكم

[عبدالله السويلم]

صح لساااااانك اخوي عادل

نص راااااائع من شاعرٍ اروع


ابدعت وامتعت


تحياتي لك

[الخنساء]

بين البشر متبلّد إحساسي ولو ماني بليد

إذني صمم لو هي تدقّ طبولها و أجراسها

صبرت غير الصبر بعض احيان طبّه ما يفيد

يلاحي جروح ٍ تعدّى راسها كرياسها

أبغى الجمايل والظروف تليّن الراس العنيد

كم من صليب ٍ طوّعت باسه بقوّة باسها

صح لسانك ملاييين

جزلة من شاعر متمكن

سلمت ولاهنت

دام حرفك

[حرف وشعر]

نص فائق الجمال وإبداع من شاعر غير عادى

صح كلك ياعادل

[هترل]

اااالله الله

نص جميل وعذب وشاعر مبدع ومتمكن
صح لسانك ياعادل مليار امتعتنا بهذه الفاتنه
لاهنت لاهنت يالجزل

تحياتي وتقديري

[عادل بوبدر]

المشاركة الأصلية كتبت بواسطة داعي الشوق

صح لسانك عادل

ولاهنت

تحياتي

ولا انت يالامير
بيض الله وجهك