تاريخٍ وذكرى ؟؟؟؟؟؟؟؟؟؟؟ مع الطامي

[الطامي]

يوم كلنً في حياته جاه شي مانساه = ضف سنه من بعد سبعه واحد الفين وثمان
لاذكرت بخاطري تاريخها واللي حواه = اتزفر ونة واقول جعل ابرك زمان
تم دمع العين يجري من حرارة ما وراه = ولا اهتنيت بنوم والزاد عفته من زمان
والامر مكتوب والحظ ماشِ بمقتضاه = سنة الله ماشية في ذا الزمان القلبان
والله اني راضيٍ في ماقسم ربي وعطاه = جعلها لي خيره وانَي على هذا معان
يالله من عندك عوضنا بمثله او شباه = قصدي التشبيه بالنوع والعقل ومكان
والله انه غاليٍ في كل درب لي مشاه = والجمايل من نساها نسى كل الحسان
طالبك يالله يامن مسك ماه بسماه = وفقه للخير بدنياه وان مات الجنان
ويالله انك تعطي الحق لي من اللي غراه = ومن حبك في ثوب نصحٍ عداوه ماتبان
منصحٍ له قدم وجهه وغاديٍ له امراه = مادرى انه نزعة ابليس يرضى بالهوان
شتت اجموع المحبين وهذا اللي يباه = جعلها له بالمثل في الرفاع وفي الطمان
يالله اني طالبك يامن حفظ مكه بحماه = جل شانك تفني اللي على هذا عوان
ويالله اني طالبك مادام ان فيني حياه = ان تريني فيه يومٍ اشوفه بالعيان
وشتت الله شمل من هو امر والا غواه = والجزا مثل العمل يصيبه كامدان
لين يذكر ماعمل فينا وهو شيٍ بغاه = ويظِهر الله سيأته وهو فيها مهان

[عبدالعزيز العمار]

شاعرنا الطامي ...

صح لسانك وجاد بيانك ...

قصيدة طيبه وجزلة لاهنت ...

[سعيد الصاعدي]

الاخ الفاضل / الطامي
صح لسانك لاهنت
يوم كلنً في حياته جاه شـي مانسـاه
اااه ياتاريخ سبعه واحد الفيـن وثمـان
نص شعري رائع
من شاعر جزل
تسلم ويسلم فكرك يالغالي
تحياتي
أخــــوك
س / ص

[الـزلـزال]

الطامي


بوح مميز وراقي

من شاعر نتطلع دائمآ لبوحه العذب والهادف


أبدعت غالينا في بوحك

والله يعوضك بالخير ويسمح دروبك

صح لسانك ملايين ملايين


ولك فائق تحياتي

[يوسف الشقران]

يكفي القصيده ان كاتبها هو منصور

اسعدني مروري هنا

لك الود والتقدير

تحيتي

[ناصر عبيد الهواوي]

صح لسانك الطامي واعتلى شانك نص رائع بكل ما للكلمة من معنى
لا فض فوك واسمع
لي بكرة ٍ شافها الطامي بوادي خصيب
ورسم عليها وسوم وعود وكبها
وخذت من القوم والا طبحت في قليب
وطردت عن الما وابل غيري يرحبها
لاهنت يالمري

[سعود المسعد]

يوم كلنً في حياتـه جـاه شـي مانسـاه//ضف سنه من بعد سبعه واحد الفين وثمان
لاذكرت بخاطـري تاريخهـا ومـا حـواه//اتزفر ونة واقـول جعـل ابـرك زمـان

الطامي صح لسانك
ابداع يفوق الوصف
لك ودي ومتابعتي

[الطامي]

ابن عمار
صح بدنك اخي
وشكرا لك على المرور والتعليق الأجمل
لاهنت عيني

[الطامي]

سعيد الصاعدي
صح بدنك اخي
وشكرا لك على المرور والتعليق الأجمل
لاهنت عيني

[الطامي]

الزلزال
صح بدنك اخي
وشكرا لك على المرور والتعليق الأجمل
لاهنت عيني