على ولي العهد ياكبر الاحزان

[نجم الإبداع]

على ولي العهد سوق العزاء حي=من موت نايف سوق ياقاف الاشجان
مرحوم ياشيخن على الجود مرحي=من زار بيته شاف للجود سلطان
شيخن ليا جا مجلسه كل منحي =جته العلوم الغانمه واهل الاحسان
باسط شراع الامن في كل صرحي=ماطاع في شرع الهدى كل شيطان
الامر بالمعروف ماحتاج شرحي =صلى وصام وحج ومقيم الاركان
لاشك في قلب الوطن حل قرحي=والموت مايسلم منه يوم الانسان
لاهله وابو متعب ملكنا ولمحي =في كل يوم الروح تنخزّ خزان
ارفع تعازي شعب فالناس سمحي=يحزن على فقد القرابه والاخوان
ياعام بك سالت دما الشام سفحي=واكبر مصيبه موت نايف وسلطان
والوقت يبكي وان بكى منه فرحي=على ولي العهد ياكبر الاحزان

[داعي الشوق]

صح لساانك يا بو محمد

و الله يرحمهم و اموات المسلمين

و يعطيك العافيه يا نجم

و صح لسانك مدد

ولاهنت

[عبدالرحمن الصباح]

صح السانك يابومحمد الله يرحم الامير نايف ويغفرله ويسكنه الجنه

[حي الضمير]

رحم الله الامير نايف واموات المسلمين
مرثيه مؤثرره ورائعه
وابدعت يامميز
ومدد صح لسانك

[الطامي]

فلاح
صح السانك ملايين
والله يرحم من مات ويعين الاحياء
رائعة في من يستحقها
شكرا لك اخي

[محمدالحارثي]

ابدعت بما بحت به
استكانت بالمهجة وأنا أتصفحها
رحم الله الامير نايف وانزله المنزلة الطيبة
رائعه صح لسانك
تحياتي لك

[طوفـــان]

صح لسانك يابن منشار على طرحك ،،،

أسأل الله المغفر لفقيد الأمة الإسلامية جمعاء ..

أعان الله مليكنا وشد أزرهُ ووفقه ورزقه البطانة الصالحة الناصحة ..

أكرر الشكر لك شاعرنا الغالي على مشاعرك وترجمتها هنا


لك تحياتي

[احمد الكثيري]

واكبر مصيبه موت نايف وسلطـان

سلم قلبك وسلم فكرك الراقي على هذا النص الجميل

لك تقديري

[كظيم]

رحم الله نايف واموات المسلمين

نجم الابداع
سلمت وصح لسانك
مرثيه جزلـه ابدعت فيهـا يالغـلا
تقبلني وتقبل مروري المتواضع لاهنت
ودي وتقديري

[الـزلـزال]

نجم الإبداع

مرثيه رائعه ومميزه
من شاعر متميز ورائع في كل مايقدمه لنا
أبدعت وأمتعت شاعرنا الراقي المميز
دمت ودام لنا حرفك الراقي
صح لسانك ملايين ملايين
والله يرحم الأمير سلطان والأمير نايف وأموات المسلمين
لك فائق تحياتي وتقديري