قنبلة الفطاحله والطامي المري

[الطامي]

(( المجلس ))

المجلس اللي فيه صجه ولجه= وإغياض وإمزاغى وهاجم ومهجوم
وتاجد به الجاهل ومن فيه رجه= ويجمع ردي من الرفاقه ومهثوم
وراعيه ماهو لطاعة الله موجه= من غفلة الزوار من الخير محروم
إن جيت في وسطه لاكنك بعجه= أو وسط بدل ذا يحرج وذا يسوم
لاهو بشفن لي ولاله اوجه= وإن جيت صوبه جيت عجلن وباقوم
ماهو بشرح ولا النشاما تخجه= كثير رواده مقاريد وارخوم
ماني مخلي غفلة فيه حجه= علي بنهارن يجعل العبد مهموم
جعله افدى اللي مجلسه له انوجه= لاجيت له تلقى المعزه ومحشوم
ملفى مناعيرن مع كل فجه= مايدهله ياكون قرمن وزيزوم
تلقى الدلال بهيلها اللي تمجه= ريحه ايشادي ريح عنبر ومشموم
وسوالفن ذربه ماهي بالسمجه= وتذكرك باللي خلقنا وقيوم
مافيه لامعالى ولى فيه صجه= وكبيرهم مافيه كبر ولا زوم
ونواجذن تضحك وهي مبرهجه = وطيبة خلق يرقى بها كل شغموم
والزين شوف الصيد لاطلع مهجه = خطوى اشقر جبر الثنادي وصيروم
لاشافه الخرب المكوبر ايرجه = وان طار ياتي به ولو دونه انجوم
وخوة نشاما مايخاوون دجه= ازلابتن لامال لاعز لاقوم
هذي طراة الروح والعمر سجه= والعبد تاليته وفاته ومعدوم
يالله ياللي له عباده توجه= يارازقن العبد والعمر محتوم
وياجاعل التيسر بعد العوجه= تغفر خطاي إن كان زليت في يوم

منصور منيخر الوذين المري

[محمد السواط]

الطامي المري

صح السانك على هذه الكلمات الرائعة والمعاني العذبه

اسلوب جزل من شاعر جزل .. دمت مبدعاً وصاحب قلم معطاء

محمد السواط

[يوسف الشقران]

لاهـو بشفـن لـي ولالـه اوجـه
وإن جيت صوبه جيت عجلن وباقوم


صدقت
بعض المجالس تجيب الهم
والمجلس من جلاسه


صح لسانك ياخوي الطامي

تحيتي

[عبدالرحمن الصباح]

صح السانك وعلا شانك جزله من شاعر جزل

[ابومياس]

يالله ياللـي لـه عبـاده تـوجـه
00000000000000يارازقـن العبـد والعمـر محتـوم
وياجاعـل التيسـر بعـد العوجـه
00000000000تغفر خطاي إن كان زليت في يـوم

امين امين اللهم تغفر له ولنا خطايانا

الرائع والشاعر العلم

منصور منيخر الوذين المري

لحروفك جمال لايضاهيه جمال

ولاسلوبك تميز وانفراد

هنا اجد الاصالة عدم التكلف والاصطناع في الكلمات

سلسة بسيطة جزلة ووافية المعاني

صح لسانك مدد بلا عدد

ودام راسك يالغالي

ودمت بخير وعافية

[مغامر]

لك بالتوفيق والاستمرار
دمت لنا ودام ابداعك وفيضك العذب
الجميل

[متسامح]

كم هي رائعه كلماتك

كم هو مبدع بوحك

استمر فقد ابدعت

[المتجاسر]

مشكور اخوى على القصيدة واللة يعطيك العافية

لن أبرح هذه الواحه
حتى أرتوى و يذهب عنى الظمأ

[ابوعزيز]

سلمت يداك على الكلمات
الاروع من الرائعة
والممتعة جدا
تحياتي لك