سلام ياقبر حوى الطيب كله

[منيع]

في رثاء صديقي علي بن عبدالمحسن الحافظ رحمة الله

سلام ياقبر حوى الطيب كله=سلام ياعز الرفاقة والاحباب
جيتك وكلي اسى وحالي ممله=اصارع اهموم لفتني بلى احساب
مادارفي بالي اودعك لله=وان النهايه يحول من بيننا اتراب
وصاحبي منه يحل بمحله=تتعب لياليها ولاهو بالانجاب
راح الرفيق اللي نظيف سجله=الصاحب المحبوب من كل الاقراب
راح الرفيق اللي حشا ما نمله=اللي عليه الدمع بالحيل سكاب
طبع الليالي في فراق الاخله=دايم تجرعنا البلاوي والانشاب
سالم وبومحسن وهذي ادله=ان القدر يختار ولاهو بيرتاب
يتعمد الغالين وسيفه يسله=كم غالي في غالي منه منصاب
امنت باالرحمن طاعه وذله=نرجي رضاه وكل شي له اسباب
لوطالت الايام وهلت اهله=لابد من فرقا الاهل هم والاصحاب

[ساهر الليل]

طــبـــع الـلـيـالــي فـــــي فـــــراق الاخــلـــه =دايــــم تـجـرعـنــا الــبـــلاوي والانــشـــاب

صح لسانك منيع والله يعوضك خير

ابيات رائعه رغم المها

حياتك الباقيه

تحياتي لك

[الطائر المهاجر]

الله يغفر له ويرحمه
ويلهمك وذويه الصبر والسلوان
قصيدة من وفي لمن يستحق الوفاء
صح لسانك
ولاهنت
تحياتي

[عبدالمحسن الرحمه]

صح الله السانك شاعرنا القدير
الله يصبركم
كل الود والاحترام

[داعي الشوق]

احسن الله عزاك يا بو حمد

والله يغفر له و يرحمه واموات المسلمين

و صح لسانك و طاب حالك يالشاعر

ولاهنت لاهنت

[نجم الإبداع]

رحم الله صاحبك يامنيع

وصح لسانك

مرثيه وافيه

لاهنت

[حرف وشعر]

رحمه الله وعفا عنه والهم أهله ومحبيه الٍصبر والسلوان

وشكرا لك آخى الكريم

[غازي الفكر]

صح لسان وكلك راقي الحرف
جزله من جزل وكلماتها نموذج راقي للوفاء
لها تتجاذب القلوب...رحم الله صاحبك رحمه واسعه
احترامي وتقديري لك ولشعرك ووفاءك

[نفحات حساسة]

صح الساااانك..ولاهنت

والله يغفر له ويرحمه..ويثبته

يعطيك العافيه

[منيع]

المشاركة الأصلية كتبت بواسطة ساهر الليل

طــبـــع الـلـيـالــي فـــــي فـــــراق الاخــلـــه =دايــــم تـجـرعـنــا الــبـــلاوي والانــشـــاب

صح لسانك منيع والله يعوضك خير

ابيات رائعه رغم المها

حياتك الباقيه

تحياتي لك

رحم الله والديك
شكرا لحضورك
ودي وتقديري